कोण आहे Miss India International 2025? ताज जिंकल्यानंतर रुश सिंधूचे भारतात स्वागत, पाठिंब्याबद्दल मानले आभार

नागपूरची रहिवासी असलेल्या रूश सिंधूने मिस इंडिया इंटरनॅशनल २०२५ चा किताब जिंकला आहे. किताब जिंकल्यानंतर ती पहिल्यांदाच भारतात परतली आहे. याबद्दल तिने आनंद व्यक्त केला आणि समर्थकांचे आभार मानले.

• कोण आहे Miss India International 2025?
• ताज जिंकल्यानंतर रुश सिंधूचे भारतात स्वागत
• पाठिंब्याबद्दल मानले सगळ्यांचे आभार

रुश सिंधूने ‘मिस इंडिया इंटरनॅशनल २०२५’ हा किताब जिंकला आहे आणि ती भारतात परतली आहे. ती नागपूरची रहिवासी आहे. किताब जिंकल्यानंतर, ती नागपूरमधील डॉ. बाबासाहेब आंबेडकर आंतरराष्ट्रीय विमानतळावर पोहोचली तेव्हा तिचे कुटुंब, नातेवाईक आणि जवळच्या लोकांनी तिचे फुलांचा हार घालून स्वागत केले. ढोल-ताशाही वाजवण्यात आल्या. मिस इंडिया इंटरनॅशनल २०२५ चा किताब जिंकल्याबद्दल रुशने माध्यमांना आनंद व्यक्त केला. या विजयाचे श्रेय तिने तिच्या कुटुंबालाही दिले.

आता रुश सिंधू ‘मिस इंटरनॅशनल २०२५’ मध्ये भारताचे प्रतिनिधित्व करणार आहे. ही किताब जगातील तिसरी सर्वात मोठी सौंदर्य स्पर्धा आहे. ही स्पर्धा नोव्हेंबर २०२५ मध्ये जपानमध्ये होणार आहे. यापूर्वी बॉलीवूड अभिनेत्री मीनाक्षी शेषाद्रीने हा किताब जिंकला आहे. नागपुरात माध्यमांशी बोलताना रुश भावुक झाली. आणि तिने सगळ्यांचे आभार मानले.

Bigg Boss 19 : आवेज दरबार नगमासोबत शुभी जोशीला करतोय डेट? म्हणाली- मी त्याच्यासोबत…

रुश सिंधू म्हणाली, “ताज जिंकल्यानंतर मी पहिल्यांदाच माझ्या गावी परतली आहे आणि हा माझ्या आयुष्यातील सर्वात भावनिक आणि सुंदर क्षण आहे. आंतरराष्ट्रीय स्तरावर भारताचे प्रतिनिधित्व करणे ही एक मोठी जबाबदारी आहे आणि स्वप्न पूर्ण होणे देखील आहे. ही फक्त सुरुवात आहे आणि मी माझ्या पालकांना आणि माझ्या देशाला अभिमान वाटावा यासाठी कठोर परिश्रम करत राहीन.” असे तिने म्हटले आहे.

 

See more

रुश सिंधूने भारत आणि जगभरातून मिळालेल्या अफाट प्रेम आणि पाठिंब्याबद्दल मनापासून कृतज्ञता व्यक्त केली आणि तिच्या विजयानंतर तिच्या कुटुंबाशी पुन्हा भेट झाल्याबद्दल आनंद व्यक्त केला. ती म्हणाली, “हा एक अतिशय खास आणि अविस्मरणीय क्षण आहे.”

‘होमबाउंड’ ची तारीख रिलीज, ईशान खट्टर, विशाल जेठवा, जान्हवी कपूरचा चित्रपट या तारखेला होणार प्रदर्शित…

रुशचा जन्म आणि संगोपन नागपूरच्या राजनगरमध्ये झाले. तिचे वडील आर्किटेक्ट पर्शन सिंग आहेत. रुशने नागपुरात शिक्षण पूर्ण केल्यानंतर दिल्लीत मॉडेलिंग केले. तिने राष्ट्रीय आणि आंतरराष्ट्रीय स्तरावर मॉडेलिंग केले आहे. तिने ‘युनिव्हर्स विदिन पीस’ नावाचे एक पुस्तक देखील लिहिले आहे. तिने ६ वर्षांहून अधिक काळ मानसशास्त्राचा अभ्यास केला आणि प्रशिक्षण घेतले. तिला यूकेमधून मानसिक आरोग्याचे प्रमाणपत्र देखील मिळाले आहे. त्यानंतर तिने ‘मोरलाइज मेंटल हेल्थ असोसिएशन’ ही तिची एनजीओ सुरू केली. आणि आता मिस इंडिया इंटरनॅशनल २०२५ चा किताब जिंकून तिने एक इतिहास रचला आहे.