फोटो सौजन्य - KKR सोशल मीडिया
Ajinkya Rahane created history in IPL : इंडियन प्रीमियर लीग २०२५ चा पहिला सामना काल पार पडला. या सामन्यांमध्ये कोलकाता नाईट रायडर्स विरुद्ध रॉयल चॅलेंजर्स बंगळुरू हे दोन्ही संघ एकमेकांशी भिडले. यामध्ये कोलकाता नाईट राइडर्सच्या संघाला रॉयल चॅलेंजर्स बंगळुरूने ७ विकेट्सने पराभव केला. या सामन्यात केकेआरचा कर्णधार अजिंक्य रहाणेने कमालीची फलंदाजी केली आणि ३१ चेंडूंमध्ये ५६ धावा केल्या. आता शनिवारी, २२ मार्च रोजी जेव्हा अजिंक्य रहाणे कोलकाता नाईट रायडर्सचे नेतृत्व करण्यासाठी आला तेव्हा त्याने इतिहास रचला. इंडियन प्रीमियर लीग (आयपीएल) मध्ये एक-दोन नव्हे तर तीन संघांचे नेतृत्व करणारा तो पहिला भारतीय कर्णधार बनला.
अजिंक्य रहाणेच्या आधी, आणखी तीन कर्णधारांनी आयपीएलमध्ये किमान तीन संघांचे नेतृत्व केले आहे, जे तिन्ही परदेशी आहेत. लवकरच या यादीत श्रेयस अय्यरचे नावही जोडले जाणार आहे. तो दोन संघांचा कर्णधार राहिला आहे आणि यावेळी तो एका नवीन संघाचे नेतृत्व करणार आहे. कोलकाता नाईट रायडर्सचे नेतृत्व करण्यापूर्वी अजिंक्य रहाणेने राजस्थान रॉयल्स आणि रायझिंग पुणे सुपरजायंट्सचेही नेतृत्व केले आहे. कर्णधार म्हणून अजिंक्य रहाणेचा आयपीएलमधील हा २६ वा सामना होता. त्याने २०१८ आणि २०१९ मध्ये २४ सामन्यांमध्ये राजस्थान रॉयल्सचे नेतृत्व केले, तर २०१७ मध्ये एका सामन्यात रायझिंग पुणे सुपरजायंट्सचे नेतृत्व केले.
याशिवाय, आतापर्यंत कोणत्याही अन्य भारतीय कर्णधाराला तीन आयपीएल संघांचे नेतृत्व करता आलेले नाही. या हंगामात पंजाब किंग्ज आपला पहिला सामना खेळेल तेव्हा श्रेयस अय्यर दुसरा भारतीय खेळाडू बनेल. तो दिल्ली कॅपिटल्स आणि कोलकाता नाईट रायडर्सचा कर्णधार राहिला आहे. त्याच वेळी, जर आपण तीन आयपीएल संघांचे नेतृत्व करणाऱ्या इतर तीन कर्णधारांबद्दल बोललो तर त्यात महेला जयवर्धने, कुमार संगकारा आणि स्टीव्ह स्मिथ यांचा समावेश आहे. २०१० च्या हंगामात कुमार संगकाराने १३ सामन्यांमध्ये किंग्ज इलेव्हन पंजाब (आता पंजाब किंग्ज) चे नेतृत्व केले. यानंतर, त्याने २५ सामन्यांमध्ये डेक्कन चार्जर्सचे नेतृत्व केले.
२०१३ च्या हंगामात तो सनरायझर्स हैदराबादचा कर्णधार होता. महेला जयवर्धनेने किंग्ज इलेव्हन पंजाब (आता पंजाब किंग्ज) चे एका सामन्यात, कोची टस्कर्स केरळचे १३ सामन्यात आणि दिल्ली डेअरडेव्हिल्सचे (आता दिल्ली कॅपिटल्स) १६ सामन्यात नेतृत्व केले. स्टीव्ह स्मिथने पुणे वॉरियर्स इंडियाचे एका सामन्यात, रायझिंग पुणे सुपरजायंट्सचे १५ सामन्यात आणि राजस्थान रॉयल्सचे २७ सामन्यात नेतृत्व केले.
.png "Videos"){kind=small}
