(फोटो सौजय -इन्स्टाग्राम)
बॉलीवूडचा अॅक्शन हिरो अजय देवगण पुन्हा एकदा धमाल करण्यास सज्ज झाला आहे. ‘सन ऑफ सरदार २’ चा दुसरा ट्रेलर रिलीज झाला आहे आणि यावेळी ट्रेलर विनोदी, भावनिक नाट्य आणि अनेक विनोदी परिस्थितींनी भरलेला आहे. ट्रेलरद्वारे चित्रपटाची नवीन रिलीज तारीख म्हणजेच १ ऑगस्ट देखील निश्चित करण्यात आली आहे. चित्रपटाच्या या नव्या ट्रेलरने पुन्हा एकदा चाहत्यांचे लक्ष वेधले आहे.
‘जस्सी’च्या आयुष्यातला गोंधळ दिसणार
ट्रेलरमध्ये दाखवण्यात आले आहे की जस्सीची कहाणी लग्नापासून सुरू होते, ज्याची भूमिका अजय देवगण साकारत आहे. त्याची वधू नीरू बाजवा आहे. पण लग्नानंतर जस्सीचे आयुष्य सोपे नसते. नीरू त्याला घटस्फोट मागते आणि येथून जस्सीच्या समस्यांची यादी सुरू होते. यानंतर, जस्सी एकामागून एक आणखी तीन समस्यांचा उल्लेख करतो. ट्रेलरमध्ये दाखवण्यात आले आहे की चित्रपटाची कथा त्याभोवती फिरते. तसेच चित्रपटामध्ये भरपूर मनोरंजन पाहायला मिळणार आहे.
“सुंदरी” चा सातासमुद्रापार डंका! मराठमोळ्या अमृता खानविलकरने केले परदेशात लावणीचे सादरीकरण!
‘जस्सी’च्या आयुष्यात आहेत ४ समस्या
ट्रेलरमध्ये सरदार जस्सीच्या चार समस्यांचा उल्लेख केला गेला आहे, म्हणजेच तो ज्या चार गोष्टींमध्ये अडकला. पहिला – तो खोट्या प्रेमात अडकला. दुसरा – जस्सी चार महिलांच्या प्रेमात अडकला, त्यापैकी एक मृणाल ठाकूर आहे. जेव्हा जस्सी तिच्या प्रेमात पडतो, तेव्हाच त्याला कळते की त्या पाकिस्तानच्या आहेत. यातून एक मजेदार पण भावनिक वळण सुरू होते. तिसरा – जस्सी एका माफिया कुटुंबात प्रवेश करतो, जिथे प्रत्येक पावलावर धोका असतो. चौथा – त्याच्या ‘बेबे’ला दिलेले वचन, जे आता जस्सीसाठी पूर्ण करणे एक सक्ती बनते. चित्रपटाची कथा या चार समस्यांवर आधारित आहे.
ट्रेलरमध्ये विनोद, रोमान्स आणि अॅक्शन
एकीकडे ट्रेलरमध्ये हलकीफुलकी कॉमेडी दिसत आहे, तर दुसरीकडे कुटुंबासाठी नेहमीच उभा राहणारा ‘जस्सी’ भावनिक होताना दिसत आहे. जस्सी अनेक ठिकाणी मजेदार एक-लाइनर देतानाही दिसत आहे. तसेच हा चित्रपट प्रेक्षकांचं भरपूर मनोरंजन करणार आहे यात शंकाच नाही. या चित्रपटामध्ये तंगडी स्टारकास्ट देखील पाहायला मिळणार आहे.
अभिनेता Malcolm Jamal Warner यांचे निधन, समुद्रात बुडून झाला दुर्दैवी अपघात
चित्रपट कधी होणार प्रदर्शित?
‘सन ऑफ सरदार २’ ची रिलीज डेट १ ऑगस्टपर्यंत पुढे ढकलण्यात आली आहे. वृत्तांनुसार, बॉक्स ऑफिसवरील ‘सैयारा’च्या यशामुळे निर्मात्यांनी हा बदल केला आहे. हा चित्रपट विजय कुमार अरोरा दिग्दर्शित आहे. त्याची निर्मिती अजय देवगण, ज्योती देशपांडे, एन.आर. पचिसिया आणि प्रवीण तलरेजा यांनी केली आहे. अजय देवगण व्यतिरिक्त, मृणाल ठाकूर, कुब्रा सैत, दीपक डोब्रियाल, रवी किशन आणि विंदू दारा सिंग हे कलाकार चित्रपटात दिसणार आहेत.
.png "Videos"){kind=small}
