पूनम पांडेवर कोणतीही सक्तीची कारवाई न करण्याचा सर्वोच्च न्यायालयाचा आदेश

पॉर्न व्हिडिओ प्रकरणी (Porn Racket Case) अभिनेत्री आणि मॉडेल पूनम पांडेला सर्वोच्च न्यायालयाने मंगळवारी अटकेपासून अंतरिम संरक्षण दिले. हे प्रकरण शिल्पा शेट्टीचे पती राज कुंद्राशी संबंधित आहे. न्यायमूर्ती विनीत सरन आणि न्यायमूर्ती बीव्ही नागरथना यांच्या खंडपीठाने पांडे यांच्या याचिकेवर हा आदेश दिला, जो मुंबई उच्च न्यायालयाने फेटाळून लावली. पूनम पांडेवर (Poonam Panday) कोणतीही जबरदस्ती कारवाई करू नये. नोटीस जारी करा,” असे न्यायालयाने म्हटले आहे. खंडपीठासमोर पांडे यांच्या वतीने अधिवक्ता आदित्य चोप्रा यांच्यासह अधिवक्ता सोयाब कुरेशी आणि अधिवक्ता संदीप बजाज यांनी युक्तिवाद केला.

मागच्या वर्षी फेटाळण्यात आली याचिका

पॉर्न रॅकेट प्रकरणात अटकपूर्व जामिनासाठी कोर्टात धाव घेतली होती, ज्यामध्ये शिल्पा शेट्टीचा पती राज कुंद्राला अटक करण्यात आली होती.
पूनमची याचिका 25 नोव्हेंबर 2021 रोजी मुंबई उच्च न्यायालयाने फेटाळली. त्यानंतर तिने सर्वोच्च न्यायालयात अपील केले. मधुकर कृष्णा केनी नावाच्या व्यक्तीने अश्लील साहित्य असलेल्या काही वेबसाइट्स आणि ऑनलाइन प्लॅटफॉर्मच्या विरोधात तक्रार केल्यानंतर हे प्रकरण उघडकीस आले आहे.

पूनमचे व्हिडिओ आधीच ब्लॉक केले आहेत

 

पांडेच्या याचिकेत म्हटले आहे की ती यापैकी कोणत्याही प्लॅटफॉर्मची सहभागी किंवा मालक नाही, परंतु तिच्याविरुद्ध तक्रार अशी होती की तिचे काही व्हिडिओ अशा काही वेबसाइटवर उपलब्ध आहेत. या प्रकरणात ती आरोपी नसून पीडित महिला असल्याचेही पांडेने सांगितले. काही अश्लील वेबसाइटवरील पूनमचे सर्व व्हिडिओ 2015 मध्ये केंद्र सरकारने आधीच ब्लॉक केल्याचा दावाही त्यांनी केला.

पूनम-शर्लिनने व्यावसायिक फायद्यासाठी बनवले व्हिडिओ

सुमारे दोन महिन्यांपूर्वी राज कुंद्राचे वकील प्रशांत पाटील यांनी म्हटले होते की “शर्लिन चोप्रा आणि पूनम पांडेचे व्हिडिओ हे गुन्ह्याचा विषय असल्याचा युक्तिवाद फिर्यादीला करायचा आहे. कुंद्राने हे व्हिडिओ बनवले किंवा वितरित केले हे रेकॉर्डची बाब आहे.” खरं तर शर्लिन चोप्रा आणि पूनम पांडे या दोघींनीही असे व्हिडीओ बनवले आहेत आणि व्यावसायिक फायद्यासाठी त्यांनी हे केले आहे, असे म्हटले आहे.

[read_also content=”५०० रुपये सुट्टे करायचे म्हणून घेतलं लॉटरीचं तिकिट, ५ तासांनी झाला करोडपती https://www.navarashtra.com/latest-news/viral-news-kottayam-man-wins-rs-12-crore-lottery-painter-buys-lottery-ticket-in-the-morning-and-5-hours-later-becomes-winner-of-rs-12-crore-prize-nrvb-224400.html”]

[read_also content=”प्रजासत्ताक दिनी दिल्लीत हवाई हल्ल्याची भीती, पोलीस आयुक्तांनी घातली ड्रोनसारख्या हवेत उडणाऱ्या वस्तुंवर बंदी https://www.navarashtra.com/latest-news/viral-news-kottayam-man-wins-rs-12-crore-lottery-painter-buys-lottery-ticket-in-the-morning-and-5-hours-later-becomes-winner-of-rs-12-crore-prize-nrvb-224400.html”]