(फोटो सौजन्य- इन्स्टाग्राम)
अभिनयाच्या जोरावर छाया कदम यांनी जागतिक पातळीवर स्वतःची अनोखी ओळख संपादन करून बॉलीवूडमध्येही अभिनेत्रीच्या कामाच कौतुक कायम होताना दिसत आहे. सगळ्या भूमिकेमधील अभिनेत्रीचे पात्र लापता लेडीज़ मधली भूमिका भाव खाऊन गेली आणि याच भूमिकेसाठी छाया कदम यांना बॉलीवूडचा किंग शाहरुख खान कडून फिल्मफेअर सहाय्यक अभिनेत्रीचा पुरस्कार प्राप्त झाला. अभिनेत्रीला या गोष्टीचा खूप मोठा आनंद झाला आणि तिने सगळ्याचे आभार मानले.
या बद्दल बोलताना छाया कदम म्हणाल्या की, “लापता लेडीज़ सारख्या हिंदी चित्रपटासाठी हा पहिला वहिला फिल्मफेअर पुरस्कार मिळणं ही भावना कमालीची आहे. जेव्हा मी पुरस्कार स्वीकारायला फिल्म फेअरच्या मंचावर गेले तेव्हा माझी एक नाही दोन मोठी स्वप्नं पूर्ण झाली. बॉलीवूडचे किंग खान शाहरुख खान सरांकडून एक कडकडीत मिठी मिळणं आणि दुसरं ब्लॅक लेडी घरी घेऊन जाणं.’ असे त्या म्हणाल्या.
पुढे अभिनेत्री म्हणाली, ‘लापता लेडीज या चित्रपटाने मला अशी कहाणी सांगण्याची संधी दिली जी अनेकांच्या हृदयाला स्पर्श करून गेली. दिग्दर्शिका किरण राव, संपूर्ण टीम आणि प्रेक्षकांनी माझ्या कामाला ज्या ऊबदारपणे स्वीकारलं त्याबद्दल मी मनःपूर्वक आभारी आहे. हा फिल्मफेअर पुरस्कार फक्त माझा नाही तो प्रत्येक त्या स्त्रीचा आहे जी सीमारेषांच्या पलीकडे स्वप्न पाहायची हिंमत करते.” असे अभिनेत्रीने म्हटले.
शाहरुखने केलं किस?
जगभरात आपल्या नावाचा डंका असणारी मराठमोळी अभिनेत्री छाया कदमला शाहरुखने किस केलं आहे. छाया कदम यांना ‘लापता लेडीज’ या चित्रपटातील मंजू या भूमिकेसाठी शाहरुख खानच्या हस्ते सर्वोत्कृष्ट सहाय्यक अभिनेत्रीचा पुरस्कार मिळाला. हा पुरस्कार मिळाल्यानंतर फिल्मफेअरच्या मंचावर शाहरुख खान छाया कदमला प्रेमाने मिठी मारताना आणि किस करताना दिसला. शाहरुखने मिठी मारताच छाया कदम यांचा आनंद गगनात मावेनासा झाला होता.
जागतिक पातळीवर जाऊन सगळ्यांचा लाडक्या छाया ताईनी आजवर अनेक वैविध्यपूर्ण भूमिका मधून प्रेक्षकांची मन जिंकून घेतली आणि येणाऱ्या काळात देखील अजून उत्तम कथा, चित्रपट भूमिका घेऊन त्या लवकरच प्रेक्षकांच्या भेटीला येणार आहेत.
.png "Videos"){kind=small}
