रश्मिका मंदान्नाचा बॉयफ्रेंड कोण? अभिनेत्रीने बोलता बोलता 'या' खास गोष्टी सांगूनच टाकल्या...
‘नॅशनल क्रश’ आणि ‘श्रीवल्ली’ अशा नावांनी प्रसिद्ध असलेली अभिनेत्री रश्मिका मंदान्ना (Rashmika Mandanna)सध्या तिच्या खासगी आयुष्यामुळे चर्चेत आहे. शिवाय अभिनेत्री सध्या विकी कौशलसोबतच्या ‘छावा’ चित्रपटामुळेही चर्चेत आहे. तर दुसरीकडे तिच्या पायाला झालेल्या दुखापतीमुळेही ती चर्चेत आहे. या सगळ्या चर्चांमध्ये रश्मिकाचं अफेअर पुन्हा एकदा चर्चेत आलं आहे. रश्मिका गेल्या अनेक दिवसांपासून टॉलिवूड अभिनेता विजय देवरकोंडाला डेट करत असल्याचं म्हटलं जातं होतं. या चर्चा कुठेतरी खऱ्या असल्याचं आता समोर येत आहे.
‘नॅशनल क्रश’रश्मिका मंदान्नाच्या ‘हँडसम हंक ’विजय देवरकोंडासोबतच्या रिलेशनशिपच्या चर्चा सुरु आहेत. नुकतंच तिने अप्रत्यक्षरित्या रिलेशनशिपमध्ये असल्याचं सांगितलं. रश्मिका आणि विजय हे दोघेही एकमेकांना डेट करत असल्याची चर्चा चित्रपट वर्तुळात आहे. डेटिंगच्या चर्चांदरम्यान, रश्मिका आणि विजय कधी मालदीव व्हॅकेशनला तर कधी डिनर डेटला एकत्र गेले आहेत. अनेकदा एकत्र स्पॉट झाले असले तरीही त्यांनी अद्याप त्यांचं नातं ऑफिशिअल केलेलं नाही. अलीकडेच एका मुलाखतीत विजयने तो अविवाहित नसल्याचं सांगितलं होतं. आता त्याने रश्मिकाने जोडीदार होण्याचे संकेत दिले आहेत.
रश्मिका मंदान्नाने ‘हॉलिवूड रिपोर्टर’शी बोलताना तिला पार्टनर असल्याचं सांगत ती सध्या रिलेशनशिपमध्ये असल्याचंही तिने तिच्या एक्सप्रेशन्समधून सांगितलं. मुलाखतीत रश्मिकाने सांगितलं की, “घर हे माझ्यासाठी हॅप्पी प्लेसपैकी एक आहे. त्यामुळे मला तिथे स्थिरता जाणवते. ते ठिकाण मला जमिनीच्या मुळाशी जोडून ठेवते. मला वाटतं की, यश येतं आणि जातं, पण ते कायमचं नसतं. पण घर कायम असतं. त्यामुळे मी त्या ठिकाणाहूनच काम करते. मला कितीही प्रेम आणि प्रसिद्धी मिळाली, तरीही मी फक्त एक मुलगी आहे, फक्त एक बहीण आहे, फक्त एक जोडीदार आहे. मी त्या आयुष्याचा, माझ्या वैयक्तिक आयुष्याचा खरोखर आदर आणि सन्मान करते.”
रश्मिका मंदान्नाने तिला तिच्या जोडीदारामध्ये किती गुण असावेत याबद्दल सांगितलं. ती म्हणाली, “असं म्हणतात की डोळे बोलतात. खरंतर डोळेच माणसाचं खरंपण समोर आणतं आणि माझा त्यावर विश्वास आहे. मी हसत राहते, त्यामुळे मी अशा लोकांकडे आकर्षित होते, ज्यांचा हसरा चेहरा आहे आणि अर्थातच कोणीतरी जो त्याच्या आजूबाजूच्या लोकांचा आदर करतो, मग कोणीही असो. अशा लोकांवर विश्वास असतो आणि मी त्यांच्याकडे आकर्षित होते.” विजय देवरकोंडा आणि रश्मिका मंदानाने २०१८ मध्ये रिलीज झालेल्या ‘गीता गोविंदम’ चित्रपटात पहिल्यांदा एकत्र काम केले होते. या चित्रपटानंतर त्यांच्यातल्या रिलेशनची जोरदार चर्चा होत होती. २०१९ मध्ये, जेव्हा विजय देवरकोंडा आणि रश्मिका मंदानाने ‘डिअर कॉम्रेड’ चित्रपटात एकत्र काम केले, तेव्हाही त्यांच्या रिलेशनच्या चर्चा मोठ्या प्रमाणावर झाल्या. त्यांचा हा चित्रपटही हिट ठरला होता. चित्रपटाच्या सेटवरच रश्मिका आणि विजय एकमेकांच्या प्रेमात पडले होते, असं म्हटलं जातं.
.png "Videos"){kind=small}
