(फोटो सौजन्य - इन्स्टाग्राम)
गायिका नेहा कक्कर आणि तिचा पती रोहनप्रीत सिंग यांनी नुकतेच मुंबईत त्यांच्या ड्रायव्हरच्या लग्नाला हजेरी लावली होती. या सोहळ्याचा एक व्हिडिओ सोशल मीडियावर व्हायरल होत आहे. नेहाची आई आणि भाऊ टोनी कक्कर हे देखील या समारंभाला उपस्थित होते. वधू-वरांनी स्वतः नेहा कक्कर आणि तिच्या कुटुंबाचे स्टेजवर जोरदार स्वागत केले. मेलबर्न कॉन्सर्टमध्ये झालेल्या विलंबाच्या वादात नेहाला या व्हायरल व्हिडिओवर खूप प्रेम मिळत आहे. आणि हे पाहून नेहाच्या चाहत्यांना देखील खूप आनंद झाला आहे.
नेहा आणि रोहनप्रीतने ड्रायव्हरच्या लग्नात खूप मजा केली आणि नाच केला. येऊ दोघेही लग्नामध्ये नाचताना दिसत आहेत. हे दोघे केवळ पाहुण्यांना भेटले नाही तर वधू-वरांना शुभेच्छा दिल्या आणि चाहत्यांसोबत सेल्फी देखील काढताना दिसले आहेत. सोशल मीडियावर हा व्हिडिओ आता व्हायरल होत आहे. तसेच चाहते या व्हिडीओला भरभरून प्रतिसाद देत आहेत.
‘देशात काय चाललंय आणि याचं काय चाललंय ?’ राहुल वैद्यवर विराट कोहलीचा भाऊ संतापला; पोस्ट Viral
नेहा कक्करसह संपूर्ण कुटुंबाने नवविवाहित जोडप्याचे अभिनंदन केले आणि त्यांच्यासोबत डान्स फ्लोअरवरही सामील झाले. साध्या आणि सुंदर काळ्या रंगाच्या पोशाखात नेहा खूपच सुंदर दिसत होती. नेहा आणि तिच्या कुटुंबाला स्टेजवर पाहून गायकाचा ड्रायव्हर आणि त्याची नवीन वधू खूप आनंदी झाली. तिने नेहाच्या पायांना स्पर्श केला आणि मग नेहाने तिला प्रेमाने मिठी मारली. नेहाच्या आईने वराला अंगठी भेट दिली तर नेहाने नववधूच्या गळ्यात सोन्याची चैन घातली. कार्यक्रमस्थळी सेलिब्रिटींना पाहून सर्व पाहुणे नेहा कक्करला पाहण्यासाठी उत्सुक झाले आणि तिला भेटण्यासाठी खूपच गर्दी झाली. पण या जोडप्याने कोणालाही निराश केले नाही. त्याने सर्वांना हसतमुख फोटो दिले. आणि सगळ्यांसोबत मज्जा करताना दिसले.
नेहा कक्करचा हा व्हिडिओ पाहिल्यानंतर चाहते आनंदी झाले आहेत आणि तिचे कौतुक करत आहेत. एकाने लिहिले, ‘काहीही म्हणा, पण ती मनाने चांगली आहे.’ दुसऱ्याने लिहिले- ‘किती सुंदर जोडपे आहे हे.’ दुसऱ्याने लिहिले, ‘तुम्ही कितीही ट्रोल केले तरी ती खरोखर चांगली आहे.’आणखी एकाने लिहिले, ‘प्रत्येक सेलिब्रिटी असा असावा, जो त्यांच्या कर्मचाऱ्यांचीही काळजी घेईल.’ दुसऱ्याने लिहिले- ‘सुंदर नम्र व्यक्तिमत्व, मोठ्या समाजातील प्रत्येक व्यक्तिमत्त्वात असेच असायला हवे.’ दुसऱ्या एका वापरकर्त्याने कमेंट करत लिहिले- ‘त्यांच्या छोट्याशा प्रयत्नांमुळे कर्मचाऱ्यांसाठी हे लग्न संस्मरणीय झाले.’
‘Fifty Shades Darker’ दिग्दर्शकाचे निधन, ‘या’ गंभीर आजाराने वयाच्या ७१ व्या वर्षी गमावला जीव!
नेहा कक्कर तिच्या मेलबर्न शोवरून बऱ्याच काळापासून वादात सापडली आहे. मार्च महिन्यात ऑस्ट्रेलियातील मेलबर्न येथे झालेल्या तिच्या सादरीकरणादरम्यान नेहाने सर्वांचे लक्ष वेधून घेतले होते, जेव्हा ती स्टेजवरच रडताना दिसली. रिपोर्ट्सनुसार, शोमध्ये तीन तास उशिरा पोहोचल्यानंतर ‘परत जा’ असे नारे ऐकू आल्याने नेहा निराश झाली. नेहाचे स्टेजवरील व्हिडिओ सोशल मीडियावर व्हायरल झाले असताना, गायिकेने नंतर दावा केला की ती उशिरा पोहोचली कारण आयोजक तिच्या शोसाठी मूलभूत गरजा पुरवू शकले नाहीत.
यावर प्रतिक्रिया देताना, ऑस्ट्रेलियन कार्यक्रम नियोजक पेस डी आणि बिक्रम सिंग रंधावा यांनी त्यांचे दावे फेटाळून लावले. त्यांनी आरोप केला की नेहाने तुलनेने कमी प्रेक्षक (७०० लोक) असल्यामुळे सादरीकरण करण्यास नकार दिला, ज्यामुळे आयोजकांकडून कलाकारांवर दोषारोप ढकलला गेला. तथापि, नेहाने हे आरोप ठामपणे नाकारले आहेत आणि ती तिच्या मूळ भूमिकेवर ठाम आहे.
.png "Videos"){kind=small}
