बाबा सिद्दीकींच्या हत्येनंतर रितेश देशमुखची पोस्ट, केली न्यायाची मागणी; म्हणाला…

अजित पवारांच्या राष्ट्रवादी काँग्रसचे नेते बाबा सिद्दिकी यांच्यावर गोळीबार झाल्याचे वृत्त ऐकून अवघा देश हादरला आहे. राजकीय क्षेत्रापासून ते बॉलिवूडपर्यंत सर्वच स्तरातून बाबा सिद्दीकींच्या हत्येवर शोक व्यक्त करण्यात येत आहे.

अजित पवारांच्या राष्ट्रवादी काँग्रसचे नेते बाबा सिद्दिकी यांच्यावर शनिवारी रात्री (१२ ऑक्टोबर) गोळीबार झाल्याची घटना घडली आहे. मुलगा झिशान सिद्दिकी यांच्या कार्यालयासमोरच बाबा सिद्दिकी यांच्यावर तीन अज्ञात व्यक्तींनी अचानक गोळीबार केला असून मुंबईच्या बांद्रा पूर्वमध्ये खेरवाडी परिसरात ही घटना घडलीये. या घटनेनंतर बाबा सिद्दिकी यांना उपचारासाठी जवळच्या लीलावती रुग्णालयात दाखल करण्यात आलं होतं, मात्र छातीत गोळी घुसल्यामुळे त्वरीतच त्यांचा मृत्यू झाला. त्यांच्या हत्येचे वृत्त कळताच राज्यातील अनेक महत्वाचे राजकीय नेते त्यासोबतच बॉलिवूडमधील अनेक दिग्गज सेलिब्रिटीही रुग्णालयाच्या दिशेने रवाना झाले.

हे देखील वाचा – मुलगी झाली रे! मसाबा गुप्ताच्या घरी झाले दुर्गाचे आगमन

घटनेची माहिती कळताच, सलमान खानने ‘बिग बॉस’चं शूटिंग रद्द करून तो सुद्धा लीलावती रुग्णालयाच्या दिशेने रवाना झाला. संजय दत्त, शिल्पा शेट्टी, राज कुंद्रा, सोनाक्षीचा पती झहीर इक्बाल, त्याचे वडील इक्बाल रतनसी, वीर पहारिया असे अनेक सेलिब्रिटी शनिवारी रात्रीच लीलावती रुग्णालयात पोहोचले होते. याठिकाणी बाबा सिद्दीकींच्या कुटुंबीयांची सगळ्यांनी भेट घेऊन त्यांच्या दु:खात सहभागी झाले. बाबा सिद्दीकींच्या हत्येचे वृत्त ऐकून अवघा देश हादरला असून राजकीय क्षेत्रापासून ते बॉलिवूडपर्यंत सर्वच स्तरातून बाबा सिद्दीकींच्या हत्येवर शोक व्यक्त करण्यात येत आहे.

 

See more

Extremely saddened and shocked beyond words to learn about the tragic demise of Shri #BabaSiddique ji – My heart goes out to @zeeshan_iyc and the entire family- May god give them strength to brave this difficult time. The perpetrators of this horrific crime must be brought to… pic.twitter.com/zjNLnspbrp

— Riteish Deshmukh (@Riteishd) October 12, 2024

बिग बॉस मराठी ५ चा होस्ट, अभिनेता आणि दिग्दर्शक रितेश देशमुखने बाबा सिद्दिकींच्या हत्येवर प्रतिक्रिया दिली आहे. एक्सवर पोस्ट शेअर करत अभिनेत्याने न्यायाची मागणी केली आहे. शेअर केलेल्या पोस्टमध्ये रितेश देशमुख म्हणतो, “बाबा सिद्दीकी यांच्या निधनाचे वृत्त कळताच मला प्रचंड धक्काच बसला. त्यांच्या जाण्याने मला मला अत्यंत दु:ख झाले आहे. त्यांचा मुलगा झीशान सिद्दीकी आणि त्यांच्या संपूर्ण कुटुंबाप्रती माझे दु:ख आणि संवेदना आहेत. या कठीण प्रसंगात त्यांच्या कुटुंबीयांना सामना करण्याची ईश्वर त्यांना शक्ती देवो. बाबा सिद्दिकी यांच्या गुन्हेगारांना कठोर शिक्षा होऊन याप्रकरणी न्याय मिळाला पाहिजे… गुन्हेगारांना अद्दल घडलीच पाहिजे.”

हे देखील वाचा – आलिया भट्टचा “जिगरा” सिनेमावर प्रेक्षक उधळत आहेत पैसे! वाचा दुसऱ्या दिवसाचे कलेक्शन

बाबा सिद्दिकी यांचे फक्त राजकीय नेत्यांसोबतच नाही तर, बॉलिवूडमधील अनेक आघाडीच्या सेलिब्रिटींसोबतही त्यांचे फार उत्तम संबंध होते. त्यांची इफ्तार पार्टी चर्चेचा विषय राहायची. त्यांच्या इफ्तार राजकीय नेत्यांसोबतच बॉलिवूड सेलिब्रिटीही उपस्थिती लावायचे.