फोटो सौजन्य- pinterest
श्रावण महिना चालू आहे. श्रावण महिना हा भगवान शिव यांना समर्पित आहे. यादरम्यान भगवान शिवासंबंधित प्रश्न भक्ताने प्रेमानंद महाराजांना त्यांच्या दरबारात विचारले आहे. बऱ्याचदा चर्चेमध्ये असलेले प्रेमानंद महाराज. ते वृंदावनमध्ये आपला दरबार भरवतात. ते सोशल मीडियावर खूप चर्चेमध्ये आहे. महाराज सध्या वृंदावनातील केळीकुंज येथील आश्रमात राहतात. देशभरातील त्यांचे भक्त त्यांना पाहण्यासाठी आणि त्यांच्या सत्संगात सहभागी होण्यासाठी येथे भक्त पोहोचतात. ते भगवान कृष्ण आणि राधारानी यांचे भक्त आहेत आणि ते सत्संगाद्वारे लोकांना मार्गदर्शन करतात.
यावेळी दरबारामध्ये त्यांना एका भक्ताने प्रश्न केला की, भगवान शिव मादक पदार्थांचे सेवन करू शकतात तर आपण का करू शकत नाही. यावर प्रेमानंदजी महाराजांनी असे उत्तर दिले की सर्वांना विचार करायला भाग पाडले. त्यावेळी एका भक्ताने महाराजांना विचारले की जर भगवान शिव मादक पदार्थांचे सेवन करू शकतात तर आपण का नाही? यावर महाराजांनी दिलेले उत्तर ऐकून तुम्ही स्तब्ध व्हाल. प्रेमानंद महाराजांनी भक्तांच्या प्रश्नांवर काय उत्तर दिले, जाणून घेऊया.
एका व्हिडिओमध्ये असे दिसते आहे की, भक्त प्रेमानंद महाराजांना विचारत आहे जेव्हा भगवान शिव स्वतः मादक पदार्थांचे सेवन करतात, भांग आणि धतूरा स्वीकारतात, तर आपण का करू शकत नाही? भक्ताच्या या प्रश्नावर महाराज हसले, पण या प्रश्नांवर त्यांचे उत्तर जितके सोपे होते तितकेच ते खोलही होते. ते म्हणाले की, भगवान शिव यांनी विष प्यायले होते, मग तुम्ही ते पिऊ शकता का? शिव त्यांच्या गळ्यात साप घालतात, तुम्ही ते करू शकता का? शिव हा शिव आहे आणि त्याच्यासारखा दुसरा कोणी नाही. देवाला नशासारख्या गोष्टींमध्ये आणू नका, तो परमात्मा आहे. असे म्हणून ते पुढे म्हणाले की, शिव हा योगी आहे, विनाशक आहे, तो विश्वाचा निर्माता आहे आणि विनाशकही आहे.
प्रेमानंद महाराजांच्या म्हणण्यानुसार, त्यांच्या नशेचा अर्थ जगापासून अलिप्तता आहे; ती नशा शरीराचा नाश करणार नाही, तर ती आत्म्याला जागृत करणार आहे. भगवान शिवाचा नशा म्हणजे भक्ती, ध्यान, समाधी. त्याच्या केसांमधून गंगा वाहते, विष त्याच्या घशात आहे आणि संपूर्ण विश्व त्याच्या मनात आहे. महाराजांच्या या उत्तराने तिथे बसलेल्या प्रत्येकाला विचार करायला भाग पाडले.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
.png "Videos"){kind=small}
