निक्कीच्या वागणुकीवर पुष्कर भडकला, म्हणाला, ‘मॅनर्स कळतात का?’

सध्या 'बिग बॉस मराठी ५' हा रिअॅलिटी शो कलर्स मराठीवर सुरु आहे. हा शो ने सर्व प्रेक्षकांनाचे लक्ष वेधून घेतले आहे. या शोच्या दुसऱ्याच एपिसोडमध्ये निक्की तांबोळीने वर्षा उसगावकर यांचा अपमान केला. ते पाहून अभिनेता पुष्कर जोग हा तिच्यावर संतापला आहे. अभिनेता पुष्करने स्वतः एक सोशल मीडियावर एक निक्कीच्या वागणुकीवर एक स्टोरी शेअर केली आहे.

कलर्स मराठी वरील रिअॅलिटी शो ‘बिग बॉस मराठी ५’ नुकताच सुरु झाला असून, सर्व चाहत्यांचे लक्ष इथे वेधले गेले आहे. दोन वर्षे वाट पाहिल्यानंतर अखेर हा रिअॅलिटी शो प्रेक्षकांच्या भेटीस आला आहे. पण बिग बॉसच्या घरात पहिल्या दिवसापासूनच सतत भांडण सुरु असताना दिसत आहे. मराठी इंडस्ट्रीमधील प्रसिद्ध अभिनेत्री वर्षा उसगावकर यांच्याशी निक्की तांबोळीचा वर्ताव पाहून सर्वजण तिच्यावर संतापले आहेत. आता अभिनेता पुष्कर जोगने सोशल मीडियावर थेट पोस्ट शेअर करत निक्कीला चांगलेच सुनावले आहे.

निक्की आणि वर्षा उसगावकर यांच्यामध्ये वाद
निक्की तांबोळी ही घरात आगदी छोट्या छोट्या विषयावर भांडते आणि खूप वाईट भाषेमध्ये उच्चार करते असे वर्षा उसगावकर यांनी बिग बॉसला सांगितले. याचदरम्यान नुकत्याच पार पडलेल्या नॉमिनेश टास्कमध्ये निक्कीने वर्षा ताईंना “काळ्या मनाच्या मॅम, ब्लॅक हार्टेड” असे सुद्धा म्हटले. या अशा निक्कीच्या वागणिकीवर बाहेर चाहतेसुद्धा संतापले आहेत. त्यामुळे निक्कीचे हे वागणे मराठी इंडस्ट्रीमधील इतर कलाकारांना खटकणारे वाटले. अभिनेता पुष्कर जोगने तर पोस्ट लिहित निक्की तांबोळीला चांगलेच सुनावले आहे.

काय आहे पुष्कर जोगची पोस्ट?
अभिनेता पुष्कर जोग हा बिग बॉस मराठीच्या पहिल्या सिझनमध्ये दिसला होता. आणि तो चाहत्यांना अंतिम खेळाडूमध्ये देखील दिसला होता. आता निक्कीचे त्याने एक सोशल मीडियावर पोस्ट शेअर केली आहे आणि त्याने त्यात लिहिले की, “निक्की तुला मॅनर्स कळतात का? मराठी कलाविश्वातील ज्येष्ठ अभिनेत्रीला असं अपमानित होताना पाहून खरंच खूप वाईट वाटतं. हे खूप वाईट आहे. वर्षा उसगांवकर मॅमना अशा पद्धतीने वागवणं चुकीचं आहे. हा खेळ खेळायची एक विशिष्ट पद्धत आहे आणि हा गेम खेळताना आपण आपली मर्यादा सोडून चालत नाही. वर्षा मॅम मी तुमच्याबरोबर आहे.” असे त्याने या शेअर केलेल्या स्टोरीमध्ये लिहिले आहे.

पुष्करने त्याच्या अधिकृत इंस्टाग्राम अकाऊंटच्या स्टोरीला ही पोस्ट शेअर केली आहे. ही पोस्ट शेअर करत त्याने कलर्स मराठी वाहिनीला देखील टॅग केले आहे. पुष्करची ही पोस्ट पाहून अनेकांनी निक्कीला ट्रोल करण्यास सुरुवात केली आहे. आता येत्या शनिवारी रितेश भाऊ निक्कीची शाळा घेणार का? हे पाहण्यासाठी प्रेक्षक आतुर झाले आहेत.

कोणते स्पर्धक झाले नॉमिनेट?
बिग बॉस मराठी ५च्या घरात पहिल्यांदाच पार पडलेल्या नॉमिनेशन टास्कमध्ये वर्षा उसगांवकर, योगिता चव्हाण, अंकिता प्रभू-वालावलकर, सूरज चव्हाण आणि पुरुषोत्तमदादा पाटील हे स्पर्धक नॉमिनेट झाले आहेत. त्यामधील कोणत्या स्पर्धकाचा प्रवास लवकर संपणार हे पाहण्यासाठी चाहते आतुर झाले आहेत.