Pradosh vrat: प्रदोष व्रताच्या दिवशी शिवलिंगावर जलाभिषेक करताना करू नका या चुका

आज सोमवार, 16 मार्च रोजी प्रदोष व्रत आहे. या दिवशी अनेक शिवभक्त काही उपाय करतात. पूजेच्या वेळी अभिषेक केला जातो. अभिषेक करतेवेळी कोणत्या चुका करण्याचे टाळावे, जाणून घ्या

• सोम प्रदोष व्रत असे का म्हणतात
• शिवलिंगावर जलाभिषेक करताना कोणत्या चुका करू नये
• सोम व्रत विशेष का असते

 

 

आज सोमवार, 16 मार्च रोजी प्रदोष व्रत आहे. हे प्रदोष व्रत सोमवारी येत असल्याने त्याला सोम प्रदोष व्रत असे म्हणतात. या दिवशी अनेक शिवभक्त काही उपाय करतात. पूजेच्या वेळी अभिषेक केला. धतुरा, फूल, फळ इत्यादी गोष्टी अर्पण केले जातात. प्रदोष व्रताच्या दिवशी अभिषेक करतेवेळी कोणत्या चुका करण्याचे टाळावे, जाणून घ्या

प्रदोष व्रत का पाळले जाते

चैत्र महिन्यातील कृष्ण पक्षातील त्रयोदशी तिथीला प्रदोष व्रत पाळले जाते. सोमवारी हे व्रत येत असल्याने त्याला सोम प्रदोष व्रत असे म्हणतात. प्रदोष व्रताच्या दिवशी प्रदोष काळात पूजा केली जाते.

प्रदोष व्रत मुहूर्त

प्रदोष व्रताची पूजा करण्यासाठी संध्याकाळी 6.37 ते रात्री 8.44 पर्यंत शुभ मुहूर्त आहेत. यावेळी तुम्ही घरी किंवा मंदिरात जाऊन महादेवाची पूजा आणि जलाभिषेक करु शकता. दरम्यान, शिवलिंगावर अभिषेक करणे सर्वोत्तम मानले जाते.
प्रदोष व्रताचा दिवस महादेवांच्या पूजेसाठी समर्पित आहे. शास्त्रानुसार, प्रदोष व्रताच्या दिवशी शिवलिंगावर जलाभिषेक केल्याने महादेव प्रसन्न होतात. मात्र अभिषेक करताना काही गोष्टी लक्षात ठेवल्या पाहिजे त्या कोणत्या जाणून घ्या

अभिषेक करताना पाळा हे नियम

पाणी अर्पण करणे

शिवलिंगावर उभे राहून पाणी अर्पण करण्याऐवजी बसून जलाभिषेक करावा. पाणी अर्पण करताना तुमचे तोंड उत्तर दिशेला असावे.

Pradosh Vrat 2026: प्रदोष व्रताच्या दिवशी शिवलिंगावर या वस्तू करा अर्पण, संपत्तीमध्ये होईल वाढ

या भांड्यातून पाणी अर्पण करा

परंपरेनुसार, शिवलिंगावर पाणी अर्पण करण्यासाठी तांबे, पितळ किंवा चांदीच्या धातूची भांडी किंवा कलश अधिक शुभ मानले जाते. दरम्यान, शिवलिंगावर कधीही प्लास्टिक, लोखंड, स्टील किंवा अॅल्युमिनियमच्या भांड्यांमधून पाणी अर्पण करू नये.

पूजा करताना टाळी वाजवण्याचे महत्त्व

प्रदोष व्रताच्या दिवशी शिवलिंगावर पाणी अर्पण केल्यानंतर तीन वेळा टाळ्या वाजवाव्यात. पहिली टाळी शिवमंदिरात उपस्थिती दर्शवते, दुसरी टाळी शिवाचा आशीर्वाद घेण्याचे दर्शवते आणि तिसरी टाळी भगवानांना दुःखाचा अंत करण्याची विनंती करते.

सोम प्रदोष व्रत विशेष का असते

ज्यावेळी त्रयोदशी तिथीला प्रदोष व्रत सोमवारी येते तेव्हा त्याला सोम प्रदोष व्रत म्हणतात. सोमवार हा भगवान शिव यांचा आवडता दिवस मानला जातो. म्हणून या दिवशी उपवास आणि पूजा करणे खूप फायदेशीर मानले जाते. भक्तीने केलेले हे व्रत इच्छा पूर्ण करणारे असल्याचे म्हटले जाते.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)