(फोटो सौजन्य - इन्स्टाग्राम)
थोर समाजसुधारक महात्मा फुले आणि सावित्रीबाई फुले या दाम्पत्याच्या जीवनावर आधारित ‘फुले’ या बॉलिवूड चित्रपटावरून सध्या वाद सुरु आहे. या चित्रपटाचे दिग्दर्शन अनंत नारायण करत असून चित्रपटाची निर्मिती झी स्टुडिओज करतेय. या चित्रपटामध्ये प्रमुख भूमिकेत प्रतीक गांधी आणि पत्रलेखा आहे. हा बहुचर्चित चित्रपट ११ एप्रिलला प्रदर्शित होणार होता, पण अचानक चित्रपटाच्या प्रदर्शनाच्या तारखेत बदल करण्याचा महत्त्वाचा निर्णय घेण्यात आला आहे. चित्रपटामुळे निर्माण झालेल्या वादावरून चित्रपटाचे प्रदर्शन पुढे ढकलण्यात आल्याचं म्हटलं जात आहे.
“लग्नाआधी त्याच्यासोबत लिव्ह इन मध्ये राहा”, ‘नागिन’ फेम अभिनेत्रीला आईवडिलांनीच दिला सल्ला; कारण…
दरम्यान, पुण्यातील ब्राह्मण महासंघानं ‘फुले’ चित्रपटाच्या ट्रेलरमधील एका दृश्यावर आक्षेप घेतला आहे. यामुळं सामाजिक तेढ वाढेल, असा आरोप ब्राम्हण महासंघाने केला आहे. तर त्यांच्या आक्षेपाला आणि आरोपांना चित्रपटाचे दिग्दर्शक अनंत महादेवन यांनी स्पष्टीकरण दिलं आहे. चित्रपटाचा प्रमुख हेतू दोन समाजातील जातीभेद नष्ट करण्याचं आहे. त्यामुळे केवळ ट्रेलर पाहून तुम्ही याचा अंदाज घेऊ नका, तर संपूर्ण चित्रपट पाहा असा सल्ला दिग्दर्शकांनी आंदोलकांना दिला. याशिवाय, हिंदु महासंघानेही चित्रपटाच्या निर्मात्यांवर आणि दिग्दर्शकांवर चित्रपटाच्या ट्रेलरमधून वेगळं चित्र दाखवत जातीयवाद निर्माण करण्याचा प्रयत्न केला जात असल्याचा आरोप केला.
चित्रपटाच्या प्रदर्शनाच्या तारखेत बदल..
चित्रपटाचे निर्माते रितेश कुडेचा यांनी ‘बॉलिवूड हंगामा’ला दिलेल्या मुलाखतीत प्रदर्शनाची तारीख पुढे ढकलण्यात आल्याचं जाहीर केलं, “अनंत महादेव दिग्दर्शित ‘फुले’ चित्रपटाच्या प्रदर्शनाची तारीख पुढे ढकलण्यात आली आहे. हा चित्रपट ११ एप्रिलला नाही तर, २५ एप्रिलला रिलीज होणार आहे. चित्रपटाच्या प्रदर्शनाची तारीख पुढे ढकलण्याचा निर्णय आम्ही आज सकाळीच घेतला आहे.” दरम्यान, ‘फुले’ चित्रपटाच्या प्रदर्शनाच्या तारखेत बदल केल्यामुळे या आठवड्यात थिएटरमध्ये सनी देओल आणि रणदीप हुड्डा यांचा ‘जाट’ हा एकच हिंदी चित्रपट प्रदर्शित होणार आहे. प्रदर्शनाच्या दोन दिवसाआधी ‘फुले’च्या प्रदर्शनाची तारीख बदलल्यामुळे चाहत्यांना धक्का बसला आहे. शिवाय चाहते निराश झाले आहेत.
Kesari 2: ‘केसरी २’ मधील अक्षय कुमारचा नवा लूक रिलीज, अभिनेता बनला ‘कथकली डान्सर’!
ट्रेलरमधील कोणत्या सीनवर आक्षेप घेण्यात आला आहे ?
एका मुलाखतीमध्ये ब्राह्मण महासंघाचे अध्यक्ष आनंद दवे यांनी सांगितले की, ” आम्ही ‘फुले’ चित्रपटाचं मनापासून स्वागत करतो. अशा धाटणीचे चित्रपटाचे चित्रपट आवर्जून यायलाच हवेत. पण चित्रपटाच्या ट्रेलरमध्ये एक ब्राम्हण मुलगा सावित्रीबाई फुले यांच्या अंगावर दगड आणि शेण फेकताना दिसतोय. हा सीन दाखवण्याला आमचा विरोध नाही. तत्कालीन समाजाच्या हातून अशी काही पातके घडली असतील. परंतु महात्मा जोतीराव फुले यांना शाळेसाठी मदत, देणगी देणारी लोकं, शाळेत शिक्षक म्हणून जाणारे लोकं, शाळेच्या पहिल्या तुकडीत सहा पैकी चार विद्यार्थी ब्राह्मण होते. हा देखील चित्रपटात उल्लेख आहे का? आणि उल्लेख असेल तर ते ट्रेलरमध्ये का नाही दाखवले गेले? असा आमचा सवाल आहे. शिवाय, चित्रपट एकतर्फी नको तो सर्वसमावेशक असावा असं मतही आनंद दवेंनी व्यक्त केले.
.png "Videos"){kind=small}
