Shani Upay: कुंडलीमध्ये शनि कमकुवत असल्यास मिळतात ‘हे’ संकेत, बळकट करण्याठी करा उपाय

शनिला कर्म आणि न्यायाचा कारक मानले जाते. जर एखाद्याच्या कुंडलीमध्ये शनि बळकट असल्यास त्यांना प्रत्येक कामात यश मिळते मात्र कमकूवत असल्यास अनेक समस्यांना तोंड द्यावे लागते. जाणून घ्या शनिदेवाचे उपाय

शनि देवाला कर्म आणि न्यायाचा कारक मानले जाते. जर एखाद्याच्या कुंडलीमध्ये शनि बलवान असल्यास व्यक्तीला प्रत्येक गोष्टीमध्ये यश मिळते पण कमकुवत असल्यास त्यांना अनेक समस्या आणि आव्हानांना तोंड द्यावे लागते. मान्यतेनुसा, शनि हा प्रत्येक व्यक्तीची परीक्षा घेतो. त्यामुळे काहींना तो शारीरिक, मानसिक आणि आर्थिक त्रासही देतो. त्यामुळे काहींना मोठ्या अडथळ्यांचा सामना देखील करावा लागतो. कुंडलीमध्ये शनिच्या बलवान आणि कमकुवत स्थितीचा परिणाम कोणत्या व्यक्तींवर होईल, ते जाणून घ्या.

शनिची मजबूत स्थिती

शनिला नऊ ग्रहांमध्ये दर्जा देण्यात आलेला आहे. शनि एखाद्या व्यक्तीला त्याच्या कर्मांच्या आधारे फळ देतो. एखाद्याच्या कुंडलीमध्ये शनि मजबूत स्थितीत असेल तर ती व्यक्ती मेहनती असते. ज्या व्यक्तीच्या कुंडलीमध्ये शनि असतो ती व्यक्ती खूप कष्टाळू असल्याचे मानले जाते. तसेच अशा व्यक्तींचा सन्मान आणि आदर वाढलेला असतो. या लोकांना शनि कुंडलीमध्ये बळकट असल्यास या लोकांना उच्च पद मिळू शकते. विशेषतः एखाद्या व्यक्तीच्या कुंडलीमध्ये शनि दुसऱ्या, तिसऱ्या आणि सातव्या घरात असल्यास त्याची स्थिती अनुकूल मानली जाते.

Kamika Ekadashi: यंदा कामिका एकादशीचे व्रत कधी आहे? जाणून घ्या शुभ मुहूर्त, योग आणि महत्त्व

शनि कमकुवत असण्याचे परिणाम

एखाद्याच्या कुंडलीत शनि कमकुवत असल्यास त्या व्यक्तीला अनेक समस्यांना तोंड द्यावे लागते. त्याच्या कामात अडथळे येतात. अशा लोकांना अपयशाला सामोरे जावे लागते. कामाच्या ठिकाणी त्याला योग्य अशी साथ मिळत नाही. त्याचप्रमाणे या लोकांना आरोग्याशी संबंधित समस्या उद्भवतात. सामान्यतः कुंडलीच्या पहिल्या, चौथ्या, पाचव्या आणि सहाव्या घरात असलेला शनि अनुकूल मानला जात नाही.

कमकुवत शनिचा वेगवेगळ्या घरांमधील प्रभाव

एखाद्याच्या कुंडलीत पहिल्या घरात शनि कमकुवत असेल तर त्याला आर्थिक समस्यांना तोंड द्यावे लागते. दुसऱ्या घरात शनि कमकुवत असल्यास लग्न आणि सासरच्या लोकांशी संबंधित समस्या वाढतात. तसेच तिसऱ्या घरात शनि कमकुवत असेल तर व्यक्तीला मानसिक समस्यांना तोंड द्यावे लागते आणि वाहन अपघात होण्याची शक्यता वाढते. चौथ्या घरात कमकुवत शनिमुळे वाईट सवयींचा सामना करावा लागू शकतो. पाचव्या घरात शनि कमकुवत असल्यास त्या व्यक्तीने वयाच्या 48 वर्षापर्यंत घर बांधू नये, अन्यथा त्यांच्या मुलाला त्रास होण्याची शक्यता असते. ज्या व्यक्तीच्या कुंडलीमध्ये सहाव्या घरात कमकुवत शनि लोखंड-चामड्याच्या कामात अनुकूल परिणाम देत नाही. सातव्या घरात कमकुवत शनि व्यभिचाराला कारणीभूत ठरतो. आठव्या घरात शनि वडिलांसाठी हानिकारक असू शकतो. जर अकराव्या घरात कमकुवत शनि राहू-केतूसोबत असेल तर जातक कपट आणि फसवणुकीकडे आकर्षित होतो.

Zodiac Sign: त्रिपुष्कर योगामुळे वृषभसह या राशीच्या लोकांना मिळणार नशिबाची साथ, शनिदेवाची राहणार कृपा

कुंडलीत शनि कमकुवत असल्यास करा हे उपाय

शनिवारी शनिदेवाची पूजा करावी. त्यानंतर शनि चालिसा आणि शनि स्तोत्राचे पठण करावे, असे करणे खूप फायदेशीर ठरेल.

शनिवारी उपवास करा. हनुमान चालिसा, महामृत्युंजय मंत्राचा जप आणि भगवान शिवाची पूजा केल्याने शनिदेव प्रसन्न होतील.

तसेच या लोकांनी गरजूंना काळे कपडे, उडीद डाळ, काळे तीळ, मोहरीचे तेल इत्यादी दान करावे.

पिंपळाच्या झाडाला पाणी अर्पण करावे आणि त्याच्या मुळाजवळ मोहरीच्या तेलाचा दिवा लावा.

ओम शं शनैश्चराय नमः, ओम प्रम प्रण सह शनैश्चराय नमः या शनिच्या मंत्रांचा जप करावा.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)