फॅशन आयकॉन नीता अंबानींच्या साड्यांचा शाही अंदाज! साड्या केवळ फॅशन नसून भारतीय हातमाग कलेचे जिवंत प्रदर्शन, जाणून घ्या वैशिष्ट्य

नीता अंबानींच्या वॉर्डरोबमध्ये महाराष्ट्राची शान असलेली पैठणी, बनारसी, पटोला, जामदानी, कांजीवरम, चिकनकारी यांसारख्या पारंपरिक आणि अस्सल भारतीय विणकाम करून तयार केलेल्या साड्या आहेत.

साड्यांवर केलेले गुंतागुंतीचे विणकाम करायला तब्बल १० महिने ते २ वर्षांचा कालावधी लागतो. मनीष मल्होत्रा ​​यांनी डिझाईन केलेल्या साड्यांपैकी एक असलेली रंगकट बनारसी साडी खूप फेमस आहे.

मनिष मल्होत्रा ​​आणि तरुण तहिलियानी यांसारखे प्रसिद्ध डिझायनर नीता अंबानींच्या साड्या आणि ब्लाऊजला रॉयल, स्टायलिश आणि हटके लुक देतात.

गडद जांभळी, राणी गुलाबी, रॉयल ब्लू, आणि लाल यांसारख्या राजेशाही रंगाच्या साड्या नीता अंबानी प्रामुख्याने नेसताना दिसतात. पारंपरिक हातमागावर विणकाम करून तयार केलेल्या साड्या कारागिरांच्या कलेचा एक उत्कृष्ट नमुना आहे.

नीता अंबानींच्या साड्यांमध्ये 'शांत लक्झरी' पाहायला मिळते. भरजरी जडत्वापेक्षा उत्कृष्ट कारागिरी आणि धाग्यांची गुणवत्ता अतिशय महत्वाची मानली जाते.