“सुंदरी” चा सातासमुद्रापार डंका! मराठमोळ्या अमृता खानविलकरने केले परदेशात लावणीचे सादरीकरण!

मराठी कला आणि संस्कृती जपता यावी या संकल्पेने 'सुंदरी' हा शो आशिष पाटील यांनी सुरु केला आहे, याचे सादरीकरण परदेशात मोठ्या जल्लोषात होताना दिसत आहे. तसेच अमृताने तिच्या नृत्याविष्काराची झलक दाखवली.

(फोटो सौजय -इन्स्टाग्राम)

Follow Us:

Follow Us:

फॅशन, अभिनय, नृत्य अश्या विविध पैलू मधून कायम प्रेक्षकांच्या मनावर अधिराज्य गाजवणारी अभिनेत्री म्हणजे अमृता खानविलकर. तिच्या अभिनयाचे चाहते फक्त भारतात नाही तर जगभरात आहेत सध्या अमृता जगभरात प्रवास करताना देखील दिसत आहे आणि नुकतीच ती USA टूर वर गेली आहे पण हा फक्त प्रवास नाही तर ही टूर तिच्या अगदी मना जवळची आहे आणि याच कारण देखील तितकच खास आहे.

अमृताच नृत्य कौशल्य अनेक चित्रपटांमधून प्रेक्षकांनी अनुभवलं आहे आणि आजही तिच्या अदाकारी परॉर्मन्सवर चाहते तितकेच खुश होताना दिसत आहेत. अगदी लावणी पासून क्लासिकल नृत्या पर्यंत अमृताने कायम सगळ्यांना भारावून सोडलं आहे. तसेच आता अभिनेत्री परदेशात तिच्या अदाकारी दाखवताना दिसत आहे. ज्यामुळे तिच्या भारतीय चाहत्यांना तिचा जास्त अभिमान वाटत आहे.

‘तुझ्यासाठी तुझ्यासंगं’ प्रोमो शूटमध्ये अभिनेत्याची लाथ थेट अभिनेत्रीच्या…अशोक फळदेसाईने शेअर केला किस्सा

“सुंदरी” हा सदाबहार नृत्यप्रयोग परफॉर्म करण्यासाठी अमृता या खास USA टूरला गेली होती. विशेष म्हणजे अमृताची देखील ही पहिली USA वारी होती आणि या खास टूर मध्ये ती स्वतःच्या आवडीचा खास नृत्याविष्कार यात सादर करताना दिसली आहे. या बद्दल बोलताना अमृताने सांगितले की, “पहिल्यांदाच मी आणि आशिष पाटील अमेरिकेत “सुंदरी” सारखा विशेष नृत्यप्रयोग प्रेक्षकांच्या भेटीला घेऊन आलो आहोत. आशिषच्या ( Nritya Aashish Sundari ) नृत्य आशिष सुंदरीचा हा पहिला वहिला परदेश दौरा आहे. लावणीचा ठसका आणि कत्थकची नजाकत यांचा आगळा वेगळा संगम यातून प्रेक्षकांना अनुभवयाला मिळतोय याचा आनंद आहे.”

अभिनेता Malcolm Jamal Warner यांचे निधन, समुद्रात बुडून झाला दुर्दैवी अपघात

तसेच अमृता पुढे म्हणाली, “ही कला, स्त्रीत्व, आणि संस्कृतीची सुंदर गोष्ट आता परदेशात मराठी माणसांसाठी सादर होते आहे याचा खूप अभिमान देखील आहे. संस्कृतीची सीमारेषा ओलांडणारा हा सोहळा साता समुद्रापार घडतोय याहून वेगळं सुख काय असणार. मराठी प्रेक्षक परदेशात सुद्धा तितकच प्रेम देतात हे बघून भारावून जायला होतंय”. असे अभिनेत्री बोलताना दिसत आहे आणि चाहत्यांचे आभार मनात आहे.

एका अर्थाने आपल्या महाराष्ट्राच्या संस्कृतीला परदेशात देखील तितकीच प्रेम मिळवते याचा सगळ्यांना अभिमान वाटत आहे. येणाऱ्या काळात अमृता अनेक नवनवीन गोष्टी घेऊन प्रेक्षकांच्या भेटीला तर येणार आहे आणि प्रेक्षकांना देखील याची उत्सुकता आहे.

Web Title: Marathi actress amruta khanvilkar performed the lavani ceremony abroad

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com