(फोटो सौजन्य - सोशल मीडिया)
आमिर खान सध्या त्याच्या बहुप्रतिक्षित चित्रपट ‘सितारा जमीन पर’मुळे चर्चेत आहे. हा चित्रपट या वर्षी प्रदर्शित होणार आहे. आता आमिर खानने स्वतः या चित्रपटाच्या रिलीजबद्दल एक रोमांचक अपडेट शेअर केली आहे. काल, आमिर खानने प्रजासत्ताक दिन साजरा करताना चित्रपटाच्या प्रदर्शन तारखेचे संकेत चाहत्यांसह शेअर केले आहेत. रविवारी गुजरातमधील स्टॅच्यू ऑफ युनिटी येथे प्रजासत्ताक दिनाच्या समारंभात उपस्थित असलेला अभिनेता आमिर खानने त्याच्या आगामी प्रकल्पांबद्दल माहिती दिली आहे.
या चित्रपटाचा क्लायमॅक्स वडोदरा येथे चित्रित करण्यात आला.
अभिनेत्याने सांगितले की, त्यांच्या आगामी ‘सितार जमीन पर’ चित्रपटाचा क्लायमॅक्स गुजरातमधील वडोदरा येथे चित्रित झाला आहे. हा चित्रपट ‘तारे जमीन पर’ चा सिक्वेल आहे. आमिर खानने असेही उघड केले की, हा चित्रपट, जो मूळतः गेल्या वर्षी प्रदर्शित होणार होता, आता तो २०२५ च्या ख्रिसमसला प्रदर्शित होण्याची शक्यता आहे. २०२४ मध्ये प्रदर्शित होणारा ‘सितारे जमीन पर’ हा चित्रपट प्रलंबित पोस्ट-प्रॉडक्शन कामामुळे पुढे ढकलावा लागला. आता ते हा चित्रपट ख्रिसमसच्या दिवशी प्रदर्शित करण्याची शक्यता आहे.
हा अभिनेता पुन्हा एकदा दर्शीलसोबत दिसणार आहे.
१६ वर्षांनंतर, आमिर खान अभिनेता दर्शील सफारीसोबत ‘तारे जमीन पर’ चित्रपटात काम करताना दिसला होता. तसेच हे दोघेही पुन्हा एकदा एकत्र काम करताना दिसणार आहेत. दर्शीलने ‘तारे जमीन पर’ मध्ये देखील मुख्य भूमिका साकारली होती. ‘सितारा जमीन पर’ या चित्रपटात जेनेलिया देशमुखचीही महत्त्वाची भूमिका आहे. अभिनेता अमीर खान या चित्रपटाबाबत म्हणाला की, “ही एक मनोरंजक कथा आहे, मला चित्रपट खूप आवडला.” हा चित्रपट शुभ मंगल सावधान फेम आर.एस. प्रसन्ना यांनी दिग्दर्शित केला आहे आणि तो कॅम्पिओन्स (२०१८) या स्पॅनिश चित्रपटाचे भारतीय रूपांतर आहे. या चित्रपटाची कथा आणि स्टारकास्ट पाहण्यासाठी चाहते खूप उत्सुक आहेत.
चित्रपटाला उशीर का झाला?
याआधी चित्रपटाच्या प्रदर्शनाला उशीर झाल्याची बातमी समोर आली होती. या वृत्तात असा दावा करण्यात आला आहे की, आमिर चित्रपटाच्या निर्मितीवर खूश आहे आणि तो प्रेक्षकांसमोर हा चित्रपट सादर करण्यास खूप उत्सुक आहे. तथापि, आमिरला जे साध्य करायचे आहे ते साध्य करण्यासाठी पोस्ट-प्रॉडक्शनसाठी आणखी काही वेळ लागणार आहे. सितारे जमीन पर व्यतिरिक्त, आमिर खान सनी देओल अभिनीत ‘लाहोर १९४७’ मध्ये देखील व्यस्त आहे. हा चित्रपटही लवकरच प्रेक्षकांच्या भेटीस येणार आहे.
.png "Videos"){kind=small}
