मार्गशीर्ष महिन्याच्या पहिल्या गुरुवारी महालक्ष्मीची पूजा कशी करावी?

मार्गशीर्ष महिन्याला अघान महिना असेही म्हणतात. या महिन्यातील सर्व गुरुवारी देवीची पूजा केल्याने कधीही आर्थिक संकट येत नाही. तसेच सुख-समृद्धी राहते.

यंदा मार्गशीर्ष महिन्याची सुरुवात सोमवार 2 डिसेंबरपासून झाली आहे. यावेळी 4 मार्गशीर्षचे गुरुवार येत आहेत. मार्गशीर्ष महिन्यात शुभ कार्ये करणे शुभ मानले जाते. कार्तिक महिना संपला की, मार्गशीर्ष महिन्याला सुरुवात होते. धार्मिक मान्यतेनुसार या महिन्याला अधिक महत्त्व आहे. मार्गशीर्ष महिन्यात शंकर भगवान, महालक्ष्मी आणि श्रीविष्णूची पूजा केली जाते. हा महिना सुरु झाला की, मार्तंडभैरव षड् रात्रोत्सवारंभ सुरु होतात. तर गुरुवारी महालक्ष्मीची पूजा केली जाते. या महिन्यामध्ये भगवान श्रीकृष्णांची पूजा करणे आणि पवित्र नद्यांमध्ये स्नान करणेदेखील शुभ मानले जाते. जाणून घेऊया मार्गशीर्ष महिन्यातील गुरुवार आणि पूजा मांडणीबद्दल

मार्गशीर्ष महिन्यातील पहिला गुरुवार कधी

यावेळी मार्गशीर्ष महिन्याची सुरुवात सोमवार 2 डिसेंबरपासून झाली आहे. यावेळी 4 मार्गशीर्षचे गुरुवार येत आहेत.

पहिला मार्गशीर्ष गुरुवार- 5 डिसेंबर 2024

दुसरा मार्गशीर्ष गुरुवार – 12 डिसेंबर 2024

तिसरा मार्गशीर्ष गुरुवार – 19 डिसेंबर 2024

चौथा मार्गशीर्ष गुरुवार – 26 डिसेंबर 2024

ज्योतिषशास्त्र संबंधित बातम्या वाचण्यासाठी इथे क्लिक करा

मार्गशीर्ष महिन्याच्या पहिल्या गुरुवारी पूजा कशी करावी

मार्गशीर्ष गुरुवारी सकाळी लवकर उठून स्नान करावे. त्यानंतर व्रताचा संकल्प करावा. माता लक्ष्मीची मुर्ती ज्याठिकाणी स्थापित करायची आहे, ती जागा स्वच्छ करुन तिथे पाटाभोवती रांगोळी काढावी.

चौरंगावर लाल कपडा ठेवून त्यावर तांदूळ व वर तांब्याचा कलश ठेवावा. कलशाला हळद-कुंकु लावून आत पाणी, अक्षता, दूर्वा, एक नाणं आणि सुपारी घाला.

कलशावर विड्याची पाने अथवा आंब्याची पानं ठेवून त्यावर नारळ ठेवावा. यानंतर चौरंगावर अंथरलेल्या लाल कपडावर थोडे तांदूळ पसरवून त्यावर कलशाची स्थापना करा, आता चौरंगावर श्री लक्ष्मीदेवीचा फोटो किंवा लक्ष्मीची मूर्ती ठेवा. विडा, खोबरे, ड्रायफ्रूट्स, फळे, खडीसाखर आणि गुळ ठेवा. त्याची विधीवत पूजा करा.

वास्तू शास्त्र संबंधित बातम्या वाचण्यासाठी इथे क्लिक करा

हल्ली बाजारात देवीचे मुखवटे मिळतात. श्रीफळाला त्यांचा साजशृंगार करुन आपण पूजा करु शकतो.

देवीची विधीवत पूजा करुन, महालक्ष्मीची कथा वाचा, नैवेद्य अर्पण करा.

मार्गशीर्ष महिन्यातील गुरुवारचे महत्त्व

मार्गशीर्ष महिन्याचे शुभ फल प्राप्त करण्यासाठी दर गुरुवारी महालक्ष्मीची पूजा करण्याची परंपरा आहे. या महिन्यात भगवान विष्णूच्या पूजेचं जेवढं महत्त्व आहे, तेवढंच महत्त्व त्यांच्या देवी लक्ष्मीच्या पूजेचं आहे. असं मानलं जातं की, जो कोणी मार्गशीर्ष महिन्यातील गुरुवारी देवी लक्ष्मीचं व्रत करतो. देवी लक्ष्मीच्या आशीर्वादाचा वर्षाव त्याच्या आयुष्यात होतो. देवी लक्ष्मीच्या आशीर्वादाने त्यांच्या घरातील संपत्तीचं भांडार भरलेलं राहतं. या दिवशी तांदळाची रांगोळी काढली जाते. असं मानलं जातं की, मार्गशीर्ष महिन्यात तुम्ही देवी लक्ष्मीला तुमच्या भक्तीने प्रसन्न केलं, तर अशा लोकांवर गरिबीची सावली कधीच पडत नाही, देवी महालक्ष्मीचा अखंड आशीर्वाद त्या भक्तावर सदैव राहतो. यासोबतच या महिन्यात सूर्यास्तानंतर रोज संध्याकाळी तुळशीच्या झाडाजवळ तुपाचा दिवा लावावा. यामुळे देवी लक्ष्मी आणि भगवान विष्णू दोघांचाही आशीर्वाद मिळतो.