शनिवार, 26 सप्टेंबर 2026
आशियाई क्रिडा स्पर्धेत भारत भिडणार कोणाशी (फोटो सौजन्य - Instagram)
भारतासमोर तगडा अफगाणिस्तानचा संघ उभा ठाकला आहे. नुकतीच काही दिवसांपूर्वी भारत आणि अफगाणिस्तान यांच्यामध्ये तीन टी२० सामन्यांची सिरीज आखली गेली होती आणि यामध्ये भारताने अफगाणिस्तानला क्लीन स्वाईप देत नमवले होते.
खरं तर, गट फेरीतील नेपाळ आणि जपान यांच्यातील सामना पावसामुळे रद्द करण्यात आला होता. सामना रद्द झाल्यामुळे, चांगल्या गुणतालिकेच्या आणि नेट रन रेटच्या आधारावर नेपाळ आघाडीवर राहिले, तर अफगाणिस्तान दुसऱ्या स्थानावर राहिले. दरम्यान, जपान गुणतालिकेत तिसऱ्या स्थानावर घसरले. अफगाणिस्तान दुसऱ्या स्थानावर राहिल्यामुळे, उपांत्यपूर्व फेरीच्या ड्रॉमध्ये भारत आणि अफगाणिस्तान यांच्यात सामना निश्चित झाला. यामुळे आता पुन्हा भारत आणि अफगाणिस्तानचा सामना चाहत्यांना पहायला मिळणार आहे. यावेळी भारताने सुवर्णपदक जिंकून आणावे हीच सर्वांची अपेक्षा आहे.
सरळ उपांत्यपूर्वी फेरीतून आपल्या अभियानाची सुरूवात करणाऱ्या भारतीय क्रिकेट टीमचे लक्ष्य आता फक्त आणि फक्त सुवर्णपदक असणार आहे. यावेळी आशियाई क्रिडा स्पर्धेत सुवर्णपदक जिंकण्याच्या हेतूनेच भारतीय टीम मैदानात उतरेल. २८ सप्टेंबरला अफगाणिस्तानविरूद्ध होणारा हा सामना नॉकआऊट असणार आहे. या सामन्यात जिंकणारी टीम ही सेमीफायनलमध्ये आपली जागा भक्कम करेल. दरम्यान या स्पर्धेत भारतीय टीम तगडी खेळताना दिसून येत आहे. तर अफगाणिस्तानचा संघ ग्रुप स्टेजमध्ये नेपाळविरूद्ध हरला आहे. त्यामुळे हा संघदेखील विजयाच्या आशेनेच मैदानात उतरेल.
श्रेयस अय्यर (कर्णधार), अभिषेक शर्मा, संजू सैमसन, ईशान किशन, शिवम दुबे, तिलक वर्मा, विपराज निगम, अक्षर पटेल, वाशिंगटन सुंदर, रवि बिश्नोई, जसप्रीत बुमराह, हर्षित राणा, अर्शदीप सिंह आणि वैभव सूर्यवंशी
