The Great Indian Kapil Show: अखेर चाहत्यांची प्रतीक्षा संपली! कपिल शर्माचा लोकप्रिय शो लवकरच परतणार ओटीटी प्लॅटफॉर्मवर!

बॉलिवूडमधील विनोदी कलाकार कपिल शर्मा त्याच्या संपूर्ण टीमसह परतण्यासाठी सज्ज झाला आहे. यावेळी द ग्रेट इंडियन कपिल शोचा तिसरा सीझन तिप्पट मजा घेऊन प्रेक्षकांच्या भेटीस येणार आहे.

विनोदी कलाकार कपिल शर्मा त्याच्या संपूर्ण टीमसह तिप्पट मजा निर्माण करण्यासाठी परतत आहे. अभिनेत्याचा कॉमेडी शो ‘द ग्रेट इंडियन कपिल शो’ त्याच्या तिसऱ्या सीझनसह परतण्यासाठी सज्ज झाला आहे. नेटफ्लिक्सने स्वतः त्यांच्या अधिकृत इंस्टाग्राम पेजवर ही माहिती शेअर केली आहे. कपिल शर्माचा कॉमेडी शो आता टीव्हीऐवजी नेटफ्लिक्सवर प्रसारित होत असल्याचे दिसून येत आहे. पहिले दोन सीझन प्रेक्षकांना खूप आवडले. आता तिसऱ्या सीझनची आतुरतेने वाट पाहिली जात आहे.

नेटफ्लिक्सने केली घोषणा
नेटफ्लिक्स इंडियाने अलीकडेच त्यांच्या अधिकृत पेजवर एक व्हिडिओ शेअर करून ‘द ग्रेट इंडियन कपिल शो’च्या तिसऱ्या सीझनची घोषणा केली. ही पोस्ट शेअर करताना कॅप्शन देण्यात आले होते, ‘आता २०२५ चे फनीवॉर स्फोटक असेल.’ भरपूर हास्य आणि चमकणाऱ्या स्टार्ससह, द ग्रेट इंडियन कपिल शो सीझन ३ लवकरच परत येत आहे, फक्त नेटफ्लिक्सवर!’ असे लिहून त्यांनी ही पोस्ट शेअर केली आहे. तसेच या बातमीने चाहत्यांना खूप आनंद झाला आहे.

पिकलबॉलचे नवे पर्व होणार सुरू! हे सेलिब्रेटी कलाकार असणार उद्घाटन सोहळ्याला उपस्थित

यावेळी काय खास असेल?
‘द ग्रेट इंडियन कपिल शो’च्या तिसऱ्या सीझनची घोषणा करताना, निर्मात्यांनी हे देखील सांगितले आहे की यावेळी शोमध्ये कोणते खास कलाकार पाहायला मिळणार आहेत. नवीन सीझनबद्दल बोलताना, कपिल शर्मा आणि त्याच्या टीमने सांगितले की, ‘आम्ही हास्य, रोमांचक संभाषणे आणि तुमच्या आवडत्या पाहुण्यांसोबत मजा-मस्तीने भरलेल्या नवीन सीझनसाठी खूप उत्सुक आहोत. जगभरातील प्रेक्षकांकडून आम्हाला मिळालेले प्रेम आणि पाठिंबा खरोखरच भारी आहे.

 

See more

Bigg Boss Marathi 5: आता पुन्हा कल्ला होणार… कारण तो परतोय ! रितेश देशमुखचा प्रोमो आला समोर; कधीपासून पाहता येईल शो?

तो पुढे म्हणाला, ‘लोकांना हसवणे हा नेहमीच सन्मान राहिला आहे. पुन्हा एकदा अशी संधी मिळाल्याबद्दल आम्ही कृतज्ञतेने भरून जातो. आवडत्या सेलिब्रिटींसोबत, या हंगामात तुम्हाला जीवनाच्या विविध क्षेत्रातील काही आश्चर्यकारक पाहुण्यांचे साक्षीदार देखील होता येईल. लवकरच भेटूया नवीन कथा, नवीन नाटक आणि मजेदार विनोदांसह फक्त द ग्रेट इंडियन कपिल शो सीझन ३ वर!’ हा शो पाहण्यासाठी चाहते आता खूप उत्साही आहेत.

शो कधी सुरू होणार?
यावेळीही अर्चना पूरण सिंग कपिल शर्माच्या ‘द ग्रेट इंडियन कपिल शो सीझन ३’ मध्ये जजच्या खुर्चीवर दिसणार आहेत. याशिवाय, कपिल शर्मा, सुनील ग्रोव्हर, कृष्णा अभिषेक, किकू शारदा आणि राजीव ठाकूर हे सेलिब्रिटी प्रेक्षकांचं मनोरंजन करताना दिसणार आहते. तथापि, तिसऱ्या सीझनच्या प्रीमियरची तारीख अद्याप जाहीर झालेली नाही. पंरतु या बातमीने चाहत्यांची उत्कंठा वाढली आहे हे नक्कीच.