"तू लढ! बाकी तेरा आदमी..."; सिद्धार्थ चांदेकरची पत्नीसाठी खास पोस्ट, हेमंत ढोमेच्या कमेंटने वेधलं लक्ष
हेमंत ढोमे दिग्दर्शित ‘फसक्लास दाभाडे’ चित्रपटाची सध्या सोशल मीडियावर जोरदार चर्चा सुरु आहे. चित्रपटात प्रमुख भूमिकेत सिद्धार्थ चांदेकर, मिताली मयेकर, क्षिती जोग आणि अमेय वाघसह अनेक कलाकार प्रमुख भूमिकेत आहेत. कायमच आापल्या लव्हस्टोरीमुळे आणि अभिनयामुळे चर्चेत राहणारे सिद्धार्थ चांदेकर आणि मिताली मयेकर त्यांच्या अपकमिंग चित्रपटामुळे चर्चेत आहे. ‘फसक्लास दाभाडे’ चित्रपटाच्या निमित्ताने हे दोघंही पहिल्यांदाच एकत्र स्क्रिन शेअर करणार आहेत. चित्रपटाची जोरदार चर्चा होत असताना, सिद्धार्थ-मितालीच्या लग्नाच्या वाढदिवशीच पहिला- वहिला एकत्र असलेला ‘फसक्लास दाभाडे’ चित्रपट त्यांच्या लग्नाच्या वाढदिवशीच प्रेक्षकांच्या भेटीला आला आहे. त्यामुळे या जोडप्याचा आनंद गगनात मावेनासा झाला आहे.
सयाजी शिंदे २२ वर्षांनी पुन्हा एकदा गाजवणार मराठी रंगभूमी, नवं नाटक लवकरच प्रेक्षकांच्या भेटीला
काही तासांपूर्वीच लग्नाच्या वाढदिवसानिमित्त सिद्धार्थ चांदेकरने मितालीसाठी इन्स्टाग्रामवर खास पोस्ट शेअर केली आहे. शेअर केलेल्या पोस्टमध्ये अभिनेता म्हणतो, “बायको! आज आपल्या लग्नाच्या वाढदिवशी आपल्या दोघांचा पहिला सिनेमा रिलीज होतोय. किती भारी! मी कायम तुझी अभिनय करण्याची भूक, धडपड आणि तडफड पाहत आलोय. मला कायमच तुझा अभिमान होता, पण तुझं हे काम बघून तर मला जरा जास्तच अभिमान वाटतोय. तू एक सुंदर अभिनेत्री आहेस, आणि तू आईशप्पथ कडक काम केलयस. तुझ्याकडे इतकं यश येवो, इतकं ऐश्वर्य येवो, की तुला मागे वळून बघायची गरजच भासणार नाही. मी नेहमीसारखा खंबीरपणे तुझ्या मागे उभा आहे. तू लढ! बाकी तेरा आदमी देख लेगा! Happy Anniversary!- नवरा”
सिद्धार्थ चांदेकर आणि मिताली मयेकर मराठी फिल्म इंडस्ट्रीतील प्रसिद्ध सेलिब्रिटींपैकी एक आहे. या दोघांनीही आपल्या दमदार अभिनयाच्या जोरावर मोठ्या प्रमाणावर चाहतावर्ग निर्माण केला आहे. सिद्धार्थ-मितालीने एकमेकांना अनेक वर्षे डेट केल्यावर २०२१ मध्ये लग्नगाठ बांधली. ही रोमँटिक जोडी ऑनस्क्रीन एकत्र केव्हा झळकणार याची चाहते आतुरतेने वाट पाहत होते. अखेर या नव्या वर्षात दोघेही ‘फसक्लास दाभाडे’चित्रपटातून प्रेक्षकांच्या भेटीला आले आहेत. या चित्रपटाचे सध्या प्रेक्षक जोरदार कौतुक करीत आहेत.
सिद्धार्थने लग्नाच्या वाढदिवसानिमित्त शेअर केलेल्या पोस्टवर नेटकऱ्यांकडून कौतुकाचा वर्षाव केला जात आहे. सिद्धार्थ आणि मितालीच्या लग्नाच्या वाढदिवसानिमित्त ‘फसक्लास दाभाडे’ चित्रपटाचे दिग्दर्शक हेमंत ढोमेने “पप्पू – माधुरीला लय लय पप्प्यााााा!!!” अशी खास कमेंट करत शुभेच्छा दिल्या आहेत. अभिनेत्याने शेअर केलेल्या पोस्टवर दिग्दर्शक हेमंत ढोमे, क्षिती जोग, आदर्श शिंदे, अभिषेक देशमुख, आनंदी जोशी, गायत्री दातार यांसह सिद्धार्थ-मितालीच्या चाहत्यांनीही अभिनेत्याच्या पोस्टवर कमेंट्सचा पाऊस पाडला आहे.
.png "Videos"){kind=small}
