71st National Film Awards: शाहरुख खानला राष्ट्रीय पुरस्काराची मिळाली अर्धीच रक्कम; विक्रांत मैसीमुळे घडले असे काही…

अभिनेता शाहरुख खानला 'जवान'साठी राष्ट्रीय पुरस्कार मिळाला आहे, पण त्याला फक्त अर्धी रक्कम मिळाली. जाणून घ्या, विक्रांत मैसीमुळे अशी वेळ का आली आणि राष्ट्रीय पुरस्काराचे नियम काय आहेत.

शाहरुख खानला राष्ट्रीय पुरस्काराची मिळाली अर्धीच रक्कम (Photo Credit- X)

Follow Us:

Follow Us:

71st National Film Awards: बॉलिवूड अभिनेता शाहरुख खानला त्याच्या कारकिर्दीत पहिल्यांदाच राष्ट्रीय चित्रपट पुरस्काराने सन्मानित करण्यात आले आहे. किंग खानला हा पुरस्कार त्याच्या ‘जवान’ या चित्रपटासाठी मिळाला आहे. जेव्हा एखाद्या कलाकाराला राष्ट्रीय पुरस्कार मिळतो, तेव्हा त्याला एक मेडल, एक प्रमाणपत्र आणि २ लाख रुपयांची रक्कम दिली जाते. मात्र, शाहरुख खानसोबत असे झाले नाही आणि त्याला फक्त अर्धी रक्कम मिळाली. यामागचे कारण काय, असा प्रश्न अनेकांना पडला आहे.

शाहरुख खानला अर्धी रक्कम का मिळाली?

खरं तर, शाहरुख खानला ‘जवान’ चित्रपटातील अभिनयासाठी सर्वोत्कृष्ट अभिनेत्याचा राष्ट्रीय पुरस्कार मिळाला आहे. पण, किंग खानसोबतच विक्रांत मैसीलाही त्याच्या ‘१२वी फेल’ या चित्रपटातील भूमिकेसाठी सर्वोत्कृष्ट अभिनेत्याचा पुरस्कार मिळाला आहे. दोन्ही कलाकारांनी हा पुरस्कार विभागून घेतला आहे. त्यामुळे, शाहरुख खान आणि विक्रांत मैसी या दोघांनाही प्रत्येकी एक-एक लाख रुपये देण्यात आले आहेत.

#WATCH | Delhi: President Droupadi Murmu confers Superstar Shah Rukh Khan with the National Film Award for the Best Actor in a Leading Role for his film ‘Jawan’. (Source: DD News) pic.twitter.com/e3H4Kv4epy — ANI (@ANI) September 23, 2025

राष्ट्रीय पुरस्काराचे नियम काय सांगतात?

राष्ट्रीय पुरस्कारांच्या नियमांनुसार, जर दोन कलाकार एकाच श्रेणीतील पुरस्काराचे मानकरी ठरले, तर त्या पुरस्काराची रक्कम दोघांमध्ये समान विभागली जाते. मात्र, मेडल आणि प्रमाणपत्र प्रत्येकाला वेगळे दिले जाते. याच नियमामुळे शाहरुख खान आणि विक्रांत मैसी यांनी पुरस्काराची रक्कम वाटून घेतली आहे.

71st National Film Award: राष्ट्रीय पुरस्कार विजेत्याला किती मिळते रक्कम? आकडा ऐकून व्हाल थक्क!

याशिवाय इतर विजेते

• राणी मुखर्जी: अभिनेत्री राणी मुखर्जीला तिच्या ‘मिसेस चॅटर्जी व्हर्सेस नॉर्वे’ या चित्रपटासाठी पहिला राष्ट्रीय चित्रपट पुरस्कार मिळाला आहे.
• एकता कपूर: एकता कपूरच्या ‘कटहल’ चित्रपटाला सर्वोत्कृष्ट हिंदी चित्रपटाचा राष्ट्रीय पुरस्कार मिळाला.
• मोहनलाल: अभिनेते मोहनलाल यांना प्रतिष्ठित दादासाहेब फाळके पुरस्काराने सन्मानित करण्यात आले आहे.

राष्ट्रीय पुरस्कार का दिला जातो?

Web Title: Shahrukh khan national award half prize money vikrant massey

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com