IPL मध्ये सर्वाधिक षटके टाकणारे गोलंदाज कोणते? नजर टाका टाॅप 5 गोलंदाजावर

अनुभवी फिरकी गोलंदाज आर. अश्विनने आयपीएलमधून निवृत्ती जाहीर केली आहे. आयपीएलच्या इतिहासात सर्वाधिक षटके टाकण्याचा विक्रम अश्विनच्या नावावर आहे. २००९ ते २०२५ पर्यंत तो आयपीएलमध्ये एकूण पाच फ्रँचायझींसाठी खेळला आणि ७८५ षटके टाकली. इंडियन प्रीमियर लीगमध्ये त्याने २२१ सामन्यांमध्ये १८७ विकेट्स घेतल्या. २०२५ च्या आयपीएलमध्ये तो चेन्नई सुपर किंग्ज (CSK) चा भाग होता. फोटो सौजन्य - सोशल मिडिया

आयपीएलमध्ये सर्वाधिक षटके टाकणाऱ्या गोलंदाजांच्या यादीत सुनील नरेन दुसऱ्या क्रमांकावर आहे. वेस्ट इंडिजचा धडाकेबाज फिरकीपटू नरेनने आयपीएलमध्ये ७२४.१ षटके टाकली आहेत. १८९ सामन्यांमध्ये त्याने १९२ विकेट्स घेतल्या आहेत. तो कोलकाता नाईट रायडर्स (KKR) कडून खेळतो. फोटो सौजन्य - सोशल मिडिया

अनुभवी वेगवान गोलंदाज भुवनेश्वर कुमारने आयपीएलमध्ये ७०३.४ षटके टाकली आहेत. इंडियन प्रीमियर लीगमध्ये त्याने १९० सामन्यांमध्ये १९८ विकेट्स घेतल्या आहेत. तो आयपीएल २०२५ मध्ये रॉयल चॅलेंजर्स बंगळुरू (RCB) कडून खेळला होता, ज्याने पहिल्यांदाच ट्रॉफी जिंकली होती. फोटो सौजन्य - सोशल मिडिया

फिरकी गोलंदाज रवींद्र जडेजा चौथ्या स्थानावर आहे. त्याने आयपीएलमध्ये एकूण ६७६ षटके टाकली आहेत. जडेजाने २५४ सामन्यांमध्ये १७० विकेट्स घेतल्या आहेत. तो चेन्नई सुपर किंग्जचा एक महत्त्वाचा भाग आहे. फोटो सौजन्य - सोशल मिडिया

माजी फिरकी गोलंदाज पियुष चावला या यादीत पाचव्या स्थानावर आहे. त्याने आयपीएलमध्ये ६४१.४ षटके टाकली. स्पर्धेत १९२ सामने खेळल्यानंतर चावलाने १९२ विकेट्स घेतल्या. फोटो सौजन्य - सोशल मिडिया