ICC T20 World Cup 2026 :  टी-२० विश्वचषकात भारतीय संघाला खुणावत आहेत, दोन मिथकं!  जर ती तोडली तर…

आंतरराष्ट्रीय क्रिकेट परिषदेकडून आगामी टी-२० विश्वचषकाचे वेळापत्रक जाहीर करण्यात आले असून या स्पर्धेत भारतीय संघाला काही मिथकं मोडण्याची संधी असणार आहे. ही स्पर्धा भारत आणि श्रीलंका येथे आयोजित करण्यात येणार आहे. 

• टी-२० विश्वचषक २०२६ चे वेळापत्रक जाहीर 
• ७ फेब्रुवारी २०२६ पासून टी-२० विश्वचषकाला होणार सुरुवात 
• भारतीय संघाला टी-२० विश्वचषकाचे जेतेपड राखण्याचे असणार आव्हान

ICC T20 World Cup 2026 : मंगळवारी, आंतरराष्ट्रीय क्रिकेट परिषदेकडून आगामी टी-२० विश्वचषकाचे वेळापत्रक जाहीर करण्यात आले आहे. ही स्पर्धा भारत आणि श्रीलंका येथे आयोजित करण्यात येणार आहे.  हा महासंग्राम ७ फेब्रुवारी ते ८ मार्च दरम्यान दोन्ही देशांमधील आठ ठिकाणी खेळवण्यात येणार आहे. यापैकी पाच ठिकाणे भारतात आणि तीन श्रीलंकेत असणार आहेत.  स्पर्धेच्या वेळापत्रकाची घोषणा झाल्यानंतर, संघाला एक मोठा प्रश्न निर्माण झाला आहे.  हा प्रश्न म्हणजे २००७ मध्ये झालेल्या पहिल्या टी-२० विश्वचषकाशी आणि पुढील आवृत्तीशी संबंधित असलेल्या मिथकाशी संबंधित आहे. आता भारताने यापूर्वी विश्वचषक जिंकला असून २०२६ ची आवृत्ती उपखंडात खेळवण्यात येणार आहे. त्यामुळे कर्णधार सूर्यकुमार यादववर भार आणखी वाढण्याची शक्यता आहे.

हेही वाचा : Ind vs Sa 2nd Test : भारतीय संघ पराभवाच्या छायेत! रवींद्र जडेजा सांगू लागला बहाणे; परिस्थिती बिघडण्याचे कारण काय?

भारत ‘ही’ मिथकं तोडणार?

गेल्या १७ वर्षांपासून चालत आलेला एक गैरसमज आहे जो मोडण्याची क्षमता सूर्यकुमार यादवकडे आहे. अलिकडच्या काळात भारताने या फॉरमॅटमध्ये आपली क्षमात सिद्ध केली आहे. स्फोटक फलंदाज आणि गोलंदाजांच्या संघासह, सूर्यकुमार यादवच्या नेतृत्वाखालील भारतीय संघ हा गैरसमज मोडण्यात यशस्वी होईल अशी अपेक्षा व्यक्त करण्यात येत आहे. स्पर्धेच्या जवळजवळ १९ वर्षांच्या इतिहासात आजपर्यंत  कोणताही संघ विजेतेपद राखण्यास यशस्वी ठरला नाही किंवा कोणत्याही संघाला घरच्या मैदानावर विश्वचषक जिंकता आलेला नाही.

हेही वाचा : Ind vs SA Test : “मी कर्णधार राहिलोय, मला शिकवू नका”, माजी क्रिकेटपटू श्रीकांत यांचे गौतम गंभीरच्या टीकेला प्रत्युत्तर

२०२६ च्या टी-२० विश्वचषकचा ब्रँड अ‍ॅम्बेसेडर म्हणून रोहित शर्माची निवड

आयसीसीकडून टी-२० विश्वचषक २०२४ आणि चॅम्पियन्स ट्रॉफी २०२५ विजेता रोहित शर्मावर मोठी जबाबदारी सोपवण्यात आली आहे. ‘हिटमॅन’ रोहित शर्माला टी-२० विश्वचषक २०२६ स्पर्धेसाठी राजदूत म्हणून नियुक्त केले आहे. यावेळी, टी-२० विश्वचषकाची १० वी आवृत्ती ७ फेब्रुवारी २०२६ पासून खेळवण्यात येणार आहे. भारत आणि श्रीलंका संयुक्तपणे या स्पर्धेचे आयोजन करणार असून या स्पर्धेत अंतिम सामन्यासह ५५ सामने खेळवण्यात येणार आहे. श्रीलंकेने यापूर्वी २०१२ मध्ये या स्पर्धेचे शेवटचे आयोजन केले होते.