New OTT Release: चाहत्यांसाठी खुशखबर! Saiyaara ते Coolie सह हे 5 चित्रपट आता OTT वर घालणार धुमाकूळ

सप्टेंबरमध्ये OTT वर येत असलेल्या 5 जबरदस्त चित्रपटांची यादी. यामध्ये 'सैयारा' आणि 'कुली' सारख्या ब्लॉकबस्टर चित्रपटांचा समावेश आहे. जाणून घ्या हे चित्रपट तुम्ही कोणत्या OTT प्लॅटफॉर्मवर पाहू शकता.

New OTT Release: सप्टेंबर महिना ओटीटी प्लॅटफॉर्मवर मनोरंजनाचा मोठा डोस घेऊन येत आहे. अनेक मोठे चित्रपट जे बॉक्स ऑफिसवर हिट ठरले, आता घरबसल्या पाहता येणार आहेत. स्टार-किड्सच्या पदार्पणापासून ते ॲक्शन-थ्रिलरपर्यंत, ज्यांनी हे चित्रपट थिएटरमध्ये पाहिले नाहीत, त्यांना आता स्ट्रीमिंगवर पाहता येणार आहेत. या महिन्यात OTT वर येत असलेल्या 5 बहुप्रतिक्षित चित्रपटांवर एक नजर टाकूया.

1. सैयारा (Saiyaara)

मोहित सूरी दिग्दर्शित आणि यशराज फिल्म्स निर्मित हा एक म्यूजिकल रोमँटिक ड्रामा आहे. या चित्रपटातून अहान पांडे आणि अनीत पड्डा यांनी अभिनय क्षेत्रात पदार्पण केले. बॉक्स ऑफिसवर प्रचंड यश मिळवत हा चित्रपट 2025मधील दुसऱ्या क्रमांकाचा सर्वाधिक कमाई करणारा चित्रपट ठरला. आता प्रेक्षक 12 सप्टेंबरपासून हा चित्रपट नेटफ्लिक्सवर पाहू शकतील. या चित्रपटात सेन्सॉर बोर्डाने वगळलेले काही सीन्स देखील असू शकतात, अशी शक्यता वर्तवली जात आहे.

2. कुली (Coolie)

लोकेश कनगराज लिखित आणि दिग्दर्शित ‘कुली’ हा एक ॲक्शन थ्रिलर आहे, ज्यात सुपरस्टार रजनीकांत मुख्य भूमिकेत आहेत. त्यांच्यासोबत नागार्जुन अक्किनेनी, श्रुती हासन, सौबिन शाहिर, सत्यराज आणि उपेंद्र यांसारख्या कलाकारांचा समावेश आहे, तर आमिर खान आणि पूजा हेगडे यांचे कॅमिओ आहेत. थिएटरमध्ये यशस्वी ठरल्यानंतर हा चित्रपट 11 सप्टेंबर रोजी अमेझॉन प्राइम व्हिडिओवर प्रदर्शित होण्याची शक्यता आहे.

हे देखील वाचा: बॉक्स ऑफिसवर धमाका करत असताना वादात सापडला ‘LoKah’, निर्मात्यांना मागावी लागली माफी

3. मालिक (Maalik)

पुलकित दिग्दर्शित या ॲक्शन थ्रिलरमध्ये राजकुमार राव, प्रोसेनजीत चटर्जी आणि मानुषी छिल्लर प्रमुख भूमिकेत आहेत. थिएटरमध्ये या चित्रपटाची कामगिरी साधारण असली तरी, स्ट्रीमिंगवर हा चित्रपट जास्त प्रेक्षकांपर्यंत पोहोचेल, अशी आशा आहे. हा चित्रपट 5 सप्टेंबर रोजी अमेझॉन प्राइम व्हिडिओवर रिलीज होणार आहे.

4. आँखों की गुस्ताखियां (Aankhon Ki Gustakhiyaan)

झी स्टुडिओज निर्मित आणि संतोष सिंग दिग्दर्शित या रोमँटिक ड्रामामध्ये विक्रांत मैसी आणि शनाया कपूर मुख्य भूमिकेत आहेत. शनायाचा हा पहिलाच चित्रपट असल्यामुळे त्याची जोरदार चर्चा झाली होती. हा चित्रपट 5 सप्टेंबर रोजी झी 5 वर स्ट्रीमिंगसाठी उपलब्ध होईल.

5. इन्स्पेक्टर जेंदे (Inspector Jende)

चिन्मय मंडलेकर दिग्दर्शित आणि लिखित या कॉमेडी थ्रिलरमध्ये मनोज बाजपेयी इन्स्पेक्टर ‘मधुकर जेंदे’ची भूमिका साकारत आहेत, तर जिम सर्भने कुप्रसिद्ध सीरियल किलर चार्ल्स शोभराजपासून प्रेरित ‘कार्ल भोजराज’ची भूमिका साकारली आहे. जय शेवक्रमणी आणि ओम राऊत निर्मित हा चित्रपट 5 सप्टेंबर रोजी नेटफ्लिक्सवर प्रदर्शित होईल.