Akaay kohli: विराट – अनुष्काचा मुलगा अकायने आपल्या नावावर नोंदवला विक्रम, 1 वर्षाआधीच रचला इतिहास!

अनुष्का शर्मा आणि विराट कोहलीच्या मुलाने जन्मानंतर अवघ्या काही महिन्यांतच एक विक्रम तयार केला आहे. त्याने काही तासातच स्वतःचा नवा विक्रम नोंदवून घेतला आहे. आता जाणून घेऊया हा रेकॉर्ड काय आहे?

या वर्षी बॉलीवूड अभिनेत्री अनुष्का शर्मा आणि तिचा क्रिकेटर पती विराट कोहली त्यांच्या दुसऱ्या अपत्यामुळे चर्चेत होते. वामिकानंतर अनुष्काने या वर्षी फेब्रुवारीमध्ये दुसऱ्या मुलाला जन्म दिला. या जोडप्याचा मुलगा अकाय एक वर्षाचाही झाला नाही आणि त्याने एक विक्रम स्वतःच्या नावावर नोंदवून घेतला आहे. अकाय इतर स्टार किड्सपेक्षा चाहत्यांच्यावर जास्त राज्य करताना दिसत आहे. तसेच त्याचा चेहरा उघड न करता चाहत्यांच्या मनात त्याने घर केले आहे. याचे पुरावे इंटरनेटवरही समोर आले आहेत. एक वर्ष पूर्ण होण्याआधीच अकायने कोणता विक्रम प्रस्थापित केला ते जाणून घेऊया.

अकायने कोणता विक्रम केला?
वास्तविक, आता गुगलवर 2024 मध्ये सर्वाधिक सर्च केलेल्या टॉप 10 शब्दांच्या अर्थांची यादी समोर आली आहे. कोणत्या शब्दांचा अर्थ जाणून घेण्यासाठी लोकांना उत्सुकता असल्याचे या यादीतून दिसून आले आहे. आता या यादीत अकायचेही नाव आहे. म्हणजेच वर्षभर लोकांनी अकाय नावाचा अर्थ काय याचा शोध घेतला आहे. तसेच, जेव्हा अनुष्का आणि विराटने त्यांच्या मुलाच्या जन्माची घोषणा केली होती, तेव्हा त्यांनी पोस्टमध्ये त्याचे नाव देखील सांगितले होते. हे नाव याआधी क्वचितच कोणी ऐकले असेल, त्यामुळे अकायचा अर्थ काय आहे हे जाणून घेण्याची लोकांना खूप उत्सुकता होती.

अकाय म्हणजे काय?
लोकांच्या या उत्सुकतेमुळे 2024 मध्ये सर्वाधिक सर्च केलेल्या टॉप 10 शब्दांच्या अर्थांच्या यादीत अकायचा समावेश झाला आहे. अकाय हा हिंदी शब्द आहे, ज्याचा उगम तुर्कियेपासून आहे. संस्कृतमध्ये, अकाया म्हणजे ‘शरीराशिवाय काहीही’ – जसे की स्वरूप किंवा शरीर. हा शब्द ‘काया’ या शब्दापासून आला असून त्याचा अर्थ शरीर असा होतो. या शब्दाचा अर्थ शोधल्यामुळे ‘अकाय’ हा शब्द आता अधिकच प्रसिद्ध झाला आहे. आणि चाहते या नावाची चर्चा करत आहे.

‘भारतीय सिनेमा जागतिक स्तरावर पोहचण्याचा कायम अभिमान आहे’, असे का म्हणाल्या छाया कदम!

अनुष्का आणि विराटच्या चाहत्यांनी अकायला लोकप्रिय केले
अकायने या यादीत प्रवेश केल्याची बातमी समोर आल्यापासून चाहते त्यावर तीव्र प्रतिक्रिया देत आहेत. विराट आणि अनुष्काच्या चाहत्यांच्या प्रेमाचाच वारसा आता अकायला मिळत आहे. आजपर्यंत या जोडप्याने चाहत्यांना त्यांच्या मुलाचा चेहरा पाहण्याची संधी दिलेली नाही. मात्र, विराटच्या वाढदिवसाला अनुष्काने अकायची झलक दाखवली, त्यानंतर चाहत्यांमध्ये आनंदाची लाट उसळली.