संजय कपूर यांची पहिली पत्नी Nandita Mahtani आहे तरी कोण? जिने रणबीर कपूरलाही केले डेट

संजय कपूर यांचे वयाच्या ५३ व्या वर्षी लंडनमध्ये निधन झाले आहे. ते करिश्मा कपूरचे एक्स पती होते आणि त्यांनी तीन वेळा लग्न केले होते. त्यांची पहिली पत्नी फॅशन डिझायनर नंदिता महतानी होती. जिच्याबद्दल आपण जाणून घेणार आहोत.

करिश्मा कपूरचा एक्स पती आणि उद्योगपती संजय कपूर यांच्या वयाच्या ५३ व्या वर्षी निधनाच्या बातमीने केवळ व्यावसायिक जगताच नव्हे तर चित्रपटसृष्टीलाही धक्का बसला आहे. त्यांचे तीन लग्न झाले होते आणि त्यांच्या तिन्ही पत्नी चित्रपट आणि फॅशन जगताशी संबंधित काम करत आहेत. करिश्मा कपूर आणि मॉडेल प्रिया सचदेव यांच्याशी त्यांचे लग्न खूप चर्चेत होते, परंतु त्यांचे पहिले लग्न ९० च्या दशकात फॅशन डिझायनर आणि समाजसेविका नंदिता महतानी यांच्याशी झाले होते.

संजय कपूरची पहिली पत्नी कोण?
नंदिता महतानी ही दिल्लीची एक प्रसिद्ध समाजसेविका आहे. तिचे आणि संजय कपूरचे लग्न १९९६ मध्ये झाले. नंदिताचे कुटुंब व्यवसायाशी संबंधित आहे. तिचा भाऊ भरत महतानी हा एक व्यापारी आहे, ज्याचे लग्न २०१० मध्ये झाले. अभिषेक बच्चन, ऐश्वर्या राय, करण जोहर आणि हर्ष गोएंका यांसारखी मोठी नावे या लग्नाला उपस्थित होती. नंदिताची बहीण अनु हिचे लग्न अब्जाधीश संजय हिंदुजा यांच्याशी झाले. नंदिता आणि संजय यांचे लग्न फक्त चार वर्षे टिकले आणि २००० मध्ये त्यांचा घटस्फोट झाला.

नंदिता महतानी कोण आहे?
नंदिता ही एक प्रसिद्ध फॅशन डिझायनर आहे आणि मुंबईतील हाय-प्रोफाइल सोशल जगात ती ओळखली जाते. तिने २००० च्या दशकात अभिनेता डिनो मोरियाला डेट केले आणि त्यांनी एकत्र ‘प्लेग्राउंड’ नावाचा फॅशन ब्रँड सुरू केला. तिने काही काळ करिश्मा कपूरचा चुलत भाऊ रणबीर कपूरलाही डेट केले. यानंतर २०१७ मध्ये द क्विंटला दिलेल्या मुलाखतीत रणबीरने सांगितले की, त्याला नंदितावर खूप प्रेम होते आणि ती सुंदर आणि साधी वाटली, जी तिच्या सोशलाईट इमेजपासून पूर्णपणे वेगळी होती. असे अभिनेत्याने सांगितले. तसेच दोघे कधीकधी जेवणासाठी बाहेर जायचे, पण हे दोघांचे नाते गंभीर नव्हते. रणबीरच्या आईलाही याची जाणीव होती.

छोट्या मधमाशीमुळे संजय कपूर यांना आला हृदयविकाराचा झटका? पोलो खेळताना खेळताना नक्की काय घडलं?

२०१७ मध्ये, नंदिताने अभिनेता विद्युत जामवालशी लग्न केले. दोघांनीही इंस्टाग्रामवर त्यांच्या नात्याची घोषणा केली आणि ताजमहालमधील प्रस्तावाचे फोटो देखील शेअर केले. तथापि, काही काळानंतर दोघांचेही ब्रेकअप झाले.

नंदिता २०१२ पासून अनेक बॉलीवूड स्टार्ससाठी स्टायलिस्ट ड्रेस डिजाईन करत आहे. तिने विशेषतः क्रिकेटपटू विराट कोहलीला स्टायलिस्ट केले आहे. २०१९ मध्ये ईटी पनाशेला दिलेल्या मुलाखतीत तिने सांगितले की, ‘विराटची स्टाईल खूप छान आहे, जी त्याच्या मजबूत व्यक्तिमत्त्वाचे प्रतिबिंब आहे. त्याला सहसा कॅज्युअल आणि स्पोर्टी लूक आवडतात, परंतु खास प्रसंगी तो चांगले कपडे घालायला देखील पसंत करतो. त्याची स्टाईल साधी आणि क्लासिक आहे.’ असे तिने म्हटले.

संजय कपूरला ३ दिवसांपूर्वी लागली होती मृत्यूची चाहूल ? करिश्माच्या एक्स पतीची क्रिप्टिक पोस्ट व्हायरल!

संजय कपूरचा मृत्यू कसा झाला?
तसेच, आता गुरुवारी लंडनमध्ये संजय कपूर यांचे निधन झाले. बिझनेस कन्सल्टंट सुहेल सेठ यांनी एएनआयला सांगितले की, पोलो सामन्यादरम्यान त्यांच्या तोंडात चुकून मधमाशी गेली, ज्यामुळे त्याची तब्येत बिघडली आणि त्याचा मृत्यू झाला. संजयचे २००३ मध्ये करिश्मा कपूरशी लग्न झाले होते, जे २०१६ मध्ये संपले. त्यांना दोन मुले आहेत – मुलगी समायरा आणि मुलगा कियान. त्यानंतर संजयने २०१७ मध्ये प्रिया सचदेवशी लग्न केले. प्रिया आणि संजयला अझारियस नावाचा मुलगा आहे.