(फोटो सौजन्य - x अकाउंट)
मराठी लोकप्रिय अभिनेते सचिन पिळगावकर यांनी वयाच्या अवघ्या चौथ्या वर्षी अभिनय क्षेत्रात पदार्पण केले. तेव्हा पासून त्यांनी चाहत्यांच्या मनावर राज्य करण्यास सुरुवात केली आहे. आजवर सचिन पिळगावकर यांनी त्यांच्या कारकिर्दीमध्ये अनेक उत्कृष्ट कलाकृती सादर केल्या आहेत. केवळ अभिनेताच नव्हे तर दिग्दर्शक निर्माता लेखक आणि गायक म्हणून सुद्धा ते लोकप्रिय आहेत. चाहत्यांना त्यांचा अभिनय आणि चित्रपट खूप आवडतात. मराठी सोबतच हिंदी सिनेमांमध्ये सुद्धा त्यांनी आपली छाप पाडली आहे. १९८० च्या दशकाच्या उत्तरार्धात त्यांनी अनेक मराठी सिनेमांचे दिग्दर्शन केले आणि त्यात अभिनय सुद्धा केला. परंतु ते आता त्यांना हिंदी सिनेमासृष्टीत काम न मिळण्याची खंत व्यक्त करत असल्याचे समोर आले आहे.
अभिनेते सचिन पिळगावकर यांचा जन्म १७ ऑगस्ट १९५७ रोजी गोव्यातील पिलागाव येथील सारस्वत ब्राह्मण कुटुंबात मुंबईत झाला. त्यांचे वडील शरद पिळगावकर हे चित्रपट निर्माते होते आणि मुंबईत ते प्रिंटिंग व्यवसायही करत होते. बालकलाकार म्हणून आपल्या कारकिर्दीला सुरुवात करणाऱ्या सचिन यांनी आपल्या मेहनतीच्या आणि क्षमतेच्या जोरावर केवळ मराठी चित्रपटसृष्टीसोबतच हिंदी सिनेमासृष्टीतही खूप नाव कमावले आहे. ‘हा माझा मार्ग एकला’ या मराठी चित्रपटात बालकलाकार म्हणून काम करायला त्यांनी सुरुवात केली. या चित्रपटातील त्यांच्या अभिनयाचे खूप कौतुक झाले. इतकेच नाही तर या चित्रपटासाठी त्यांना वयाच्या ५ व्या वर्षी देशाचे राष्ट्रपती सर्वपल्ली डॉ. राधाकृष्णन यांच्या हस्ते राष्ट्रीय पुरस्काराने सन्मानित देखील करण्यात आले होते.
अभिनेते सचिन पिळगावकर यांनी यानंतर खूप सुपरहिट चित्रपट आणि प्रेक्षकांचे भरभरून मनोरंजन केले. त्यांचा अभिनय अजूनही चाहत्यांना तेवढाच आवडतो. आणि तो पाहताना त्यांना कंटाळा येत नाही. तसेच काही दिवसांपूर्वी सचिन पिळगावकर ‘नवरा माझा नवसाचा २’ या सिनेमात दिसले. हा चित्रपट प्रेक्षकांना खूप आवडला. या चित्रपटाच्या पहिल्या भागाला देखील चाहत्यांनी भरभरून प्रेम दिले. आणि या चित्रपटात त्यांनी बऱ्याच काळाने त्यांनी मोठ्या पडद्यावर काम केले. इतकी वर्ष मराठी फिल्म इंडस्ट्री मध्ये ते का दिसले नाहीत याबद्दल त्यांनी खंत व्यक्त केली आहे. याचे उत्तर त्यांनी एका मुलाखतीद्वारे दिली आहे.
‘जादू तेरी नज़र – डायन का मौसम’ मालिकेची चर्चा; ‘स्टार प्लस’ घेऊन येत आहे जादुई दुनियेचे गूढ रहस्य!
‘देवाचे घर’ या सिनेमाच्या प्रीमियरला लोकमत फिल्मीला, दिलेल्या मुलाखतीत सचिन पिळगावकर म्हणाले होते की, ‘मोठ्या पडद्यावर दिसण्यासाठी माझ्याकडे सध्या कोणतेही काम नाही. आणि मला कोणी कामही देत नाही. आमच्या सिनेमात काम करा असे म्हणायला माझ्याकडे कोणी येतही नाही. ते का येत नाही हे मला माहित नाही त्यांना कदाचित वाटत असेल की मी अभिनय सोडला आहे पण ती त्यांची चुकीची समजूत आहे.’ असे ते म्हणाले आहेत. सचिन पिळगावकर यांनी प्रत्येक वेळी पडद्यावर उत्तम कलाकृती सादर केली आहे. पण आज एवढ्या मोठ्या कलाकाराला कामाची संधी मिळत नाही हे थोड्या आश्चर्यकारक आहे. आणि याबाबत त्यांना बोलताना पाहून चाहते देखील थोडे चकित झाले आहेत.
.png "Videos"){kind=small}
