Ram Mandir Trust First CEO: कोण होणार अयोध्या राम मंदिर ट्रस्टचा पहिला CEO; माजी IAS अधिकाऱ्यांची नावे आघाडीवर!

Ram Mandir Trust First CEO: राम मंदिरासाठीच्या देणग्यांमध्ये अनियमितता उघडकीस आल्यानंतर मंदिर ट्रस्टचे माजी सरचिटणीस चंपत राय आणि सदस्य अनिल मिश्रा यांनी अलीकडेच राजीनामा दिला. दरम्यान, ट्रस्टचे सदस्य विमलेंद्र मोहन प्रताप मिश्रा यांचे निधन झाल्याने ही तीन पदे रिक्त झाली.

• अयोध्येतील राम मंदिर ट्रस्टच्या पहिल्या मुख्य कार्यकारी अधिकाऱ्याची (CEO) आज घोषणा होणार
• सीईओ पदासाठी माजी IAS दिनेश चंद्र आणि माजी IAS योगेश्वर मिश्रा शर्यतीत
• एकूण ५,५८५ अर्जांमधून १६ जणांच्या मुलाखतीनंतर अंतिम उमेदवारांची यादी तयार

Ayodhya Ram Mandir Trust First CEO: उत्तर प्रदेशातील अयोध्या येथील श्री राम मंदिर ट्रस्टच्या नवीन मुख्य कार्यकारी अधिकाऱ्याच्या (CEO) नावाची आज (02 सप्टेंबर) घोषणा होण्याची शक्यता आहे. सीईओ पदासाठी सहा संभाव्य नावांची यादी तयार करण्यात आली आहे. सुत्रांच्या माहितीनुसार, माजी आयएएस अधिकारी दिनेश चंद्र आणि माजी आयएएस अधिकारी योगेश्वर मिश्रा यांचा संभाव्य सीईओंमध्ये समावेश आहे. निवड समितीने यापूर्वी १६ अर्जदारांची निवड करून त्या सर्वांच्या मुलाखती घेतल्या होत्या. यापैकी आता सहा जणांची निवड करण्यात आली आहे. ही नावे ट्रस्टकडे पाठवण्यात आली असून, अंतिम निर्णयाची प्रतीक्षा आहे.

मणिरामदास छावणीतील राम मंदिर ट्रस्टचे अध्यक्ष नृत्य गोपाल दास यांच्या निवासस्थानी बुधवारी होणाऱ्या बैठकीत मंदिराच्या पहिल्या सीईओच्या निवडीबाबत निर्णय होण्याची शक्यता आहे. निवड समितीचे सदस्य, निवृत्त न्यायमूर्ती प्रमोद कोहली, निवृत्त लेफ्टनंट जनरल विष्णुकांत चतुर्वेदी आणि तज्ज्ञ सदस्य सुरेश हावरे हे अयोध्येत दाखल झाले आहेत.

Maharashtra Band: मराठा आरक्षणामुळे राजकारण तापणार; उद्या ४ जिल्ह्यांत कडकडीत बंद!

मुख्य कार्यकारी अधिकारी (CEO) पदासाठी एकूण ५,५८५ अर्ज

श्री राम जन्मभूमी तीर्थ क्षेत्र ट्रस्टने दिलेल्या माहितीनुसार, मंगळवारी (१ सप्टेंबर) सांगितले, “श्री राम जन्मभूमी तीर्थ क्षेत्राच्या मुख्य कार्यकारी अधिकारी (CEO) पदाच्या निवडीसाठीची सर्वसमावेशक, पारदर्शक आणि तंत्रज्ञान-आधारित प्रक्रिया पूर्ण झाली आहे. ५,५८५ अर्जांचे पुनरावलोकन केल्यानंतर, १६ उमेदवारांशी सविस्तर चर्चा करण्यात आली. यानंतर, निवड समितीने तीन अत्यंत पात्र उमेदवारांची अंतिम यादी ट्रस्टला सादर केली. अंतिम निर्णय आणि अधिकृत घोषणा ट्रस्टतर्फे केली जाईल.”

चंपत राय यांच्या राजीनाम्यानंतर मुख्य कार्यकारी अधिकाऱ्याची नियुक्ती

राम मंदिरासाठीच्या देणग्यांमध्ये अनियमितता उघडकीस आल्यानंतर मंदिर ट्रस्टचे माजी सरचिटणीस चंपत राय आणि सदस्य अनिल मिश्रा यांनी अलीकडेच राजीनामा दिला. दरम्यान, ट्रस्टचे सदस्य विमलेंद्र मोहन प्रताप मिश्रा यांचे निधन झाल्याने ही तीन पदे रिक्त झाली.

Disha Salian case: दिशा सालियन मृत्यूचे गूढ उकलणार; मुंबई उच्च न्यायालयाकडून सीबीआय चौकशीची मंजुरी

ट्रस्टचे सदस्य आणि महासचिव यांचीही निवड

सूत्रांनुसार, ट्रस्टमधील तीन रिक्त पदांसाठी (दोन सदस्य आणि महासचिव) बुधवारी नावांची घोषणा होण्याची शक्यता आहे. ट्रस्टचे सदस्य विमलेंद्र मोहन प्रताप मिश्रा यांच्या निधनामुळे आणि अर्पणाच्या कथित चोरीप्रकरणी मंदिराचे माजी महासचिव चंपत राय व अनिल मिश्रा यांच्या राजीनाम्यामुळे ही तीन पदे रिक्त झाली होती.

पीटीआय या वृत्तसंस्थेच्या सूत्रांनुसार, जगदीश आफळे हे मंदिर ट्रस्टचे पहिले सचिव असतील. महाराष्ट्राचे रहिवासी असलेले आफळे हे राष्ट्रीय स्वयंसेवक संघाशी (आरएसएस) संबंधित असून राम मंदिर बांधकाम प्रकल्पाचे प्रकल्प व्यवस्थापक आहेत.