धरमजींच्या आठवणीत री- रिलीज होणार Yamla Pagla Deewana; बाप- लेकांची जोडी पुन्हा पडद्यावर झळकणार

धर्मेंद्र, सनी देओल आणि बॉबी देओल यांचा "यमला पगला दीवाना" हा चित्रपट खूप सुपरहिट झाला होता. या चित्रपटाने प्रेक्षकांचे भरपूर मनोरंजन केले. आता, धर्मेंद्र त्यांना श्रद्धांजली म्हणून हा चित्रपट पुन्हा री- रिलीज होणार आहे.

• धरमजींच्या स्मरणार्थ निर्मात्यांकडून श्रद्धांजली
• री- रिलीज होणार Yamla Pagla Deewana
• बाप- लेकांची जोडी पुन्हा पडद्यावर झळकणार

२४ नोव्हेंबर २०२५ रोजी ज्येष्ठ बॉलीवूड अभिनेते धर्मेंद्र यांचे निधन झाले. त्यांच्या निधनाने चित्रपटसृष्टीला मोठा धक्का बसला. त्यांनी अनेक दशकांचा वारसा आणि असंख्य कथांना त्याने मागे सोडले. त्यांच्या निधनाला एक महिना उलटला आहे. त्यांच्या स्मरणार्थ, २०११ मध्ये प्रदर्शित झालेला त्यांचा “यमला पगला दीवाना” हा चित्रपट पुन्हा प्रदर्शित होत आहे. चाहत्यांना या बातमी खूप आनंद झाला आहे. तसेच या चित्रपटाने प्रेक्षकांचे भरपूर मनोरंजन केले.

“बॉलीवूड हंगामा” च्या जवळच्या सूत्रांनी दिलेल्या माहितीनुसार, धर्मेंद्र यांचे हिंदी चित्रपटसृष्टीतील योगदान प्रचंड आहे. ते पिढ्यानपिढ्या लोकप्रिय आहेत. या ओळखीनुसार, त्यांचा चित्रपट पुन्हा प्रदर्शित करण्याची योजना सुरू आहे. धरमजी आता आपल्यात नसले तरी त्यांचे काम चाहत्यांच्या मनात नेहमीच जिवंत राहणार आहे.

‘Chhava’ ला अखेर मिळाली बरोबरीची टक्कर, ‘Dhurandhar’ने सोमवारीही केला कहर; ११ दिवसात रचला इतिहास

धर्मेंद्र यांना श्रद्धांजली वाहण्यात येणार

सूत्रांनी सांगितले की, “यमला पगला दिवाना’चे पुनर्प्रदर्शन ही चित्रपटसृष्टीवर अमिट छाप सोडणाऱ्या सर्वांच्या लाडक्या अभिनेते धर्मेंद्र यांना श्रद्धांजली असणार आहे. धर्मेंद्र हे त्यांचे दोन्ही मुलगे सनी देओल आणि बॉबी देओल यांच्यासोबत चित्रपटात आहेत.” “यमला पगला दीवाना” हा चित्रपट आता पुन्हा पाहण्यासाठी चाहते उत्सुक आहेत.

चित्रपटाला १४ वर्ष पूर्ण

२०११ मध्ये प्रदर्शित झालेला “यमला पगला दीवाना” हा चित्रपट खूपच हिट ठरला. या विनोदी नाटकाचे प्रेक्षकांच्या मनात एक खास स्थान आहे, कारण त्यात धर्मेंद्र, सनी लिओनी आणि बॉबी देओल यांनी स्क्रीन शेअर केली होती. हा चित्रपट अनेक वर्षांपासून टीव्हीवर प्रसारित होत आहे आणि ओटीटी प्लॅटफॉर्मवरही हा चित्रपट खूप लोकप्रिय आहे.

विकी कौशलने दाखवली आलिया भट्टला छोट्या पाहुण्याची झलक; अभिनेत्रीची REACTION VIRAL

‘यमला पगला दीवाना’ पुन्हा कधी होणार प्रदर्शित?

हा चित्रपट मूळतः १९ डिसेंबर २०२५ रोजी पुन्हा प्रदर्शित होणार होता. परंतु, रणवीर सिंग आणि अक्षय खन्ना यांच्या ‘धुरंधर’ या चित्रपटाच्या लोकप्रियतेमुळे, चित्रपटाचे राईट्स असलेल्या एनएच स्टुडिओने प्रदर्शनाची तारीख बदलली आहे. समीर कर्णिक दिग्दर्शित ‘यमला पगला दीवाना’ १ जानेवारी २०२६ रोजी चित्रपटगृहात प्रदर्शित होण्याची अपेक्षा आहे. काही दिवसांत निर्मात्यांचा अंतिम निर्णय समोर येणार आहे.