फोटो सौजन्य- pinterest
सनातन धर्मामध्ये अमावस्या तिथीला विशेष महत्त्व आहे. यावेळी श्रावण महिन्यातील अमावस्या तिथीची सुरुवात शुक्रवार, 22 ऑगस्टपासून होत आहे आणि त्याची समाप्ती शनिवार, 23 ऑगस्ट रोजी होत आहे. त्यामुळे यावेळी अमावस्या शनिवार, 23 ऑगस्ट रोजी आहे. ज्योतिषशास्त्रानुसार, आता मेष, कुंभ आणि मीन राशी शनिच्या प्रभावाखाली असल्याचे म्हटले जाते. सिंह आणि धनु राशी शनिच्या धैय्यापासून प्रभावाखाली आहोत.
मान्यतेनुसार, पिठोरी अमावस्येच्या दिवशी महादेव आणि शनिदेव यांची पूजा केल्याने व्यक्तीच्या जीवनामध्ये ग्रह दोषांचा असलेला प्रभाव कमी होण्यास मदत होते.
पिठोरी अमावस्येच्या दिवशी महादेवाची पूजा केली जाते. जे लोक शनि दोषाने ग्रस्त आहेत अशा लोकांच्या जीवनावर त्याचा सकारात्मक परिणाम होताना दिसून येतो. यावेळी शिवलिंगावर पंचामृताने अभिषेक करावा. त्यावेळी शिवमंदिरातून जाऊन दिवा लावावा. त्यानंतर शिव चालिसाचे पठण केल्यास शनि दोषाचा प्रभाव कमी होण्यास मदत होते.
पिठोरी अमावस्येच्या दिवशी शनि मंदिरात जाऊन मोहरीच्या तेलात काळे तीळ घालून दिवा लावणे शुभ असते. हा उपाय प्रदोष काळामध्ये केल्यास शनिचा कोप कमी होण्यास मदत होतो. तसेच काळे तीळ, मोहरीचे तेल, अन्न इत्यादी गोष्टींचे दान करणे देखील शुभ मानले जाते.
यावेळी शिवलिंगावर धतूरा, बेलपत्र आणि कच्चे दूध अर्पण केल्याने शनिदोषाचा प्रभाव कमी होण्यास मदत होते. त्याचप्रमाणे हनुमानजींची पूजा आणि हनुमान चालीसा पठण केल्याने देखील शनिदेव प्रसन्न होतात. त्यामुळे व्यक्तीच्या जीवनात असलेली साडेसाती दूर होण्यास मदत होते.
पिठोरी अमावस्येला गूळ, तीळ, तूप आणि पैसे दान केल्याने शनिचा अशुभ प्रभाव कमी होण्यास मदत होते. तसेच असे काही उपाय आणि दान केल्याने पूर्वजांचे आशीर्वाद देखील मिळतात. धार्मिक मान्यतेनुसार, या उपायाने जीवनात धन, आनंद आणि शांती मिळते.
पिठोरी अमावस्येला मातृ अमावस्या असे देखील म्हटले जाते. या दिवशी मुले असलेल्या महिला दुर्गा देवीची पूजा करतात आणि त्यांच्या मुलांच्या दीर्घायुष्यासाठी आणि चांगल्या आरोग्यासाठी प्रार्थना करतात. असे म्हटले जाते की, या दिवशी पूर्वजांचे श्राद्ध केल्याने घरात शांती आणि आनंद तसेच त्यांचे आशीर्वाद देखील मिळतात. त्यासोबतच पवित्र नदीमध्ये स्नान करुन त्यांना पाणी अर्पण करणे खूप शुभ मानले जाते. या दिवशी काही उपाय केल्याने व्यक्तीच्या जीवनातील सर्व अडथळे दूर होतात, अशी देखील मान्यता आहे.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
.png "Videos"){kind=small}
