गुजरातच्या क्रिकेटपटूने IPL 2025 दरम्यान केली निवृत्तीची घोषणा! 8000 हून अधिक धावा, शेअर केली भावुक पोस्ट

मुंबई - पंजाब जेव्हा हे दोन्ही संघ सामना खेळत आहेत, तेव्हा एका खेळाडूने त्याच्या कारकिर्दीला पूर्णविराम देण्याचा निर्णय घेतला. गुजरातचा अनुभवी फलंदाज प्रियांक पांचाळने प्रथम श्रेणी क्रिकेटमधून निवृत्तीची घोषणा केली आहे.

आज आयपीएलमध्ये मुंबई इंडियन्सचा सामना पंजाब किंग्जशी होणार आहे. हा सामना दोन्ही संघासाठी महत्वाचा असणार आहे, त्यानंतर भारताचा संघ इंग्लड दौऱ्यावर जाणार आहे. यासाठी भारताच्या संघाची घोषणा केली आहे. याचदरम्यान भारताच्या दोन दिग्गज खेळाडुनी कसोटीमधुन निवृतीची घोषणा केली होती. मुंबई – पंजाब जेव्हा हे दोन्ही संघ सामना खेळत आहेत, तेव्हा एका खेळाडूने त्याच्या कारकिर्दीला पूर्णविराम देण्याचा निर्णय घेतला. गुजरातचा अनुभवी फलंदाज प्रियांक पांचाळने प्रथम श्रेणी क्रिकेटमधून निवृत्तीची घोषणा केली आहे.

प्रियांकने एक निवेदन जारी करून निवृत्तीची घोषणा केली आहे. तो म्हणाला की तो तात्काळ प्रथम श्रेणी क्रिकेटला निरोप देत आहे. पांचाळ अनेक वेळा टीम इंडियाची जर्सी घालण्याच्या जवळ पोहोचला पण तो अनकॅप्ड राहिला. त्याला आयपीएलमध्येही खेळण्याची संधी मिळाली नाही.

ब्रिजभूषण शरण सिंग यांना मोठा दिलासा! न्यायालयाने POCSO खटला केला बंद, वाचा सविस्तर

पांचाळ यांने त्यांच्या निवेदनात त्यांच्या वडिलांची आठवण काढली आहे आणि भावनिक होत ही घोषणा केली आहे. त्याने लिहिले, “मोठे झाल्यावर, प्रत्येकजण आपल्या वडिलांकडे पाहतो. त्यांना आदर्श मानतो आणि प्रेरणा घेतो. त्यांना प्रभावित करण्याचा प्रयत्न करतो. मीही वेगळा नव्हतो, माझे वडील माझी ताकद होते. त्यांनी मला दिलेल्या उर्जेने मी प्रभावित झालो. ज्या प्रकारे त्यांनी मला माझी स्वप्ने सत्यात उतरवण्यासाठी प्रेरित केले, त्यामुळे एका लहान शहरातील एका मुलाला भारतीय टोपी घालण्याचे स्वप्न पडले.”

See more

PRIYANK PANCHAL RETIRED FROM FIRST-CLASS CRICKET.

– He has 8856 runs at an average of 45.18 including 29 Hundreds in FC. pic.twitter.com/lYnltHRjbS

— Johns. (@CricCrazyJohns) May 26, 2025

त्याने लिहिले, “तो खूप पूर्वी आपल्याला सोडून गेला, पण मी हे स्वप्न दोन दशके माझ्यासोबत वाहून नेले. एकामागून एक हंगाम, आजपर्यंत. मी, प्रियांक पांचाळ, प्रथम श्रेणी क्रिकेटमधून तात्काळ निवृत्ती जाहीर करतो. हा माझ्यासाठी एक भावनिक क्षण आहे.”

पांचाळ यांनी १२७ प्रथम श्रेणी सामन्यांमध्ये ४५.१८ च्या सरासरीने ८८५६ धावा केल्या. या काळात त्याच्या बॅटने २० शतके आणि ३४ अर्धशतके झळकावली. पांचाळ यांनी अनेक वेळा भारत-अ संघाचे प्रतिनिधित्व केले. तो काही वेळा टीम इंडियामध्येही दिसला, पण त्याला पदार्पण करता आले नाही. या सलामीवीर फलंदाजाकडे नेहमीच पर्याय म्हणून पाहिले जात असे, पण त्याला कधीही संधी मिळाली नाही. पार्थिव पटेलच्या नेतृत्वाखाली रणजी ट्रॉफी जिंकणाऱ्या गुजरात संघात पांचाळ हा सहभागी होता आणि त्याने भरीव धावा केल्या होत्या.