Ind and Eng 3rd Test : भारत आणि इंग्लंड यांच्यात पाच सामन्यांची कसोटी मालिका खेळली जात आहे. या मालिकेतील एजबॅस्टन येथील दुसऱ्या कसोटी सामन्यात भारताने इंग्लंडवर ऐतिहासिक विजय संपादन केला आहे. युवा कर्णधार शुभमन गिलच्या नेतृत्वाखालील भारतीय संघाने इंग्लंडचा ३३६ धावांनी पराभव केला. या विजयासह अँडरसन-तेंडुलकर ट्रॉफी मालिकेत १-१ बरोबरी केली आहे. भारताने दुसऱ्या डावात शुभमन गिलच्या दीड शतक धावा सिराज आणि आकाश दीप यांच्या मिळून १७ विकेट्सच्या जोरावर इंग्लंडलवर मात केली.आता भारत आणि इंग्लंड यांच्यातील तिसरा सामना लॉर्ड्सच्या ऐतिहासिक मैदानावर खेळवला जाणार होणार आहे. या सामन्यात इंग्लंडला जसप्रीत बूमराहच्या आक्रमनाचा सामना करावा लागेल. याबाबत इंग्लंडचे मुख्य प्रशिक्षक ब्रेंडन मॅक्युलम यांनी एक विधान केले आहे.
आमचा संघ दुसऱ्या कसोटी सामन्यात पाचही दिवस भारताच्या मागे होता आणि लॉर्ड्समध्ये खेळल्या जाणाऱ्या तिसऱ्या कसोटी सामन्यात जसप्रीत बुमराहच्या आव्हानाचा सामना करण्यासाठी त्यांना चांगली तयारी करावी लागेल असे मत इंग्लंडचे मुख्य प्रशिक्षक ब्रेंडन मॅक्युलम यांनी व्यक्त केले आहे. वर्कलोड व्यवस्थापनाखाली बुमराह दुसऱ्या कसोटी सामन्यात खेळला नाही, ज्यामध्ये भारताने 336 धावांनी विजय मिळवून पाच सामन्यांची मालिका बरोबरीत आणली.
हेही वाचा : IND vs ENG : लॉर्ड्सवर टीम इंडियाचा रेकॉर्ड अस्वस्थ करणारा! वाचा किती सामन्यात साधली सरशी..
त्यानंतर भारतीय कर्णधार शुभमन गिलने पुष्टी केली की वेगवान गोलंदाज बुमराह पुढील सामन्यात परतेल. पुढील सामन्यात बुमराह परतण्याची शक्यता आहे, म्हणून आम्हाला चांगली तयारी करावी लागेल. मला वाटते की तिथली खेळपट्टी इथल्यापेक्षा वेगळी असेल, जी आमच्यासाठी चांगली गोष्ट आहे. दुसऱ्या कसोटीत आम्ही पाचही दिवस भारताच्या मागे होतो. भारताने उत्कृष्ट कामगिरी केली. शुभमन गिल हा एक उत्तम फलंदाज आहे आणि त्याने या खेळपट्टीवर उत्तम कामगिरी केली.
आम्हाला हवे तसे खेळता आले नाही आणि ते विजयासाठी पूर्णपणे पात्र होते. नाणेफेक जिंकल्यानंतर इंग्लंडने भारताला फलंदाजीसाठी पाठवण्याचा चुकीचा निर्णय घेतला आणि एकूणच खेळपट्टीचा चुकीचा अंदाज लावला. मला वाटते की खेळ जसजसा पुढे सरकत गेला तसतसे आम्ही त्या नाणेफेकीवर विचार केला आणि विचार केला की आम्ही संधी गमावली का. आम्हाला वाटले नव्हते की विकेट इतकी चांगली खेळेल आणि म्हणूनच म्हणूनच कदाचित आम्ही थोडा चुकीचा निर्णय घेतला असेल
.png "Videos"){kind=small}
