Asian Games 2026: गोल्डसाठी अखेरपर्यंत झुंज, पण स्वप्न भंगलं! Abhay Singh ने रचला इतिहास; स्क्वॉशमध्ये भारताला रौप्यपदक

Abhay singh won silver in squash Asian games 2026: आशियाई क्रीडा स्पर्धेत भारताने आणखी एक मोठे यश मिळवले आहे. अभय सिंगचे स्क्वॉशमध्ये सुवर्णपदक जिंकण्याचे स्वप्न भंगले मात्र, त्याने शानदार कामगिरी करत रौप्यपदक जिंकले.

• सुवर्णपदक हुकलं, रौप्यपदक मिळालं
• अभय सिंगने Asian Games मध्ये रचला इतिहास
• भारताच्या खात्यात सिल्व्हर

आशियाई क्रीडा स्पर्धा २०२६  (Asian Games 2026) च्या नवव्या दिवशी, पुरुष एकेरी स्क्वॉश स्पर्धेत भारताला मोठे यश मिळाले आहे. भारताचा स्टार स्क्वॅशपटू, अभय सिंगने उत्कृष्ट कामगिरी करत रौप्य पदक जिंकले. सुवर्णपदकाच्या सामन्यात अभय सिंगचा सामना मलेशियाच्या अव्वल मानांकित एनजी ईन येओशी झाला. अत्यंत चुरशीच्या आणि अटीतटीच्या सामन्यात अभय ०-३ (९-११, ५-११, ५-११) ने पराभूत झाला. या पराभवामुळे अभयचे सुवर्णपदक जिंकण्याचे स्वप्न भंगले. पंरतु, रौप्यपदक जिंकून त्याने इतिहास रचला.

Asian Games 2026: पंचवर पंच अन् प्रतिस्पर्धी चितपट! Ankush Panghal ची सेमीफायनलमध्ये धडक; बॉक्सिंगमध्ये भारताचं मेडल पक्कं

अभय सिंगने रौप्यपदकावर कोरले नाव

अभय सिंगने पहिल्या सेटमध्ये आपली ताकद दाखवली. त्याने एनजी ईन येओला चांगलाच घाम फोडला. परंतु, अभय पहिला सेट ११-९ ने हरला. दुसऱ्या सेटमध्ये मलेशियन खेळाडूने अभयवर दबाव आणला आणि सेट ११-५ ने सहज जिंकून २-० अशी आघाडी घेतली. तिसऱ्या निर्णायक सेटमध्ये अभयने शानदार कमबॅक करत ४-२ अशी सुरुवातीची आघाडी घेतली. मात्र, एनजी ईन येओने लगेचच पुनरागमन करत ६-५ अशी आघाडी घेतली. अखेरीस मलेशियन खेळाडूने ११-५ ने तिसरा सेट जिंकून सुवर्णपदक पटकावले. विजयानंतर ईन येओ भावूक झाला होता, त्याच्या डोळ्यात अश्रू होते. या विजयामुळे तो आशियाई क्रीडा स्पर्धेत डबल गोल्ड मेडलिस्ट विजेता ठरला असून, त्याने २०२८ च्या ऑलिम्पिकसाठीही पात्रता मिळवली आहे.

Silver for Abhay 🥈 India’s Abhay Singh finishes his #AichiNagoya2026 campaign with a silver medal in squash men’s singles. 👏 pic.twitter.com/PfijjpXDMM — Olympic Khel ™ (@OlympicKhel) September 27, 2026

भारतासाठी ऐतिहासिक यश

अंतिम सामन्यात अभय सिंगला सुवर्णपदक मिळाले नसले तरी, संपूर्ण स्पर्धेतील त्याची कामगिरी प्रेरणादायी होती. उपांत्य फेरीत अभय सिंगने उत्कृष्ट खेळ केला. त्याने पाकिस्तानच्या मुहम्मद इरफानला सरळ सेटमध्ये ३-० ने पराभूत केले. अभयने आक्रमक सुरुवात करत पहिला गेम ११-३ ने जिंकला. दुसऱ्या गेममध्ये इरफानने जोरदार झुंज दिली, पण त्याला यश मिळाले नाही. अभयने शानदार खेळ दाखवत दुसरा सेट १२-१० ने जिंकला. त्याने तिसरा गेमही ११-६ ने जिंकून एक मोठा विजय मिळवला. संपूर्ण सामन्यादरम्यान अभयने इरफानवर वर्चस्व गाजवले.

कोण आहे अभय सिंग?

अभय सिंग हा भारताच्या स्टार स्क्वॅश खेळाडूंपैकी एक असून, त्याने आंतरराष्ट्रीय स्तरावर सातत्यपूर्ण कामगिरी करून राष्ट्रीय संघात आपले स्थान पक्के केले आहे. त्याने पीएसए टूरवर अनेक विजेतेपदे पटकावली आहेत. याशिवाय, त्याने आशियाई क्रीडा, आशियाई सांघिक चॅम्पियनशिप आणि जागतिक सांघिक चॅम्पियनशिप यांसारख्या अनेक प्रतिष्ठित आंतरराष्ट्रीय स्पर्धांमध्ये भारताचे प्रतिनिधित्व केले आहे.

IND vs WI 1st ODI Live: वेस्टइंडीजविरुद्ध गेमप्लॅन ठरला! भारताने टॉस जिंकून घेतला मोठा निर्णय; नमन धीरचा डेब्यू