Winter AC Care Tips: हिवाळ्यात AC बंद ठेवण्यापूर्वी करा ही कामे; पुढच्या उन्हाळ्यात होणार नाही त्रास

हिवाळा सुरू होताच बहुतांश घरांमध्ये एअर कंडिशनर (AC) वापरणे बंद केले जाते. उन्हाळ्यात दिवसभर आणि रात्रभर सुरू असणारा AC आता अनेक महिने बंद राहणार असतो. अशा वेळी AC योग्य पद्धतीने सुरक्षित ठेवणे गरजेचे आहे. जेणेकरून पुढच्या उन्हाळ्यात पुन्हा एसी सुरू करताना कोणतीही अडचण येणार नाही.

थोडीशी काळजी आणि योग्य देखभाल केल्यास तुम्ही तुमचा AC दीर्घकाळ चांगल्या स्थितीत हिवाळ्यात AC अनेक महिने बंद ठेवण्यापूर्वी त्याचे फिल्टर चांगले स्वच्छ करून घ्या. फिल्टरमध्ये धूळ आणि घाण साचलेली असते. याचा परिणाम पुढे कूलिंगवर होऊ शकतो.

वापरणे बंद केल्यानंतर केवळ रिमोटवरून तो बंद करणे पुरेसे नाही. त्याऐवजी AC चा मेन पॉवर स्विच बंद करा. जर AC प्लगद्वारे जोडलेला असेल, तर सुरक्षितपणे त्याचा प्लगही काढू शकता. यामुळे विजेचा अनावश्यक वापर आणि व्होल्टेजमधील चढ-उतारांमुळे AC खराब होण्याचा धोका कमी होतो.

AC मध्ये घराबाहेर बसवलेल्या आउटडोअर युनिटची काळजी घेणेही खूप महत्त्वाचे आहे. या युनिटमध्ये धूळ, सुकलेली पाने आणि कचरा जमा होऊ शकतो. त्यामुळे युनिटच्या आजूबाजूचा परिसर स्वच्छ ठेवा. तसेच हवा येण्या-जाण्यासाठी पुरेशी जागा ठेवा. संपूर्ण युनिट प्लास्टिक किंवा अशा कोणत्याही वस्तूने झाकू नका, ज्यामुळे हवेचा मार्ग बंद होईल.

जर AC अनेक महिने वापरला जाणार नसेल, तर त्याच्या इनडोअर युनिटला धुळीपासून वाचवण्यासाठी हलक्या आणि हवा खेळती राहील अशा कव्हरने झाकू शकता. मात्र, हे कव्हर स्वच्छ आणि कोरडे असावे. आउटडोअर युनिटचेही पाऊस, धूळ आणि कचऱ्यापासून संरक्षण करा. मात्र, यामुळे हवा येण्या-जाण्याचा मार्ग बंद होणार नाही, याची काळजी घ्या.