फोटो सौजन्य- pinterest
चाणक्याच्या मतांनुसार, आजही लोकांना त्यांचे जीवन जगण्यासाठी योग्य दिशा देते. जीवनात यशस्वी होण्यासाठी फक्त ज्ञान किंवा संधी पुरेसे नसते तर सर्वांत महत्त्वाचे असते ते म्हणजे निर्णय घेण्याचे धाडस. जर तुम्ही योग्य वेळी निर्णय घेऊ शकत नसाल तर आयुष्यातील अनेक संधी तुमच्या हातून निसटू शकतात. चाणक्याच्या म्हणण्यानुसार, नशीबसुद्धा ज्यांना त्रास देते जे स्वतःला मदत करतात. याचा अर्थ असा की, जर तुम्ही स्वतःसाठी कोणतेही ठोस पाऊल उचलले नाही तर दुसरे कोणीही तुमच्यासाठी काहीही करणार नाही. निर्णय घेताना कधीही घाबरु नये, उलट धैर्याने निर्णय घ्यावे. कोणताही निर्णय न घेण्यापेक्षा निर्णय घेणे चांगले. कारण जेव्हा तुम्ही मार्ग निवडता तेव्हाच तुमची पावले पुढे जातात. निर्णय घेताना कोणती काळजी घ्यावी, जाणून घ्या
बऱ्याचदा लोक कोणताही निर्णय घेताना घाबरतात. कारण त्यांच्या मनात भीती असते की, जर आपला निर्णय चुकीचा ठरला तर लोक काय म्हणतील. आपल्या चुकीच्या निर्णयामुळे नुकसान झाले तर? पण ही भीती आणि शंका माणसाची सर्वात मोठी कमजोरी बनू शकते. चाणक्यांच्या म्हणण्यानुसार, संकोच आणि भीती माणसाला कधीही पुढे जाऊ देत नाहीत. जर तुम्ही या दोन्ही गोष्टींवर मात करू शकत नसाल तर तुम्ही जीवनात कधीही मोठे यश मिळवू शकणार नाही.
प्रत्येक निर्णय हे बरोबरच असतात असे होत नाही पण प्रत्येक निर्णय तुम्हाला काहीतरी शिकवून जातात. तुम्ही कधी चुकीचा निर्णय घेतला तरी त्यातून मिळणारा अनुभव तुम्हाला तुमच्या पुढच्या निर्णयात अधिक मजबूत बनवतो. चाणक्यांच्या मते, चूक करणे चुकीचे नाही पण चुकीतून न शिकणे हे चुकीचे आहे म्हणून निर्णय घेण्यास उशीर करु नका. वेळेवर धैर्याने काम करा आणि जे योग्य वाटेल ते करा.
राजकारण आणि मुत्सद्देगिरीत चाणक्य यांनी मिळवलेले यश केवळ कठीण परिस्थितीतही धाडसी निर्णय घेतल्यामुळेच शक्य झाले. चंद्रगुप्ताला गादीवर बसवण्याचे स्वप्न पूर्ण करण्यासाठी त्याने अनेक मोठी पावले उचलली आणि प्रत्येक वेळी धाडस दाखवले. विचार करत राहून निर्णय घेतल्यास इतिहास वेगळा असता.
बऱ्याचदा लोक आपल्या नशिबावर रडत बसतात. हे माझ्यासोबत असे का घडले? मला संधी का मिळाली नाही? या गोष्टींचा विचार करत बसतात. परंतु चाणक्याच्या मतांनुसार नशीब फक्त धाडसी लोकांना साथ देते. जर तुम्ही प्रयत्न करुन निर्णय घेऊन धैर्याने पुढे गेल्यास तुम्हालाही नशिबाची साथ लाभेल. जे फक्त विचार करत राहतात, त्यांना नशिबाची साथदेखील मिळत नाही.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
.png "Videos"){kind=small}
