श्रावण महिन्यात येणाऱ्या कोणत्याही मंगळवारी मंगळागौरीची पूजा केली जाते. हिंदू धर्मात श्रावण महिन्यात येणाऱ्या प्रत्येक सणाला विशेष महत्व आहे. तसेच हा सण देवी गौरी पार्वतीच्या आशीर्वादासाठी आणि वैवाहिक जीवनाच्या समृद्धीसाठी साजरा केला जातो. नवविवाहित महिलांसाठी हा सण खूप खास आहे. मंगळागौरीच्या दिवशी महिला सुंदर नटून थटून तयार होतात आणि देवी पार्वतीची मनोभावे पूजा केली जाते. म्हणूनच आज आम्ही तुम्हाला मंगळागौरीच्या पूजेसाठी घरातील साहित्याचा वापर करून आकर्षक सजावट कशी करावी, याबद्दल सोप्या टिप्स आणि आयडिया सांगणार आहोत. (फोटो सौजन्य – pinterest)
घरातील साहित्यांचा वापर करून बनवा मंगळागौरीची आकर्षक सजावट
पूजेसाठी आणलेली फुले बऱ्याचदा शिल्लक राहतात. या फुलांचा वापर करून तुम्ही मंगळागौरीच्या पूजेसाठी सजावट करू शकता. फुलांची सजावट अतिशय सुंदर वाटते.
पूजेच्या पाटावर चारीही बाजूने केळीची खांब लावून या पद्धतीने तुम्ही पाटावर पूजा मांडू शकता. याशिवाय पूजा मांडण्याच्या आधी पाटावर रंगीत कापड टाकावे. यामुळे तुमचे डेकोरेशन अधिकच सुंदर वाटेल.
प्रत्येकाच्या घरात दिवे उपलब्ध असतात. बऱ्याचदा शिल्लक राहिलेले दिवे फेकून दिले जातात. मात्र असे न करता सुंदर दिव्यांचे डेकोरेशन करून तुम्ही मंगळागौरीची पूजा मांडल्यास सगळेच तुमचे कौतुक करतील.
मार्गशीष महिन्यात देवीचे मुकुट लावून पूजा केली जाते. त्यामुळे मंगळागौरीच्या पूजेसाठी तुम्ही समई, किंवा नारळाचा वापर करून देवी तयार करू शकता. सुंदर दागिने आणि वस्त्र अतिशय उठावदार दिसेल.
घरातील कागदांचा वापर करून सुंदर असे कमळ तयार करून त्यात देवीची पूजा मांडता येईल. या पद्धतीने केलेले डेकोरेशन पाहून सगळेच तुमचं कौतुक करतील.
