दिवाळीच्या एक दिवस आधी करा या गोष्टी, कौटुंबिक संकट होईल दूर

दिवाळीच्या एक दिवस आधी नरक चतुर्दशी येते. याला आपण छोटी दिवाळी म्हणूनही ओळखतो. या दिवशी विशेष उपाय केल्याने देवाला सहज प्रसन्न करता येते.

कार्तिक महिन्यातील कृष्ण पक्षातील चतुर्दशीला भगवान श्रीकृष्णाची पूजा आणि दिवे लावण्याचे महत्त्व सांगितले आहे. दिवाळीच्या एक दिवस आधी चतुर्दशीच्या शुभ मुहूर्तावर घरांमध्ये दिवे लावल्याने नकारात्मकता दूर होते. या दिवशी घरामध्ये दिवा लावून भगवान श्रीकृष्णाची प्रार्थना केल्याने जीवनातील सर्व समस्या दूर होतात. भगवान श्रीकृष्णाचा आशीर्वाद सदैव राहो. हिंदू धर्मात हा सण नरक चतुर्दशी म्हणून साजरा करण्याची परंपरा आहे. 2024 मध्ये नरक चतुर्दशी 31 ऑक्टोबर रोजी साजरी केली जाईल.

नरक चतुर्दशी शुभ मुहूर्त

हिंदू पंचांगानुसार, कार्तिक महिन्याच्या कृष्ण पक्षातील चतुर्दशी गुरुवार 31 ऑक्टोबर रोजी दुपारी 1:15 वाजता सुरू होईल. त्याचवेळी, तो दुसऱ्या दिवशी 31 ऑक्टोबर रोजी दुपारी 3:52 वाजता संपेल. अशा परिस्थितीत नरक चतुर्दशी 31 ऑक्टोबर रोजी साजरी केली जाईल. तसेच नरक चतुर्दशीच्या संध्याकाळी दिवे दान केले जातात. धार्मिक मान्यतेनुसार या प्रसंगी दिवे दान करणे अत्यंत शुभ मानले जाते.

हेदेखील वाचा- या उपायाने मंगल दोषापासून आजारापर्यंत अनेक समस्यांपासून मिळेल आराम

नरक चतुर्दशीचे महत्त्व जाणून घ्या

नरक चतुर्दशीच्या महत्त्वाविषयी अधिक माहिती देताना हरिद्वारचे ज्योतिषी पंडित श्रीधर शास्त्री सांगतात की, दिवाळीच्या एक दिवस आधी नरक चतुर्दशीची पूजा करणे उत्तम. कार्तिक महिन्याच्या अमावास्येला दिवाळी साजरी केली जाते, तर दिवाळीच्या एक दिवस आधी नरक चतुर्दशी विधीनुसार साजरी केल्याने जीवनातून नकारात्मकता दूर होते. भगवान श्रीकृष्णाची विशेष कृपा राहते. त्यामुळे तुम्ही व्यवस्थित लवकर उठून मुहूर्तावर नरक चतुर्दशीला पूजा करावी आणि लवकर शुचिर्भूत होऊन पुढील सर्व तयारी करावी. जेणेकरून देवी लक्ष्मीचा आशिर्वाद तुमच्यावर कायम राहतो आणि अनेक संकटापासून तुम्ही दूर राहता.

हेदेखील वाचा- पन्ना रत्न कोणी परिधान करावे? योग्य नियम, पद्धती आणि फायदे आणि तोटे जाणून घ्या

काय आहे पौराणिक कथा 

पौराणिक कथेनुसार भगवान श्रीकृष्णाने मानव जगताच्या कल्याणासाठी कार्तिक महिन्याच्या कृष्ण पक्षाच्या चतुर्दशीला नरकासुर नावाच्या राक्षसाचा वध केला होता. प्राचीन काळापासून नरक चतुर्दशी दिवाळीपूर्वी साजरी केली जाते. नरक चतुर्दशीच्या अनेक पौराणिक कथा सांगितल्या जातात त्यापैकी महत्त्वाची ही कथा आहे असं म्हटलं जातं.

नरक चतुर्दशीला भगवान श्रीकृष्णाची अशी पूजा करा

ज्योतिषशास्त्रानुसार नरक चतुर्दशीच्या दिवशी भगवान श्रीकृष्णाची पूजा करणे विशेष लाभदायक असते. या दिवशी सूर्योदयाच्या वेळी गंगेत स्नान करणे आणि रात्री दिवा लावणे महत्त्वाचे आहे. 2024 मध्ये, कार्तिक कृष्ण पक्षाची चतुर्दशी 30 ऑक्टोबर रोजी दुपारी 1:16 पासून सुरू होईल आणि 31 ऑक्टोबर रोजी दुपारी 3:52 पर्यंत चालू राहील. प्रदोष काळात नरक चतुर्दशीला भगवान श्रीकृष्णाची पूजा करण्याचे महत्त्व आहे, म्हणून 2024 मध्ये नरक चतुर्दशी 30 ऑक्टोबरच्या रात्री साजरी केली जाईल. 31 ऑक्टोबरला सकाळी गंगा स्नान केल्यास विशेष फलदायी ठरेल.