Mirabai chanu won silver medal
IND vs JPN T20: भारत-जपान पहिल्यांदाच भिडणार! कुठे पाहता येणार LIVE सामना? जाणून घ्या संपूर्ण माहिती
मीराबाई चानूची अंतिम लढत खूपच चुरशीची आणि रोमांचक होती. उत्तर कोरियाची दिग्गज वेटलिफ्टर री सॉन्ग गमने या स्पर्धेत सुरुवातीपासूनच आपले वर्चस्व कायम राखले. मीराबाईने स्नॅचमध्ये ८३ किलोने सुरुवात केली आणि दुसऱ्या प्रयत्नात ८५ किलो उचलले. यानंतर तिने तिसऱ्या प्रयत्नात ८७ किलो यशस्वीरित्या उचलले. स्नॅचनंतर ती पदकाच्या शर्यतीत जोरदारपणे टिकून राहिली. मीराबाईने क्लीन अँड जर्कमध्ये १०७ किलोच्या यशस्वी प्रयत्नाने सुरुवात केली. यानंतर तिने दुसऱ्या प्रयत्नात १११ किलो उचलले. तिसऱ्या प्रयत्नाची गरज भासली नाही आणि तिचा एकूण स्कोर १९८ किलो होता. मीराबाईने ८७ किलो स्नॅच आणि १११ किलो क्लीन अँड जर्कसह एकूण १९८ किलो वजन उचलून रौप्य पदक जिंकले.
उत्तर कोरियाच्या री सॉन्ग गमने एकूण २१५ किलो वजनासह सुवर्णपदक पटकावले. तिने स्नॅचमध्ये ९४ किलो आणि क्लीन अँड जर्कमध्ये १२१ किलो वजन उचलले. इंडोनेशियाच्या विजयाना लुलुक डायना त्रिने एकूण १९१ किलो वजनासह कांस्यपदक जिंकले. तिने स्नॅचमध्ये ८८ किलो आणि क्लीन अँड जर्कमध्ये १०३ किलो वजन उचलले.
मीराबाईच्या रौप्यपदकामुळे आशियाई क्रीडा स्पर्धेतील वेटलिफ्टिंग पदकासाठी भारताची प्रतीक्षा संपली. यापूर्वी, भारताने १९९८ च्या बँकॉक आशियाई क्रीडा स्पर्धेत कर्णम मल्लेश्वरीच्या माध्यमातून वेटलिफ्टिंगमध्ये रौप्यपदक जिंकले होते. यानंतर भारताला आशियाई क्रीडा स्पर्धेत या खेळात कोणतेही पदक मिळाले नव्हते. आता मीराबाईने २८ वर्षांनंतर हा दुष्काळ संपवला आहे.
मीराबाई चानूने २०१४ मध्ये पहिल्यांदा आशियाई क्रीडा स्पर्धेत भाग घेतला आणि नववे स्थान पटकावले. पाठीच्या दुखापतीमुळे ती २०१८ च्या स्पर्धेत सहभागी होऊ शकली नाही. २०२२ मध्ये, तिने वेटलिफ्टिंगमध्ये चौथे स्थान पटकावले आणि स्पर्धेदरम्यान तिच्या दुखापत झाली. आता, तिने अखेर आशियाई क्रीडा स्पर्धेत आपले खाते उघडले आहे.
अभिषेक बच्चनच्या ETPL ला मिळाले पहिलेवहिले विजेतेपद! एडिनबर्ग कॅसल रॉकर्सने उंचावली ट्रॉफी
.png "Videos"){kind=small}
