तिरंदाजीत भारताने आणले सुवर्णपदक (फोटो सौजन्य - IANS)
चिकिता आणि साहिल यांनी एका रोमांचक अंतिम सामन्यात दक्षिण कोरियाच्या जुंगयून पार्क आणि चोई युन ग्यू यांना १५८-१५७ ने पराभूत करून सुवर्णपदक जिंकण्यासाठी उत्तम संयम दाखवला. चीनच्या फांगयाओ एफ. वेई आणि शिनयी लिऊ यांनी कांस्यपदक जिंकले. भारतीय मिश्र संघाने उपांत्य फेरीत थायलंडला १५६-१५५ ने पराभूत करून सुवर्णपदकाच्या सामन्यात प्रवेश केला होता.
तत्पूर्वी, ज्योती सुरेखा वेन्नम, चिकिता आणि पृथिका प्रदीप यांच्या भारतीय महिला कंपाऊंड तिरंदाजी संघाने चीनला २३८-२३४ ने पराभूत करून शानदार कामगिरी केली आणि विश्वविक्रमाची बरोबरी साधत आशियाई क्रीडा स्पर्धेतील आपले सुवर्णपदक कायम राखले. गेल्या आशियाई क्रीडा स्पर्धेत सुवर्णपदक जिंकणाऱ्या भारतीय संघातही ज्योतीचा समावेश होता.
अंतिम सामन्यानंतर पृथिका म्हणाली, “आम्ही एकमेकींना सतत प्रोत्साहन देत होतो आणि आपल्याला सर्वोत्तम कामगिरी करायची आहे, असे सांगत होतो. आमच्यापैकी एखाद्याचा शॉट चुकला, समजा नऊ गुणांचा शॉट लागला, तरी आम्ही एकमेकींना प्रोत्साहन देत होतो आणि आपण जे सर्वोत्तम करतो त्यावर परत लक्ष केंद्रित करण्यास सांगत होतो.”
ती पुढे म्हणाली, “मला माहीत आहे की ही एक मोठी स्पर्धा आहे, पण शेवटी, समोर तीच माणसे आहेत आणि मला तीच तिरंदाजी करायची आहे. त्यामुळे, खरं सांगायचं तर, माझं फक्त त्यावरच लक्ष होतं. तरीही, माझ्या संघसहकाऱ्यांसोबत सुवर्णपदक जिंकल्याचा खूप आनंद होत आहे.”
Asian Games 2026 : हमारी छोरियाँ किसी से कम नहीं; 4×400 मीटर रिले स्पर्धेत भारताची सुवर्ण कामगिरी
भारतीय महिला कंपाऊंड संघाने अंतिम सामन्यात आपले वर्चस्व कायम राखत अव्वल स्थान पटकावले. या कामगिरीसह भारतीय संघाने दक्षिण कोरियाच्या जागतिक विक्रमाची बरोबरी केली. दक्षिण कोरियाने २०१४ च्या इंचिओन आशियाई क्रीडा स्पर्धेत ही कामगिरी केली होती. वुनियर, युए वांग आणि फांगयाओ वेई यांचा समावेश असलेल्या चिनी संघाने रौप्य पदक जिंकले.
.png "Videos"){kind=small}
