(फोटो सौजन्य - इन्स्टाग्राम)
धर्मेंद्र यांनी २४ नोव्हेंबर रोजी या जगाचा निरोप घेतला आणि अनेक आठवणी मागे सोडल्या. त्यांच्या निधनाने संपूर्ण देश हळहळला आहे. त्यांनी वयाच्या 89 व्या वर्षी अखेरचा श्वास घेतला. त्यांचे कुंटुबीय धर्मेंद्र यांच्या 90 व्या वाढदिवसाची तयारी करत होते. त्यांचा 90 वा वाढदिवस मोठ्या जल्लोषात साजरा होणार होता. आज 8 डिसेंबरला धर्मेंद्र यांचा वाढदिवस होता.
धर्मेंद्र यांच्या निधनानंतर, सनी देओलने आज पहिल्यांदाच त्यांच्या वडिलांसाठी पोस्ट केली आहे. त्यांच्या वडिलांच्या वाढदिवसानिमित्त, सनी देओलने धर्मेंद्र यांची आठवण काढतानाचा एक गोड व्हिडिओ शेअर केला आहे आणि फक्त एका ओळीत त्यांच्या भावना व्यक्त केल्या आहेत.
जर आज धर्मेंद्र जिवंत असते तर ते त्यांचा ९० वा वाढदिवस त्यांच्या कुटुंबासोबत साजरा करत असते. या सोमवारी त्यांच्या कुटुंबाला किती आनंद होत असेल याची कल्पना करता येते. त्यांच्याकडे त्यांच्याबद्दलच्या असंख्य आठवणी आहेत आणि आज कुटुंब त्या उलगडण्यात आणि त्यांना पुन्हा जिवंत करण्यात व्यस्त असेल. अशा आठवणींच्या पानांमधून सनी देव यांनी त्यांच्या वडिलांचा एक गोड व्हिडिओ आणला आहे.
सनी देओल शेअर केलेल्या व्हिडिओमध्ये धर्मेंद्र यांना विचारतो, पप्पा तुम्ही एंजॉय करताय ना? यावर धर्मेंद्र मी एंजॉय करतोय बेटा खूप छान आहे व्ह्यू असं म्हणतात. हा व्हिडिओ शेअर करत त्याने कॅप्शन दिलं, ” आज माझ्या पप्पांचा वाढदिवस आहे. ते नेहमीच माझ्याबरोबरच आहेत. नेहमू माझ्यात आहे. लव्ह यू पप्पा, मिस यू,” अशी पोस्ट करत त्याने त्याच्या भावना व्यक्त केल्या आहेत.
अभिनेत्याने पोस्ट केलेल्या व्हिडिओवर चाहत्यांनी लाइक्स आणि कमेंट्स केल्या आहेत. बख्तियार इराणी, सौरभ राज जैनसह इतर कलाकारांनीही या व्हिडीओवर कमेंट्स केल्या आहेत.देओल कुटुंबाने ८ डिसेंबर रोजी धर्मेंद्र यांचा ९० वा वाढदिवस त्यांच्या लोणावळा फार्महाऊसवर साजरा करण्याची योजना आखली होती असे वृत्त आहे. तथापि, देओल कुटुंबाने हा प्लॅन बदलला आहे आणि या निमित्ताने ते त्यांच्या जुहू येथील घरी राहतील अशीही माहिती आहे. बॉलिवूडच्या या ‘ही-मॅन’चे वयाच्या ८९ व्या वर्षी निधन झाले. नोव्हेंबरच्या सुरुवातीला त्यांना मुंबईतील ब्रीच कँडी रुग्णालयात दाखल करण्यात आले होते आणि १२ नोव्हेंबर रोजी त्यांना रुग्णालयातून घरी आणण्यात आले होते. त्यांच्यावर १२ दिवस घरी उपचार करण्यात आले आणि २४ नोव्हेंबर रोजी त्यांचे निधन झाले.
.png "Videos"){kind=small}
