(फोटो सौजय -इन्स्टाग्राम)
बॉलीवूडमधील प्रसिद्ध दिग्दर्शक मोहित सुरी यांचा रोमँटिक-संगीतमय चित्रपट ‘सैयारा’ सध्या बॉक्स ऑफिसवर राज्य करत आहे. हा चित्रपट १८ जुलै रोजी थिएटरमध्ये प्रदर्शित झाला होता, ज्याला टक्कर देण्यासाठी ‘तन्वी द ग्रेट’ आणि ‘निकिता रॉय’ यांनीही थिएटरमध्ये प्रवेश केला आणि ‘सैयारा’ला टक्कर देण्यात हे दोन्ही चित्रपट मागे पडले आहेत. मनोरंजक गोष्ट म्हणजे दोन्ही चित्रपट ‘सैयारा’च्या वादळासमोर टिकू शकले नाहीत. परिस्थिती अशी आहे की अहान पांडे आणि अनित पद्ढाचा चित्रपट, ज्याने आठवड्याच्या शेवटी धमाल केली, तो सतत भरपूर कमाई करत आहे. सोमवार आणि मंगळवारनंतर, बुधवारीही ‘सैयारा’ने बॉक्स ऑफिसवर धुमाकूळ घातला आहे.
Karuppu चा टीझर पाहून चाहत्यांना आली ‘गजनी’ची आठवण, अभिनेता सूर्या दिसला ॲक्शन मोडमध्ये
‘सैयारा’चा बॉक्स ऑफिस कलेक्शन
अहान पांडे आणि अनित पद्ढाचा पहिला चित्रपट ‘सैयारा’ दररोज आपल्या कमाईने लोकांना आश्चर्यचकित करत आहे आणि निर्मात्यांचे खिसे भरत आहे. चित्रपट प्रदर्शित होऊन ६ दिवस झाले आहेत आणि एका आठवड्यापासून तो सतत प्रेक्षकांना आकर्षित करत आहे. दरम्यान, सहाव्या दिवसाचा कलेक्शन रिपोर्टही समोर आला आहे. सॅकनिल्कच्या रिपोर्टनुसार, सहाव्या दिवशी म्हणजेच बुधवारी ‘सैयारा’ने २१ कोटी रुपये कलेक्शन केले आहेत. याआधी, चित्रपटाने मंगळवारी २५ कोटी आणि सोमवारी २४ कोटी रुपयांची कमाई केली होती.
१५० कोटींचा आकडा ओलांडला
‘सैयारा’ची चर्चा बॉक्स ऑफिसवर इतक्या जोरात सुरू आहे की प्रदर्शित झाल्यानंतर सहा दिवसांतच चित्रपटाने १५० कोटींहून अधिक कमाई केली आहे. सॅकनिल्कच्या अहवालानुसार, ‘सैयारा’चे एकूण कलेक्शन १५३.२५ कोटी रुपये झाले आहे. लवकरच हा चित्रपट २०० कोटींच्या क्लबमध्ये सामील होण्यासाठी पुढे जात आहे. तसेच या चित्रपटाला आणि चित्रपटामधील गाण्याला चांगलाच प्रतिसाद मिळत आहे.
ऑनलाइन बेटिंग प्रकरणात राणा दग्गुबतीच्या वाढल्या अडचणी, ED समोर अभिनेता राहिला नाही हजर
‘सैय्यारा’ चित्रपटाबद्दल
अहान पांडे आणि अनित पद्ढा यांचा ‘सैय्यारा’ हा एक संगीतमय रोमँटिक चित्रपट आहे, ज्यामध्ये दोन्ही स्टार्सनी त्यांच्या अभिनयाने प्रेक्षकांची मने जिंकली आहेत. अहानने क्रिश कपूरच्या भूमिकेत उत्तम अभिनय केला आहे, त्यानंतर चाहते त्याला बॉलीवूडचा पुढचा सुपरस्टार म्हणू लागले आहेत. या चित्रपटात अनित पद्ढा यांनी वाणी बत्राची भूमिका साकारली आहे, तर तिचा माजी प्रियकर महेश अय्यरची भूमिका शान आर ग्रोव्हरने साकारली आहे.
.png "Videos"){kind=small}
