‘Fifty Shades Darker’ दिग्दर्शकाचे निधन, ‘या’ गंभीर आजाराने वयाच्या ७१ व्या वर्षी गमावला जीव!

प्रसिद्ध हॉलिवूड दिग्दर्शक जेम्स फोली यांचे वयाच्या ७१ व्या वर्षी निधन झाले आहे. ते बऱ्याच काळापासून मेंदूच्या कर्करोगाने ग्रस्त होते. त्यांच्या निधनाने संपूर्ण चित्रपटसृष्टीत शोककळा पसरली आहे.

(फोटो सौजन्य - x अकाउंट)

Follow Us:

Follow Us:

‘फिफ्टी शेड्स डार्कर’, ‘फिफ्टी शेड्स फ्रीड’ आणि ‘ग्लेन गॅरी ग्लेन रॉस’ सारखे सुपरहिट चित्रपट देणारे प्रसिद्ध हॉलिवूड दिग्दर्शक जेम्स फोली यांचे निधन झाले आहे. मेंदूच्या कर्करोगाशी बराच काळ झुंज दिल्यानंतर त्यांनी वयाच्या ७१ व्या वर्षी जगाचा निरोप घेतला आहे. या दुःखद बातमीने संपूर्ण चित्रपटसृष्टीत शोककळा पसरली आहे. अर्थात, जेम्स फोलीने तीन दशकांहून अधिक काळ हॉलिवूडमध्ये मॅडोना, अल पचिनो आणि शॉन पेन सारख्या अनेक मोठ्या सुपरस्टार्ससोबत काम केले आहे. आपल्या कारकिर्दीतील काही सर्वोत्तम चित्रपट बनवणाऱ्या दिग्दर्शकाचे चाहते सोशल मीडियाद्वारे त्यांना श्रद्धांजली वाहत आहेत.

बिग बॉस मराठीच्या विजेत्याला लागली हळद, अभिनेत्याच्या मित्रांनी केली धमाल; Video Viral

दिग्दर्शक बराच काळ कर्करोगाच्या आजाराने ग्रस्त
टाईम्स ऑफ इंडियाच्या वृत्तानुसार, एका प्रतिनिधीने द हॉलिवूड रिपोर्टरला जेम्स फोलीच्या मृत्यूची पुष्टी केली आहे. दिग्दर्शक बऱ्याच काळापासून मेंदूच्या कर्करोगाने ग्रस्त असल्याचे सांगण्यात आले. लॉस एंजेलिसमधील त्यांनी त्यांच्या घरी झोपेतच जगाचा शांतपणे निरोप घेतला. वयाच्या ७१ व्या वर्षी या प्रसिद्ध दिग्दर्शकाने अखेरचा श्वास घेतला आहे. या बातमीने त्यांच्या चाहत्यांच्या चांगलाच धक्का बसला आहे.

— Rest In Peace To Director James Foley 🕊 pic.twitter.com/goI5ltRp14

— ¹¹ (@1NCLOSURE) May 9, 2025

जेम्स फोली यांचा जन्म २८ डिसेंबर १९५३ रोजी न्यू यॉर्कमधील ब्रुकलिन येथे झाला. त्यांनी १९८४ मध्ये चित्रपटसृष्टीत आपल्या कारकिर्दीला सुरुवात केली. त्यावेळी त्यांचा पहिला चित्रपट ‘रेकलेस’ प्रदर्शित झाला. तथापि, त्याला ‘अ‍ॅट क्लोज रेंज’ मधून यश मिळाले. या चित्रपटात शॉन पेन आणि क्रिस्टोफर वॉकेनसारखे स्टार दिसले. जेम्स फोलीच्या चित्रपटांमध्ये भावना, दमदार अभिनय आणि स्टायलिश दिग्दर्शन स्पष्टपणे दिसून येत होते.

जम्मूमधील हल्ला पाहून घाबरले बॉलिवूडचे अनेक सेलिब्रिटी; रात्रभर जागून केले ट्विट, दिला खास संदेश!

संगीतातही नाव कमावले
चित्रपटांव्यतिरिक्त, जेम्स फोली यांनी संगीत क्षेत्रातही नाव कमावले. त्यांनी मॅडोनासाठी अनेक संगीत व्हिडिओ दिग्दर्शित केले. त्यात ‘ट्रू ब्लू’, ‘पापा डोन्ट प्रीच’ आणि ‘लिव्ह टू टेल’ यांसारख्या गाण्यांचा समावेश आहे. याशिवाय जेम्स फोली यांनी अनेक प्रसिद्ध टीव्ही शोचे दिग्दर्शनही केले आहेत. यामध्ये ‘हाऊस ऑफ कार्ड्स’ हे राजकीय नाटक देखील समाविष्ट आहे.

Web Title: Fifty shades darker director james foley passed away due to brain cancer

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com