(फोटो सौजन्य - इन्स्टाग्राम)
सिनेमा हॉलबाहेर निषेध
‘नाम तमिलर कच्ची’ या तमिळ समर्थक पक्षाच्या कार्यकर्त्यांनी त्रिचीमधील सिनेमा हॉलबाहेर ‘किंगडम’ विरोधात निदर्शने केली आणि चित्रपटाच्या प्रदर्शनावर बंदी घालण्याची मागणी केली. एनटीकेचे राज्य प्रचार सचिव सरवनन म्हणाले की, ‘हा चित्रपट एलटीटीई (लिबरेशन टायगर्स ऑफ तमिळ इलम) च्या सैनिकांचा आणि ईझम तमिळांचा अपमान करतो. त्यांनी ३० वर्षे लढा दिला आणि शहीद झाले, परंतु त्यांना डोंगराळ भागात राहणारे गुलाम म्हणून दाखवण्यात आले आहे.’ यामुळे लोक आता चित्रपटावर संताप व्यक्त करत आहेत.
तसेच, ते पुढे म्हणाले, ‘हा ऐतिहासिक तथ्ये विकृत करण्याचा प्रयत्न आहे आणि आम्ही हे होऊ देऊ शकत नाही. त्यांना आतापर्यंत न्याय मिळालेला नाही आणि बरेच लोक अजूनही बेपत्ता आहेत. तमिळ कच्ची हे नाव त्यांना दुखावणारे असे काही करू शकत नाही. निदर्शकांनी जिल्ह्यातील एका प्रमुख थिएटर व्यवस्थापकाचीही भेट घेतली, त्यानंतर ‘किंगडम’चे बॅनर काढून टाकण्यात आले.’
Andhera: OTT वर धडकणार ‘अंधेरा’ ही भयानक वेब सिरीज; जाणून घ्या कुठे कधी होणार प्रदर्शित
चित्रपट वितरकांनी पोलिस संरक्षणाची केली मागणी
चित्रपटाविरुद्ध वाढत्या निषेधाच्या पार्श्वभूमीवर, तामिळनाडूतील चित्रपट वितरकांनी पोलिस संरक्षणाची मागणी करत मद्रास उच्च न्यायालयात धाव घेतली आहे. त्यानंतर आता हे प्रकरण मोठे होत चालले आहे.
हा चित्रपट ३१ जुलै रोजी होणार प्रदर्शित
गौतम तिन्नानुरी दिग्दर्शित ‘किंगडम’ हा एक तेलुगू चित्रपट आहे ज्यामध्ये विजय देवेराकोंडा, सत्यदेव आणि वेंकटेश मुख्य भूमिकेत आहेत. श्रीलंकेत घडणारा हा चित्रपट एका पोलिसातून गुप्तहेर बनलेल्या व्यक्तीची कथा आहे जो नंतर दिवी जमातीचा रक्षक बनतो. हा चित्रपट तमिळ, मल्याळम आणि इतर भाषांमध्ये डब करण्यात आला आहे आणि ३१ जुलैपासून चित्रपटगृहांमध्ये प्रदर्शित होत आहे.
.png "Videos"){kind=small}
