रविवार, 15 नोव्हेंबर 2026
Sunscreen Benefits: हिवाळ्यात सनस्क्रीन लावावे की नाही? हा प्रश्न आजकाल प्रत्येकाच्या मनात निर्माण होत आहे. त्वचारोगतज्ज्ञ असो वा अनेक ब्युटिशियन असो नियमित मॉईस्चराईजर आणि सनस्क्रिन लावणअयाचा सल्ला देतात. मात्र हिवाळ्यात खरंच त्वचेला सनस्क्रिन लावावे का? आणि त्वचेला याचा नक्की काय फायदा मिळतो असा प्रश्न अनेक जणांना पडतो. त्यामुळे आज आम्ही तुम्हाला हिवाळ्यात सनस्क्रीन लावल्यास कोणते फायदे मिळू शकतात हे सांगणार आहोत. यासाठी आम्ही ब्युटिशियन स्मिता कांबळे यांच्याशी चर्चा केली आणि त्यांनी काही सोपे आणि महत्त्वाचे मुद्दे शेअर केले आहेत, तेच आम्ही तुम्हाला इथे सविस्तरपणे सांगत आहोत, नक्की वाचा (फोटो सौजन्य - iStock)
थंडीच्या दिवसात त्वचेवर सनस्क्रिन लावणे योग्य ठरते की अयोग्य असा प्रश्न अनेकांच्या मनात निर्माण होतो. त्यासाठी तुम्ही नक्कीच हे वाचा आणि त्यानुसार वापर करा
थंड हवामानात अतिनील किरणांचा त्वचेवर वाईट परिणाम होऊ शकतो. अशा परिस्थितीत या ऋतूत त्वचेवर सनस्क्रीन लावल्यास एक कवच तयार होते. सनस्क्रिनची ढाल अतिनील किरणांपासून संरक्षण करते
जर कोणी थंडीच्या हंगामात सनस्क्रीन लावत असेल तर ते केवळ उन्हापासून संरक्षणच करत नाही तर मॉइश्चरायझर म्हणूनही काम करते. सनस्क्रीन लावल्यास त्वचेच्या कोरडेपणाची समस्या दूर होते
सनस्क्रीन लावल्याने त्वचेच्या कर्करोगाचा धोका कमी होतो. याशिवाय सनस्क्रीन क्रीम वापरल्यास त्वचा दीर्घकाळ निरोगी राहते. जर एखाद्या व्यक्तीने थंड हवामानात सनस्क्रीनचा वापर केला तर ती व्यक्ती आपली त्वचा अधिक काळ तरुण ठेवू शकते
हिवाळ्याच्या काळात सनस्क्रीनच्या माध्यमातून त्वचेचा टोन राखता येतो. त्याच्या रोजच्या वापराने पिगमेंटेशनची शक्यता कमी होते
सनस्क्रीन सूर्यापासून येणारे अतिनील किरण रोखते. याशिवाय, ते त्वचेचे संरक्षण करण्यात लक्षणीय मदत करते
