‘फक्त शिक्षणच तोडू शकेल हुकूमशाहीच्या साखळ्या…’, कमल हासनने केंद्र सरकारवर साधला निशाणा

शिक्षणाच्या मुद्द्यावर बोलताना दाक्षिणात्य सुपरस्टार कमल हासन यांनी केंद्र सरकारवर निशाणा साधला आहे. अभिनेत्याचे आता विधानही व्हायरल होत असताना दिसत आहे. कमल हासन नक्की काय म्हणाले जाणून घेऊयात.

• कमल हासनने केंद्र सरकारवर साधला निशाणा
• कमल हासनने शिक्षणाबद्दल मांडले मत
• सूर्याच्या अगरम फाउंडेशनला १५ वर्ष पूर्ण

दाक्षिणात्य सुपरस्टार कमल हासन पुन्हा एकदा चर्चेत आले आहेत. अभिनेता नुकताच सुपरस्टार सूर्याच्या ‘अगरम फाउंडेशन’च्या १५ व्या वर्धापन दिनानिमित्त उपस्थित होता. येथे कमल हासन यांनी शिक्षणाचा मुद्दा उपस्थित करून केंद्र सरकारवर जोरदार निशाणा साधला आहे. त्यांचे भाषण सोशल मीडियावरही व्हायरल होत आहे. हे लक्षात घेण्यासारखे आहे की तामिळनाडूमध्ये बऱ्याच काळापासून NEET परीक्षेविरुद्ध निषेध सुरू आहे. यावरही अभिनेत्याने भाष्य केले. शिक्षणाबाबत कमल हासन नक्की काय म्हणाले हे आपण आता जाणून घेणार आहोत.

कमल हासन यांनी सूर्याला मारली मिठी
सुपरस्टार सूर्याच्या ‘आगारम फाउंडेशन’चा १५ वा वर्धापन दिन नुकताच साजरा करण्यात आला. या प्रसंगी कमल हासन यांनी कार्यक्रमाला उपस्थिती लावली. कमल हासन आणि सूर्या एकमेकांना मिठी मारताना दिसले आहेत. यावेळी कमल हासन यांनी लोकांना संबोधित केले आणि शिक्षणाचा मुद्दा उपस्थित केला आणि केंद्र सरकारवरही निशाणा साधताना अभिनेता दिसला आहे.

प्रियांकाच्या त्या पोस्टमध्ये अभिनेत्री रेखा होती का? असं काय लिहलंय पोस्टमध्ये की सर्वत्र होतेय चर्चा

कमल हासन काय म्हणाले?
कमल हासन या कार्यक्रमदरम्यान म्हणाले की, ‘शिक्षण हे एकमेव शस्त्र आहे जे हुकूमशाही आणि सनातन विचारसरणीच्या साखळ्या तोडू शकते. २०१७ पासून NEET ने अनेक मुलांना वैद्यकीय शिक्षणापासून वंचित ठेवले आहे. अगरम फाउंडेशनसारख्या संस्था देखील यात काहीही करू शकत नाहीत, कारण ही परीक्षा गरीब आणि मागासवर्गीय विद्यार्थ्यांना मागे सोडते. शिक्षण हे केवळ एक शस्त्र नाही तर ते एक साधन आहे ज्याच्या मदतीने देशाला एक नवीन आकार देता येत आहे.’ असे अभिनेता बोलताना दिसला आहे.

केंद्र सरकारवर निशाणा साधला
अभिनेत्याने पुढे म्हटले की, ‘कायद्यात बदल तेव्हाच शक्य आहे जेव्हा जनता शिक्षित असेल. इतर काही गोष्टी स्वीकारल्याने विजय मिळणार नाही. बहुसंख्य तुमचा पराभव करतील, म्हणून सर्वांनी ज्ञान आणि एकतेचा मार्ग निवडला पाहिजे. तामिळनाडूमध्ये बऱ्याच काळापासून NEET परीक्षेला विरोध आहे. राज्य सरकारचे म्हणणे आहे की या परीक्षेचा फायदा शहरी आणि श्रीमंत कुटुंबातील विद्यार्थ्यांना होतो. गावातील आणि सरकारी शाळांमधील गुणवंत विद्यार्थी मागे राहतात.

‘Coolie’च्या ट्रेलर लाँचमध्ये रजनीकांत झाले भावुक, अभिनेत्याने शेअर केला ‘तो’ किस्सा

‘अगरम फाउंडेशन’ म्हणजे काय?
अभिनेता सूर्या ‘अगरम फाउंडेशन’ चालवतो, जो वंचित मुलांना अभ्यासात मदत करतो. सूर्याने २००६ मध्ये ही फाउंडेशन स्थापन केली होती. ती तमिळनाडूच्या ग्रामीण भागात आहे, ज्याद्वारे मुलांना शिक्षण दिले जाते. या फाउंडेशनने २०१९ पर्यंत तीन हजारांहून अधिक मुलांना शिक्षण दिले आहे. ‘अगरम फाउंडेशन’ ला आता १५ वर्ष पूर्ण झाली आहेत. याचनिमित्ताने साऊथ स्टार एकत्र येऊन आता सूर्याचं अभिनंदन करत आहेत.