Bangladesh Cricket: Former Bangladesh captain suffers heart attack on the field; taken to hospital by helicopter; Watch Video
Bangladesh cricket : सध्या मैदानातच खेळाडूंना हृदयविकाराचे झटके आल्याच्या अनेक घटना समोर येऊ लागल्या आहेत. अशातच अशा परिस्थितीत आता बांगलादेशातून एक दुःखद बातमी समोर आली आहे. बांगलादेशचा ३६ वर्षीय माजी कर्णधार तमीम इक्बालला मैदानावरच हृदयविकाराचा झटका आला आहे. त्यानंतर त्यांना रुग्णालयात दाखल करण्यात आले आहे. सामना खेळत असताना त्याला अचानक हृदयविकाराचा झटका आल्याची माहिती मिळत आहे.
हेही वाचा : IPL 2025 : MI विरुद्ध सामन्यात CSK वर बॉल टेम्परिंगचे आरोप, चेन्नईवर 2 वर्षांची बंदी घालण्यात येणार?
सामना खेळत असताना तमीम इक्बालला हृदयविकाराचा तीव्र झटका आला, त्यानंतर त्याला तात्काळ रुग्णालयात दाखल करण्यात आले. मीडिया रिपोर्ट्सनुसार, आज ढाका प्रीमियर लीगमध्ये मोहम्मद स्पोर्टिंग क्लब आणि शाईनपुकुर क्रिकेट क्लब या संघात सामना रंगला होता. तमीम इक्बाल डीपीएलमध्ये मोहम्मद स्पोर्टिंग क्लबकडून खेळत होता. तेव्हाच तमिमला क्षेत्ररक्षण करताना अचानक छातीत दुखू लागल्याचे निदर्शनास आले.
मिळालेल्या माहितीनुसार, तमीम इक्बालला क्षेत्ररक्षण करत असताना अस्वस्थ वाटू लागले, त्यानंतर त्याला ताबोडतोब फजिलातुनेशा रुग्णालयात दाखल करण्यात आले. तथापि, तमीम इक्बालचा वैद्यकीय अहवाल मात्र अद्याप समोर आलेला नाही. दरम्यान, बांगलादेश क्रिकेट बोर्डाचे (बीसीबी) डॉक्टर डॉ. देबाशिष चौधरी यांनी या घटनेला दुजोरा देण्यात आला आहे.
क्रिकेट वेबसाइट क्रिकइन्फोनुसार, तमिमने ५० षटकांच्या सामन्याच्या पहिल्या डावात अस्वस्थ वाटू लागल्याचे सांगितले. त्यानंतर त्याला तपासायला वैद्यकीय तज्ञ ताबडतोब हजर झाले. त्यानंतर त्याला रुग्णालयात नेण्यासाठी हेलिकॉप्टरची व्यवस्था करण्यात आली.
🚨 Cricket Shocker!
Tamim Iqbal suffers a heart attack during a Dhaka Premier League match today. Wishing him a speedy recovery! 🙏#TamimIqbal #DPL pic.twitter.com/p6YHPu5Du8
— Cricketik 24×7 (@cricketik247) March 24, 2025
तमीम इक्बालने ७० कसोटी सामन्यांव्यतिरिक्त २४३ एकदिवसीय आणि ७८ टी-२० सामन्यांमध्ये बांगलादेशचे प्रतिनिधित्व केल्या आहे. कसोटी क्रिकेटमध्ये, तमिम इक्बालने ३८.८९ च्या सरासरीने ५१३४ धावा केल्या आहेत. याशिवाय, त्याने त्याच्या एकदिवसीय कारकिर्दीत ३६.६५ च्या सरासरीने ८३५७ धावा केल्या आहेत.
इंडियन पॉसिबल लीग २०२५ चा महामुकाबला काल पार पडला. यामध्ये मुंबई इंडियन्स विरुद्ध चेन्नई सुपर किंग्स यांच्यामध्ये सामना रंगला होता. कालचा सामना हा चेन्नईच्या होम ग्राऊंडवर चेपॉक येथे झाला. दरवर्षीप्रमाणे यावर्षी देखील मुंबई इंडियन्सच्या संघाने पहिला सामना गमावला आहे. यामध्ये चेन्नई सुपर किंग्सच्या संघाने पहिले सामन्यामध्ये मुंबईला ४ विकेट्सने पराभूत केले. यामध्ये सलामीवीर फलंदाज रचिन रवींद्र आणि कॅप्टन ऋतुराज गायकवाड याने कमालीचा खेळ दाखवला.
.png "Videos"){kind=small}
