जुनैद खानचा खुलासा; ‘तारे जमीन पर’ची स्क्रिप्ट वाचताना आमिर खानला मिळाली मुलाच्या आजाराची माहिती!

नुकताच जुनैद खान त्याच्या बालपणीचे किस्से शेअर करताना दिसला. यादरम्यान त्याने सांगितले की, 'तारे जमीन पर' चित्रपटाची स्क्रिप्ट वाचत असताना आमिर खानला समजले की जुनैद डिस्लेक्सियाशी झुंज देत आहे.

आमिर खानचा मोठा मुलगा जुनैद खान याने 2024 साली ‘महाराज’ चित्रपटातून अभिनय क्षेत्रात पदार्पण केले. आता तो त्याच्या आगामी ‘लवयापा’ चित्रपटामुळे चर्चेत आहे. यामध्ये तो खुशी कपूरसोबत स्क्रीन शेअर करणार आहे. हा चित्रपट फेब्रुवारीमध्ये प्रदर्शित होणार आहे. या चित्रपटाच्या चर्चेदरम्यान जुनैद खानने नुकतेच त्याच्या बालपणीचे किस्से शेअर केले आहेत. यावेळी त्यांनी सांगितले की, तो लहानपणी डिस्लेक्सियाशी झुंज देत होता. ‘तारे जमीन पर’ चित्रपटाची स्क्रिप्ट वाचत असताना त्याचे वडील आमिर खान यांना मुलाच्या आजाराची माहिती मिळाली होती.

पालकांच्या लक्षात आले
जुनैद खानने अलीकडेच खुलासा केला की, ‘तारे जमीन पर’ चित्रपटाची स्क्रिप्ट वाचताना त्याचे आई-वडील आमिर खान आणि रीना दत्ता यांना समजले की जुनैदलाही डिस्लेक्सियाचा त्रास आहे. या अभिनेत्याने सांगितले की, त्याच्या पालकांनी ओळखले आहे की चित्रपटातील पात्राला ज्या अडचणी येत होत्या त्याच अडचणी मुलाला देखील येत होत्या. जुनैदने विकी लालवानीला दिलेल्या मुलाखतीत याचा खुलासा केला आहे.

Ram Kapoor: खरंच राम कपूरने सर्जरीद्वारे घटवले वजन? ट्रान्सफॉर्मेशनबाबत अभिनेत्याने सोडले मौन!

वयाच्या सहाव्या वर्षी ही स्थिती लक्षात आली
जुनैद खानने सांगितले की, त्याच्या पालकांना त्याच्या डिस्लेक्सियाबद्दल खूप लवकर माहिती होती. त्यामुळे त्यांनी पूर्ण काळजी घेतली. विशेषतः शालेय अभ्यासाची त्यांनी खूप काळजी घेतली. जुनैद खानने सांगितले की, त्यांची प्रकृती सहा-सात वर्षांची असताना घरच्यांना समजली. पण, लवकर निदान झाल्यानंतर त्याच्या पालकांनी वैद्यकीय मार्गदर्शन घेतले. अभिनेत्याने सांगितले की लवकर ओळख झाल्यामुळे, या स्थितीचा नंतर त्याच्यावर परिणाम झाला नाही आणि तो यासाठी स्वत: ला भाग्यवान समजतो. असे अभिनेत्याने या मुलाखतीत सांगितले.

Fateh Trailer 2: सोनू सूदच्या ‘फतेह’चा दुसरा ट्रेलर रिलीज; सलमान खानने दिल्या शुभेच्छा तर महेश बाबूने केली प्रशंसा!

‘लवयापा’ कधी प्रदर्शित होणार?
वर्क फ्रंटबद्दल बोलायचे झाले तर जुनैद खानचा ‘लवयापा’ चित्रपट 7 फेब्रुवारी 2025 रोजी थिएटरमध्ये प्रदर्शित होणार आहे. जुनैदचा ‘महाराज’ OTT वर प्रदर्शित झाला होता, तर आता ‘लवयापा’ हा चित्रपटगृहात प्रदर्शित होणारा त्याचा पहिला चित्रपट आहे. खुशी कपूरसोबतची त्याची जोडी कशी जमते हे पाहणे उत्सुकतेचे होणार आहे. चित्रपटाचे दिग्दर्शन अद्वैत चंदन यांनी केले आहे. या चित्रपटाचा टायटल ट्रॅक नुकताच रिलीज झाला होता. जो पाहून चाहत्यांना या दोघांची जोडी खूप आवडली आहे.