Asian Games 2026 मध्ये क्रिकेट फिव्हर ऑन! क्वार्टरफायनलमध्ये भारत-अफगाणिस्तानची टक्कर; कधी, कुठे पाहाल LIVE अ‍ॅक्शन?

IND vs AFG quarterfinal Date schedule: आशियाई क्रीडा स्पर्धेत पुरुष क्रिकेटमध्ये भारत आणि अफगाणिस्तान आमनेसामने येणार आहेत. हा सामना कधी आणि कुठे खेळला जाणार , जाणून घेऊयात.

• टीम इंडिया मैदानात उतरणार
• भारत-अफगाणिस्तान क्वार्टरफायनलमध्ये
• LIVE थरार कुठे पाहाल?

IND vs AFG Asian Games Quaterfinal: जपान येथील आयची- नागोया येथे सुरु असलेल्या आशिया क्रीडा स्पर्धेत पुरुष क्रिकेटला सुरुवात झाली आहे. भारताने अद्याप आपला एकही सामना खेळलेला नाही. भारत आता थेट क्वार्टरफायनल सामन्यासाठी मैदानात उतरणार आहे. टीम इंडियाने त्यांच्या उत्कृष्ट आयसीसी रँकिंगमुळे उपांत्यपूर्व फेरीत थेट स्थान मिळवले आहे. तर, त्यांचा प्रतिस्पर्धी गट फेरीतील सामन्यांमधून निश्चित झाला. अफगाणिस्तानने ‘अ’ गटात अव्वल स्थान पटकावले असून क्वार्टर फायनमध्ये आपले स्थान पक्के केले आहे. आता भारत आणि अफगाणिस्तान हे दोन्ही संघ भिडणार आहेत. कधी आणि कुठे रंगणार हा सामना, जाणून घेऊयात.

Asian Games: शेवटच्या क्षणापर्यंत झुंज अन् मेडल पक्कं! Gulveer Singh ने 10,000m मध्ये पटकावलं रौप्य; भारताच्या पदकतालिकेत आणखी भर

क्वार्टरफायनलमध्ये भारतविरुद्ध अफगाणिस्तान

श्रेयस अय्यरच्या नेतृत्वाखालील भारतीय संघ आशियाई क्रीडा स्पर्धेसाठी सज्ज आहे. भारत आणि अफगाणिस्तान यांच्यातील दुसरा क्वार्टरफायनचा सामना २८ सप्टेंबर रोजी खेळला जाणार आहे. हा सामना कोरोगी स्पोर्ट्स पार्कवर रंगणार आहे. स्थानिक वेळेनुसार सामना १.३० वाजता सुरु होईल, तर भारतीय वेळेनुसार सकाळी १० वाजता सामन्याला सुरुवात होणार आहे. तर, त्याआधी ९. ३० वाजता दोन्ही संघाचे कर्णधार नाणेफेकीसाठी मैदानात उतरतील. दोन्ही संघांमधील टी२० आंतरराष्ट्रीय मालिका नुकतीच संपली आहे. आता, हे दोन्ही संघ पुन्हा एकदा एकमेकांसमोर उभे ठाकतील.

कुठे पाहू शकता हा सामना?

आशियाई क्रीडा स्पर्धा २०२६ मधील सर्व स्पर्धा सोनी स्पोर्ट्स नेटवर्कवर प्रसारित होत आहेत. भारत आणि अफगाणिस्तान यांच्यातील दुसरा उपांत्यपूर्व फेरीचा सामना सोनी स्पोर्ट्स टीव्ही चॅनल्सवर पाहू शकता.याशिवाय, सोनी लिव्ह वेबसाइट आणि ॲपवर देखील सामना पाहता येईल.

सामना मोफत कसा पाहावा?

जर तुमच्याकडे सोनी स्पोर्ट्स नेटवर्कचे सबस्क्रिप्शन नसेल, तर तुम्ही डीडी फ्री डिशवर सामना थेट पाहू शकता. डीडी फ्री डिशवर डीडी स्पोर्ट्स चॅनलदेखील उपलब्ध आहे, ज्यावर सामन्याचे प्रसारण केले जाईल.

भारतीय संघ:

श्रेयस अय्यर (कर्णधार), अभिषेक शर्मा, संजू सॅमसन (विकेटकीपर), वैभव सूर्यवंशी, ईशान किशन (विकेटकीपर), शिवम दुबे, तिलक वर्मा, विपराज निगम, अक्षर पटेल, वाशिंगटन सुंदर, रवि बिश्नोई, जसप्रीत बुमराह, यश ठाकुर,अर्शदीप सिंग.

अफगाणिस्तान संघ:

दरविश रसूली (कर्णधार), मोहम्मद इशाक (विकेटकीपर), नजीबुल्लाह जादरान, करीम जनत, मोहम्मद अकरम, हसन ईसाखिल, खालिद तनीवाल, इमरान मीर, फैसल खान शिनोजादा, फरमानुल्लाह सफी, इसमत आलम, नांग्याल खरोती, अरब गुल मोमंद, फरीदून दाऊदजई, अब्दुल्ला अहमदजई.

Asian Games 2026: भारताच्या स्टार बॅडमिंटन जोडीचा गेम ओव्हर! सात्विक-चिरागचा धक्कादायक पराभव; थाई जोडीने पहिल्याच फेरीत केलं बाहेर