IND vs UAE :  कुलदीप यादवने घेतली UAE ची फिरकी; दिग्गज आर अश्विनला टाकले ‘या’ विक्रमात मागे.. 

आशिला कप २०२५ मधील दुसऱ्या सामन्यात आणि भारताच्या पहिल्या सामन्यात भारताने यूएईचा ९ विकेट्सने पराभव केला. या विजयाचा हीरो कुलदीप यादवने ४ विकेट्स घेत आर आश्विनला मागे टाकले आहे. 

• आशिया कप २०२५ च्या दुसऱ्या सामन्यात भारताकडून यूएईचा ९ विकेट्सने पराभव 
• कुलदीप यादवने या सामन्यात यूएईचे ४ गडी माघारी पाठवले 
• कुलदीप यादवने या कामगिरीसह आर आश्विनला मागे सोडले

IND vs UAE : आशिया कप २०२५ स्पर्धेला ९  सप्टेंबर रोजी सुरवात झाली आहे. या स्पर्धेतील पहिल्या सामन्यात  अफगाणिस्तानने हाँगकाँगला पराभूत केले तर  दूसरा सामना भारत आणि यूएई यांच्यात खेळवण्यात आला.  या सामन्यात भारताने यूएईला ९ विकेट्सने पराभूत करून स्पर्धेला विजयी सुरवात केली. भारताने नाणेफेक जिंकून प्रथम गोलंदाजीचा निर्णय घेतला तर यूएईला फलंदाजीसाठी पाचारण केले.  यूएई संघ खास काही करू शकला नाही. भारतीय गोलंदाजांनी शानदार गोलंदाजी करत यूएई संघाला ५७ धावांवर गारद केले. या सामन्यात  कुलदीप यादवने या सामन्यात शानदार गोलंदाजीकरून आपल्या संघाला विजय मिळवून दिला. त्याने फक्त २.१ षटकांच्या स्पेलमध्ये ७ धावा देऊन ४ विकेट्स घेतल्या. तर प्रतिउत्तरात भारताने ४.३ षटकातच फक्त एक विकेट गमावून विजय मिळवला. यादवने आपल्या या कामगिरीच्या जोरावर रविचंद्रन अश्विनला आकड्यात मागे सोडले.

हेही वाचा : Photo : फक्त 27 चेंडूत भारताने रचला इतिहास! नोंदवला T20I मधील सर्वात मोठा विजय

दिग्गज आर अश्विनला टाकले मागे सोडले

२०२४ च्या टी२० विश्वचषकाच्या अंतिम सामन्यानंतर कुलदीप यादवचा आशिया कप २०२५ मध्ये यूएई विरुद्ध हा पहिलाच टी२० आंतरराष्ट्रीय सामना होता. त्यामुळे यावेळी सर्वांच्या नजरा त्याच्यावर टिकून होत्या आणि त्याने देखील कुणाला निराश केले नाही. त्याने एकाच षटकात त्याने तीन विकेट्स काढल्या. या दरम्यान, त्याने त्याच्या स्पेलमध्ये एकूण फक्त ७ धावा मोजल्या. या शानदार कामगिरीनंतर, कुलदीप आता भारताचा दिग्गज माजी फिरकीपटू रविचंद्रन अश्विनला देखील मागे टाकत परदेशात भारतासाठी सर्वाधिक टी-२० आंतरराष्ट्रीय बळी घेणारा  गोलंदाज बनला आहे.

कुलदीप यादवने आतापर्यंत परदेशामध्ये खेळल्या गेलेल्या २५ सामन्यांमध्ये ११.१५ च्या सरासरीने ५२ विकेट्स घेतल्या आहेत, तर आर अश्विनने ४४ सामन्यांमध्ये ५० विकेट्स  घेतल्या आहेत. या यादीमध्ये सध्या अर्शदीप सिंग परदेशात ४५ सामन्यांमध्ये ७१ विकेट्स घेऊन अव्वल स्थानी वियाराजमान आहे.

परदेशात सर्वाधिक टी-२० विकेट्स घेणारे भारतीय गोलंदाज खालीप्रमाणे

1. अर्शदीप सिंग – ४५ सामने ७१ विकेट्स 
2. हार्दिक पंड्या – ६७ सामने ६३ विकेट्स
3. जसप्रीत बुमराह – ४२ सामने ६२ विकेट्स 
4. भुवनेश्वर कुमार – ५३ सामने ५६ विकेट्स 
5. कुलदीप यादव – २५ सामने ५२ विकेट्स 
6. रविचंद्रन अश्विन – ४४ सामने ५० विकेट्स 

हेही वाचा : Asia Cup 2025 : India vs Pakistan सामन्यावर सर्वोच्च न्यायालयाचा धोका! मॅच रद्द होणार? प्रकरण पोहोचले सुप्रीम कोर्टात

या कामगिरीमागे फिटनेस  प्रशिक्षक : कुलदीप यादव

यूएईविरुद्ध सामनावीर पुरस्कार पटकावल्यानंतर कुलदीप यादव म्हणाला की, त्यांच्या या कामगिरीमागे फिटनेस प्रशिक्षक एड्रियनचे मोठे योगदान राहिले आहे. त्या म्हटले की, गेल्या काही महिन्यांमध्ये फिटनेसवर खूप जास्त मेहनत घेण्यात आली आहे आणि आता त्याचे फायदे मैदानावर दिसून येत आहेत.  कुलदीप यादव म्हणाला की, “माझे लक्ष फक्त योग्य लांबीवर गोलंदाजी करणे आणि फलंदाजाची पुढची चाल समजून घेऊन त्यानुसार रणनीती बनवणे यावर होते.”