Asia Cup 2025 : भारताच्या संघाला मिळालं सुपर 4 चे टिकीट! 2 संघ स्पर्धेतून बाहेर, जाणून घ्या गुणतालिकेची स्थिती

एकाच दिवशी दोन सामने खेळले गेले आणि दोन्ही सामन्यांच्या निकालानंतर, प्रत्येकी एक संघ सुपर ४ च्या शर्यतीतून बाहेर पडला, तर एका संघाला सुपर ४ चे तिकीट मिळाले. आता सुपर ४ च्या उर्वरित ३ स्थानांसाठी ५ संघांमध्ये लढत सुरू आहे

Asia Cup Point Table :  भारताच्या संघाने पहिल्या दोन्ही सामन्यामध्ये विजय मिळवून स्पर्धेमध्ये अपराजित राहून दमदार कामगिरी आतापर्यत केली आहे. पहिल्या सामन्यात भारताच्या संघाने यूएईला त्याच्या घरच्या मैदानावर पराभूत केले होते. तर दुसऱ्या सामन्यामध्ये भारताच्या संघाने पाकिस्तानला पराभूत केले. सोमवार १५ सप्टेंबर रोजी यूएई येथे होणाऱ्या टी-२० आशिया कप २०२५ च्या सुपर ४ च्या शर्यतीतून दोन संघ बाहेर पडले. 

एकाच दिवशी दोन सामने खेळले गेले आणि दोन्ही सामन्यांच्या निकालानंतर, प्रत्येकी एक संघ सुपर ४ च्या शर्यतीतून बाहेर पडला, तर एका संघाला सुपर ४ चे तिकीट मिळाले. हा संघ दुसरा तिसरा कोणी नसून भारतीय संघ आहे, जो ग्रुप ए मध्ये २ सामने जिंकून अव्वल स्थानावर होता. आता सुपर ४ च्या उर्वरित ३ स्थानांसाठी ५ संघांमध्ये लढत सुरू आहे. पाकिस्तान संघाचीही स्थिती चांगली नाही.

IND vs AUS : श्रेयस अय्यरच्या नेतृत्वाखाली टीम इंडिया आज भिडणार ऑस्ट्रेलियाशी, वाचा सामन्यासंदर्भात सविस्तर माहिती

पहिल्या ग्रुपची गुणतालिका

आशिया कप २०२५ च्या ग्रुप अ च्या पॉइंट्स टेबलबद्दल बोलायचे झाले तर, टीम इंडिया सुपर ४ साठी पात्र ठरली आहे, तर ओमानच्या टीमचे सुपर ४ मध्ये पोहोचण्याचे सर्व मार्ग बंद झाले आहेत. टीम बाहेर पडली आहे. तथापि, ओमानचा भारताविरुद्ध एक सामना आहे, ज्याचा निकाल पॉइंट्स टेबलवर परिणाम करणार नाही. पाकिस्तानचा संघ दुसऱ्या स्थानावर आहे आणि युएई तिसऱ्या स्थानावर आहे. ग्रुप अ मध्ये ओमान चौथ्या स्थानावर आहे.

दुसऱ्या गटाची गुणतालिका

आशिया कप २०२५ च्या ग्रुप बी च्या पॉइंट्स टेबलबद्दल बोलायचे झाले तर, या ग्रुपमधील एक संघही स्पर्धेतून बाहेर पडला आहे, ज्याने तीनपैकी तीन सामने गमावले आहेत, परंतु या ग्रुपमधील कोणत्याही संघाला अद्याप अधिकृतपणे सुपर ४ चे तिकीट मिळालेले नाही. तिसऱ्या लीग सामन्यात हाँगकाँगला श्रीलंकेकडून पराभव पत्करावा लागला आणि संघ बाहेर पडला. या ग्रुपमध्ये श्रीलंकेचा संघ पहिल्या क्रमांकावर आहे. अफगाणिस्तानचा संघ दुसऱ्या क्रमांकावर आहे आणि बांगलादेशचा संघ तिसऱ्या क्रमांकावर आहे. हाँगकाँगने शेवटच्या स्थानावर आपला प्रवास संपवला आहे.

Sunil Gavaskar on Pakistan: सुनील गावस्करांनी पराभवानंतर घेतली पाकड्यांची मजा! म्हणाले, ‘ पाकिस्तानची टीम नाही तर…’ पहा Video